¹ Bwakatu hotukabhele twalileka nabho ne tukusafiri bhaharini twakafika jimwi kwa jimwi kuli lugho lweke kosi ne isoneka jaje twakafika lugho lwa Rodo, ne kufuma koko twakafika lugho lwa Patara. ² Hotwaka patanga meli bhojiku ghambuka kuja Foinike, twakatandanga twasafiri. ³ Hotwakafikanga mbele ja kisiwa sya Kipro, twajileka luhande lwa kushoto twakasafiri hadi Siria, twakabhika nanga kulilugho lwa Tiro, kwa sabhabhu koko kuli meli jakabhele jipakuliwe shehena jaje. ⁴ Baada ja kubhalola bhanafunsi bhabha bhamubhalila Paulo kuhitila kweke mwegho musogha kubha nyene asitofibhi Yerusalemu. ⁵ Ninga twakatimisya mfukusilya, ufwe twakabhukanga twakafa bhonse hamwi ne bhakema bhakumwabho, ne bhatwana bhakumwabho bhakatusindikiza kulinsila sya kumwetu hadi hotwaka fumanga kunse ja lugho kisha twakahula majungo, pwani twakalomba, twaagana kila ghumwi. ⁶ Twakatanda meli koku nabho bhakaherela kulugho kabho kabhili. ⁷ Ninga ho twaka malisya safari jetu kufuma Tiro, twakafika Tolemai. Halya twakasalimiana ndughu ne kuikala nabho kwa mfuku jimwi. ⁸ Isoneka jaje twaka bhukanga twakaja Kaisaria. Ufwe twajingira mulugho ghweke Filipo, muhubhiri ghwa injili gho akabhele ghumwi bhalya mupungati, no ufwe twaka hamwi naje. ⁹ Muntu ghogho akabhele ne bhahara bhane mabhikira ambabho bhakatabilingi. ¹⁰ Baada ja kuikala koko kamfuku kadhaa ghakasoka kufuma Uyahudi nabii ghumwi ajitwe Agabo. ¹¹ Nyene ghakajisa kumwetu ne ghabhutwala mukanda ghwa Paulo. Kwa bhobho ghakajifimbilanga maghulu ne mabhoko ghaje nyene ne kutenda, "Mwegho musogha akutenda teti," "Bhayahudi bha Yerusalemu bhalomuhamba muntu ghoaku milimo muuanda ghoghu, nabho bhalomukabidhi kumabhoko mweke bhantu bha mataifa." ¹² Hotwaka hulika maghambo ghagho ufwe ne bhantu bhobha kabhele bhakuishi mahali halya twakamuhi Paulo asitende kuja Yerusalemu. ¹³ Ndiho Paulo ghakajibungu, "Mukufike si mukulila ne kumfunagha mwegho ghwane? Kwa maana ni tayari, isgho tu kuhambwa, lakini pia kufwila koko Yerusalemu kwa ajili ja isina lya Bhwana Yesu." ¹⁴ Kutilya Paulo teahensile kushabhishibhwa, twakaleka ne kutenda, "Basi mupenzi gheke Bhwana ghatendeke." ¹⁵ Baada ja mfuku sesi, twaka twalanga mifuko jetu ne twakatanda Yerusalemu. ¹⁶ Baadhi ja bhanafunzi kufuma Kaisaria pia bhakalondana nofwe bhamleta muntu ghumwi ajitwe Mnasoni, muntu ghwa Kipro, mwanafunzi ghwakale ambaye twakajikalanga naje. ¹⁷ Hotwakafika Yerusalemu, ndughu bhakatukalibhisya kwa furaha. ¹⁸ Isoneka jaje Paulo ghakajanga hamwi nofwe kweke Yakobo, ne bhakekulu bhonse bhakabheleho. ¹⁹ Baada ja kubha posya, ghakabhahanga lupola ghumwi baada ja findi ja maghambo ambagho Kabhumba ghoakajila miongoni mwa mataifa kwa kuhitila huduma jaje. ²⁰ Bhwakati bhobhakahulikanga ghagho, bhamusifu Kabhumba, ne bhamubhalila ukulola ndughu, kuli maelfu bhenga bhaamini miongoni mwa Bhayahudi bhabho bhonse bhaline maja kunigha sheria. ²¹ Bhabhalilwa kuhusu ughwe kwamba ukufundisya bhayahudi bhobhakuisha kati ja mataifa kuilekelua ne Musa ne kubha ukubhabhalila bhasi bha tahiri bhafwana bhabhone bhasi londi desituri sya kale. ²² Tukupaswa tujile si? Bila shaka bhalohulika kubha ughwe ghwajisa. ²³ Tetyo jila silya ufwe tukukubhalila nonwe tulinabho bhantu bhane ambagho bhabhika nadhiri. ²⁴ Bhatwale bhantu bhabha ne ujisunge nyene hamwi nabho ne ubhalihile gharama syakumwabho ili bhakobhole kunyoa mitwe jakumwabho tetyo kila ghumwi apate kumanya kubha maghambo ghobhabhalilwa kuhusu ughwe ni gha malami bhalojisansya kubha ughwe pia ukulonda sheria. ²⁵ Lakini kwa habari sya mataifa ambagho bhabha bhaumini, twakagha ndikane kufumia maagizo kubha bhakupaswa kujiepusha ne fintu fyofyakafumisibhwanga dhabihu kwa sanamu, ne malaso kufumisibhwa ne silya syosyakalinyongwa ne bhali epusye ne uasherati." ²⁶ Ndiho, Paulo ghabhatwaa bhaghosi ne mfuku ja pili ghakalisunga nyene hawi nabho, ghajingira hekaluni kutangasya, kipindi sya kujisunga hadi sadaka jifumisibhwe kwa ajili ja kila ghumwi ghwabho. ²⁷ Mfuku sesyo mupungati syosya kakaribhianga kuhwa baadhi ja Wayahudi kufuma Asia bhamulola Paulo Hekaluni, ne masangano bhakaghajanga ne bhamughololesya mabhoko. ²⁸ Bhakabhele bhakuhula fujo bhantu bha Israeli, tufunanile ufwe ghoghu ni ghulya muntu akubha fundishya bhantu kila mahali maghambo ambagho ni kinyume ne bhantu, sheria ne sehemu jeji. Pia ghabhaleta Bhayunani katika Hekalu ne kupanajisi mahali hapa patakatifu." ²⁹ Kukubha mwanzo ni bhakabhele bhamulola Trofimo Muefeso akabhele hamwi naje mujini, nabho hbakamanyanga kubha Paulo ghakamuletanga hekaluni. ³⁰ Lugho lonse ukabhele ne taharuki, ne bhantubhakakilima hamwi ne kumunigha Paulo bhamufumya kunse ja Hekalu, ne misigho mara jaka hambwanga. ³¹ Hobhakabhele bhakusima kumwihagha habari sya kamufikilanga mukulu wa jeshi lya bhalinzi kubho Yerusalemu jonse jakabhele jabhumbika ghasia. ³² Mara tetyo ghabhatwala askari ne jemadali ghabhu kilimila bhumati bhwakati bhantu. Hobhaka mulola mukulu ghwa jeshi ne askari bhaleka kumuhula Paulo. ³³ Kisha mukulu ghwa jeshi ghakamusoghelela ghamunigha Paulo ne akaamuru ahambwe minyororo abhili ghamutembusya nyene ni ghanyi na ghajilasi. ³⁴ Baadhi ja bhantu kuli bhumati bhbakabhele bhakupayuka sintu sesi ne bhandi sindi kukubha jemadari teghakobhole kubhabhalila syosyonse kwa sabhabhu ja silya fujo ghaamuru Paulo aletwe mukatisa ngome. ³⁵ Basi oghakafikanga kuli ngazi ghachu kuliwa ne askari kwa sabhabhu jaghasia sya bhumati. ³⁶ Maana bhumati bhwa bhantu bhakamulonda ne kuendelea kuhura fujo mufumya haha ghogho!" ³⁷ Paulo ho akabhele akiletwa mukati ja ngome ghaka bhabhalila mukulu ghwa jeshi, "Nikuleobhola kukubhalila sintu?" Ghulya mukulu ghwa jeshi lya ghatenda, "Je ukusahula Kiyunani? ³⁸ Je, ughwe sighulya Mmisri ambaye awali ghakalombosya uasi na ghaka twalanga magaidi elfu munane nyikani?" ³⁹ Paulo ghatenda, "Une nili Myahudi, kufuma lugho ghwa Tarso ja Kilikia. Une nili raia ghwa lugho maarufu nikubhalomba munduhusu ntende ne bhantu." ⁴⁰ Bhwakati jemadari bho ghakamuhanga ruhusa ghahagha lala hali ngasi ne ghafumya ishara kwa bhantu kweke ibhoko lyaje. Bhwakati bho pakabhele ne bhutulibhu ngana gha sahura nabho kwa Kihebrania. Ghatenda,