¹ Une ndi Paulo mukaghisibhwa. Une te mulaghisibhwa kwa bhantu ninga kuhitila ku bhantu, lakini kuhitila kwa Jeesu Kilisito ne Kabhumba Tata ghoghaka mushyulanga kufuma mubhafu. ² Kumwine malaso bhonse none, ghondikughandika mapelelo gha Ghalatia. ³ Nehema jibhe kumwenyu kumwi ne amani jifumile kwa Kabhumba Tata ghetu ne Bhwana Jeesu Kilisitu, ⁴ ghakefumwaneja nyenee kwajili ja sambi shyetu mukubha atusabhule ne kipindi jeji ja mabhi, kutokana ne kunyomwa kwake Kabhumba ghwetu no Tata. ⁵ Ku mwajee bhubhe bhutukufu mwaka jonse. ⁶ Ndikushyangaa kubha mwahindukila bhwangu kuinjili jindi. Ndikushangaa nkana kubha mlakuhindukila kule kufuma kumwaje nyene ghakabhetanga ku nehema jeke Kilisitu. ⁷ Kutuhu injili jindi, lakini kulibazi ja bhantu bhobhali kubhasabhabhishya omwe matatizo nokuhenda kubadili injili jake Kilisitu. ⁸ Ninga kobhe nifwe au misambwa kufuma mwighulu alakutangasha ku mwenyu injili tofauti ne jilya jotwakajitangashyanga kumwenyu, afuswe. ⁹ Kobhebo twakatendandanga ku mwenzo, ne nonwe ndikutenda kabhili, "Kubha kuli muntu alakubitangasishya injili tofauti nebho mwakapokela, afushwe." ¹⁰ Kwani nonwe nankuhensa bhusibhishe bhwa bhantu au Kabhumba? Ilobhe ndikuendelea kughema kubhafulahisha bhantu une sila kubha mutumisi gheku Kilisitu. ¹¹ Mughana, ndikuhensaone mumanye kubha injili jona nkaytangasha te jili kufuma ku bhantu. ¹² Shyakajipokela kufuma kwa muntu, wala shyakafundisibhwanga. Badala jaje, jikabhela ni kulansibhwa kwake Jeesu Kilisitu kumwane. ¹³ Mwanhwanya kuhulika juu je maisha ghane gha kunyuma ku dini lya Bhayahudi, bhonkabhele ne nkulisanya kubhukali ipelelo lye ke Kabhumba kusumba sipimo no kuliteketeshya. ¹⁴ Nkabhele nanka endelea kwi Dini lya Siyahudi kusuma bhamughana ghane bhengi Bayahudi. Nkabhele ne bidi kweli kubhutamaduni bhw bha tata. ¹⁵ Lakini Kabhumba ghakatehanga kunsaghulone kufuma munda mwa mama. Ghakambikangone kuhila neehema shaje ¹⁶ kumuzililishya Mwanaje mukati mumwane, mukubha imutangashenye miongoni mwa bhantu bhamufilangho. Wala shyakahenda bhushauli bhwa mutumba no malaso ¹⁷ wala shakatandanga kuja ku Yelusalemu kubhalya bhakabhele bhalaghisibhwa kabula jane bhadala jaje nankajanga kubhalabhu kabhili na helela Damesiki. ¹⁸ Baada ja mwake tatu nankatandanga kuja ku Yelusalemu mukamujumbila Kefa, nanjikala naje kunfuku ikumi ne itano. ¹⁹ Lakini shyakalolanga bhalaghisibhwa bhandi isipokua Yakobo, wamugana ghwaje ne Bhwana. ²⁰ Kunga, kumbele jake Kabhumba, silikulemba kusilya shyondikughandika kumwenyu. ²¹ Kishyajaje nankajanga ku mikoa ja Shamu ne Kilikia. ²² Sikabhele ne manyike ku menso mumapelelo gha Bhayahudi ghalya ghakabhanga kwa Kilisitu, ²³ lakini bhakabhele bhekuhulikate, "Nyeve akakabhele alikutusanfya nonwe ghakatangashya imani jo akabhele ali kujibhinhya." ²⁴ Bhakabhele bhekumutukuza Kabhumba kwajili jane.