¹ Hulikisya ighambo lya Yahwe lyogha dahula hatunde jeenyu, bhantu Israeli, halughulu ja familia joonse jo nanka jifumyanga kufuma inchi ja Misri, ² ''Nambasaghula uumwe tuwekufuma familia syonse sya libhwelelo. Kutetyo ndakubhakanya ku saambi syeenyu syonse.'' ³ Je bhabhili bhakobhwele kulyata hamwi tukubha bhakubaliane? ⁴ Je nsimba akobhwela kubhola bhwakati kutuhu kuhigha? Je mwana nsimba akobhwele kubhola kufuma kwipango lyaaje kubha si anighile sintu? ⁵ Je inyonyi lila kughwa kumutegho hansi bhwakati kutuhu syambi sibhikilwe kujili jaaje? Je mutegho ghula kusapuka halughulu kwilongo bhwakati kutuhu sintu sya kunigha? ⁶ Je tarumbeta jilakuhulwa ku mujini no bhantu bhansi sughumi? Je ijangalikabhwele kwisa kumijini lya bhusila kuletwa no Yahwe? ⁷ Kubhwene Bhwana Yahwe te alojila siintu sanga ghagha fumulila mupango bhatumisi ghwa je manabhii. ⁸ Nsiimba ghahwa kubhola; ghanyi te alo kughubhalo kughubhalo? Bhwana Yahwe ghahwanga ku sabhali; ghanyi tealo kutabili? ⁹ Tangasya iije kungome uuko Ashdodi, no kungome sya inchi ja Misri; tenda, ''Mwikonka kumisosi sya samaria jo kunge tilya muchafuko bhouli mukulu kumwaaje, no bhukandamisyaji bhoulo kunyene. ¹⁰ Kukubha tebhamanyile jinsi ja kwila haki - teti bho Yahwe bho abhalisya - abhabho bhatunsile managha no bhubhihili kungome sya abho.'' ¹¹ Ku tetyo, teti bho Yahwe abhalisye, ''Adui alokuji nyenyela inchi. Alokusitambala hansi managha ghaabho no ngome syenyu sila kule kwa nyara.'' ¹² Teti bho Yahwe abhalisyo, ''Kobhe musungaji bho ekusabhabhu maghulu abhilituwe kumulomo ghwa nsiimba, amasipande sya itwi, bho bhana ghwa Israeli bho bhalo kusabhabhu bhwa bhalya, bhobhekele ku Samaria, hamwi no mpebe ja kughonela, amapembe ja sitanda.'' ¹³ Hulikisye no kwilolela halughulu ja lugho lwa Yakobo - teti bho Yahwe abhalisya, Kabhumba ghwa majeji, ¹⁴ ''Kukubha ku nfuku syo nanka lile sambi sya Israeli, kumwi ndaku sikanya masabhahu gha Betheli. Mpembwe sya masabhahu sila kuputwa no kughwa hansi. ¹⁵ Ndaku jibhahya nyumba ja mpeho kkumwi no nyumba ja hali. Nyumba sya pembe sila ku angamisibhwa no nyumba nkulu sila kufumika, - teti bho Yahwe abhalisye.''