¹ Mukubha ho twafika salama twakamanyanga kubha sisi wasijitwile Malta. ² Bhantu bhenyeji bha halya telue bhatu hanga bhukalimu ghwa kawaida, bhali bhaka syananga mulilo no kutukali bhisya twense, kusabhabhu nfula no mpeho jojikabhele jiendelee. ³ Lakini Paulo mukubha ghakonka miligho syankwi no kughubhika kumulilo, nsoka muse ghakafumila kusilya nkwi kusabhabhu ja lilya ituta, no ghali sungulusya kukubhoko kwaje. ⁴ Bhantu bhenyeji bhahalya mukulola inywele ekulinini nisya kufuma ku kubhoko kwaje, bhakalibhali sya bhene ku bhene, muntu uujwe kubhwene ni mwihaghanyi gho atolweke ku bhahali, lakini haki teji likumuhensa bhupanga." ⁵ Lakini nyene ghaka mutaghila uujo nsoka kumulilo no teghapatanga masala ghoghonse. ⁶ Bhene bhakamumbelelanga afimbe kuhoma ama kughwa ghafula no kufwa. Lakini bhaada ja kumukunga ku muda mulehe no kulola kubha kutuhu ighambo lyo lisili lya kawaida kumwaje, bhakahindulanga maghambo ghabho no kubhala akabhele kabhuumba. ⁷ Bhaasi mahali halya hehi habhele no alidhi joji kabhele nsabho ja mukulu ghwa sisiwa, muntu gho akajitwile Pablio. Ghakatukali sya no kutukalimu kunfuku itatu. ⁸ Jakafumilila kubha tata ghwa Pablio ghakanighanga no bhulwele ghwa homa no kuhala. No Paulo ho ghaka mujila, ghakalombanga, ghakabhika mabhoko halughulu jaaje, nokumusisya. ⁹ Baada ja iilye kufumilila, bhantu bhandi halya ha sisiwa bho bhakabhele bha lweele kumwi bhakajanga nobhaka silanga. ¹⁰ Bhantu bhakatuhesimile kuhesima nyiingi. Hotuka bheletuli kwi andaa kusafili, bhakatuhanga filya fyo tukabhele tuli kuhensa. ¹¹ Baada ja miensi itatu, twakasafili ku meli ja Iskanda joji kabhele jahulilwa mmpeho haho hasisiwa, jo fiongosi ghwaje bhakabhele mughana bhabhili mahasa. ¹² Baada ja kubha twatonta kumuji ghwa Sirakusa, twakekulanga halya nfuku itatu. ¹³ Kufumilila halya twakasafili twakafika muji ghwa Regio. Bhaada ja nfuku jimwi musagha ghwa kusini ghwa kesanga ghafula, nobaada ja nfuku ibhili twakafika ku muji ghwa Putoli. ¹⁴ Uuko twakabhasangane bhaasi jabha mughana no twaka kalibhisibhwa kwikala aabho ku nfuku mupungati. Kunsila iije twakesa Rumi. ¹⁵ Kufuma koko bhalya bha mughana, bhaada ja kubha bhalulika bhabhali syetu, bhakesanga kutupokela kwisoko lya Apias no Hotel itatu. Paulo mukubhalola bhalya bha mughana ghaka musyukulu Kabhumba ghaliha bhu simu. ¹⁶ Mukubha twajingila Roma, Paulo ghaka bhali sibhwanga kwikala ghongwa hamwi no ghulya asikali gho akabhele ali kumulinda. ¹⁷ Bhaasi jikabhele baada ja nfuku itatu Paulo ghakabhetanga bhalya bhaghosi bho bhakabhele fiongosi kati ja Bhayahudi. Ho bhakesanga hmwi, ghakabhalanga kwabho, "Bhamughana kumwi no kubha fyakelanga ikosa lyolyonse kubhantu aabhe ama kwila sinyume no taratibu sya bhatata ghweetu bho bhakatulombosyanga, nanka fumisibhwa kobhe mufungwa kufuma Jerusalemu mpaka kumabhoko gha Bharumi. ¹⁸ Baada ja kunhoji, bhakatamaningi kundeka hulu, kusabhabhu kukabhele kutuhu sabhabhu kukabhele kutuhu sabhabhu kumwane uune ja kuhensibhwa asabu ja lufu. ¹⁹ Lakini bhalya Bhayahudi bhobhaka sahula sinyume sya shauko jaabho, nanka lasimika kuputa lufaaku Kaisaria, kukubha tejakabhanga kubha ndili kuleta masitaka kuhusu litaifa lyane. ²⁰ Ku sabhabhu ja kuputa kwane lufaa, tetyo, tetyo nanka bhalombanga kubhalola no kusahula namwee. Nikusabhabhu ja silya syo Israeli jili no bhusimu kuiisyo, na hambwa no sifungo iisye. ²¹ Kiisha bhakamubhalile, "Te twakabhwahingi kupokela lipapa kufuma Yudea kuhusu uughwe, bhwaala kutuhu mughana gho ghakesanga kufumya taarifa ama kutenda ighambo lyolyonse libhii kulenga uughwe. ²² Lakini tulikuhensa kuhulika kufuma kumwobhe uli kulanganya sii kuhusu iilye ikundi lya bhantu aabhe, kusabhabhu jimanyike kumwetu kubha lili kutenda sinyume kila mahali." ²³ Ho bhakabhele bhatengile nfukukujili jaaje, bhantu bheengi nkana bhakamwisile mahali hoaka ekele. Ghabhalenga, lilya ighambo kusaabho no kushudia kuhusu ufalume ghwa Kabhumba. Ghajalibhungu kubhasyawisi kuhusu Yesu, kunamuna syonse ibhili kufuma ku syelia ja Musa no kufuma ku bhana bhii, kusapila mulabho mpaka mugholo. ²⁴ Bhandi bhabho bhaka shawishiike no maghambo ghalya gho ghakabha lwanga, bhwakati bhandi tebhaka amiini. ²⁵ Mukupotwa kukubhaliana bhene ku bheene, bhakabhukanga baada ja Paulo kulitenda ighambo iilye limwi, "Mwegho mulafu ghabhalanga fisogha kuhilila Isaya nabhii kwa tata bheenyu. ²⁶ Ghakalanga, 'Kaje ku bhantu aabheutende, "Ku matwi ghenyu mulakuhulika, lakini te mula kuelewa; No kumenso ghanyu mula kulola akini temula kumanya. ²⁷ Kujili ja miegho sya bhantu aabhe syabha saifu, matwi ghabho ghahulikisya kutaabhu, bhafumbile menso ghabho; ili kubha bhasiisi kumanya kumenso ghaabho, no kuhulika kumatwi ghaabho, no kumanya ku miegho syabho, no kuhinduka kabhili, no inakabha sisye." ²⁸ Kutetyo, muhensibhwe kumanya kubha ghoghu bhwokofughwa Kabhuumba ghufelekwe kubhantu ghwa mataifa, no bhalo kuhulikisya." ²⁹ (Singatia: Mustali uughu "Bhwakati ho akabhele ekutenda maghambo aaghe, Bhayahudi bhakabhukile, uukwe bhali no masindano makulu kati jaabho," uli mutuhuku na kala bole syakale). ³⁰ Paulo ghakekalanga kulugho kwaaje ja kupanga kumiaka syonse ibhiili, no ghakabhakali bhsiyanga bhoonse bho bhakesanga kumwaaje. ³¹ Akabhele eku hubhili bhufalme ghwa Kabhuumba no akabhele aliufundisya maghambo halughulu ja Bhwana Yesu Kristo kubhusimu bhoonse. Kutuhu ghoghaka mulesyanga.