¹ Lihulikisya ighambo iilyo, uumwe ng'ombe ghwa Bashani, uumwe bho muli kumusosi ghwa Samaria, uumwe bho muli kubha kandamisya masikini, uumwe bho muli kubhaponda bhahitaji, uumwe bho mulikubha bhalila bhaghonsi ghwenyu, ''Tuletele sinywaji.'' ² Bhwana Yahwe ghalala kubhutu, kufu ghwaaje, ''Tasama, nfuku siisile kumwenyu bhwakati bho bhalo kubha fumya kundoni, ghwa mwisyo ghwenyu no ndoani sya kulobhela nsoonsi. ³ Mulakufuma kuhitila mahali hoha polongoka kunkande sya uji, kila ghumwi ghwenyu kuja moja koamoja kuhitila haho no mulakulitagha hambele ha Haemoni - tetibho abhalisye Yahwe.'' ⁴ ''Kaje ku Bettheli no bhuobhu, ningi Gilgali mukaghungi lisya sambi, letesabibu syenyu kila mulabha, saaka syenyu kila baada ja nfuku itatu. ⁵ Fumye sabibu sya shyukulani kumwi no mukati; fangasye sadaka sya hiali, bhatanga sisye, kukubha iijo jo jili kubha pendesya, uumwe bhantu bha Israeli - teti bho abhalisya Bhwana Yahwe. ⁶ Ndilikubha patila bhu safi ghwa menokungo syenyu no kupunguki wano mikate ku sehemu syenyu syonu itasyali te muka helesila kumwane - teti bho Yahwe abhalisye. ⁷ Kumwi nanji lesya nfula kufuma ku mwenyu bhwakati kusyali kubhele no miensi itatu ja kusughula. Nanjijila ji ghone hatunde ja muji, no kujiila ji sighoni, kulugho lundi. Siponde simwi sye indi jaka ghwanhe, lakini sipande sindi sya indi hotakaghwanga hakabhele hakangile. ⁸ Bhaka nyengelanga lugho ibhili amaitatu kuja kulugho sindi kunywa mansi, lakini ubhaka tosyekanga. Hasyali tebhaka nhelelanga uune - abhalisye Yahwe. ⁹ Nambahula kwa malasi gho ghabhabhi sye kubhu. Bhwingi bhwa bustani, mabhala gheenyu gha misabhibhu, mitini syeenyu, no misaituni - akoteketesya syoonse. Hasyali te mwaka nhelilanga teti bho abhali sye Yahwe. ¹⁰ Nantuma tauni kumwenyu kati ja Misri. Nambe hagha bhaana ghweenyu kulupanga, kutwala farasi syeenyu no kujila bhutundo ghwa nkambi syeenyu. Hasyali te muka nhelesile uune, teti bho abhalisye Yahwe. ¹¹ Nansi angamisya miji miongoni mwenyu kobhe bhwakati Kabhumba hoghaka ji angamisa Sodoma na Gomora. Mukabhele kobhe jijinga syo syatwa libhwangwa kufuma kumulilo. Hasyali te mwaka nhelelanga - abhalisye Yahwe. ¹² Kutetyo, ndakwila sintu sibhi kumwobhe, Israeli; no kusabhabhu ndokwila ighambo kumwao bhelipange kusangana lo Kabhumba Israeli! ¹³ Kukubha, tasama, nyene gho ajili te misosi kumwi gho abhumbaje musagha akomuhambululila mawaso ghaaje muntu, akojila mula bho kubha sikolo, no kuha kandigha mahala ha hatunde ha libhwelelo. Yahwe, Kabhumba ghwa majesi, lyo isina ltaaje.''