¹ Baada ja maghambo aagho, Paulo ghakabhukanga Athene kuja Korintho. ² Uuko ghaka mupatanga Muyahudi gho ajitilwe Akwila mutnut ghwa kabhila lya Ponto, nyene no mukasi ghwaaje gho ajitilwe Prisila bha kesile kufuma kulya Italia, kusabhaabhu Klaudia ghaka kalilanga bhayahudi bhoonse bhafume Roma; Paulo ghakesanga kumwaabho; ³ Paulo ghakekalanga no kwila milimo naabho kwaani nyene alikwila mulimo bho bhufanene noghwa kwa abho. Bheene bhakabhele ni bhalyo helesya mahema. ⁴ Paulo ghakatendanga naabho kwi sinagogi kila nfuku ja Sabato. Ghakabhatekanga bhayahudi kumwi no Bhagiliki. ⁵ Lakini Sila no Timotheo mukwisa kufuma ku Makedonia, Paulo ghakasukumwanga no mweegho kubhashuhudia bhayahudi kubha Yesu oh nyene Kristo. ⁶ Bhwakati bhayahudi ho bhakamupinganga no kumudhihaki, tetyo Paulo ghaka kung'untanga ighwanda lya aje ha mbele jaabho, no kubhabhalila, "Malaso ghaku mweenyu no ghabhe hatunde ja mitwe syeenyu uumwe bheene; Uune sili no hatia. Kufumilijila bha Mataifa". ⁷ Tetyo ghakabhukanga kufuma halya ghakajanga ku nyumba jake Tito Yusto, muntu gho alikumutumi kila Kabhumba. Nyuumba jaaje jili hehi no sinagogi. ⁸ Krispo, kalombo ghwa sinagogi kumwi no bhaantu bha halugho kwaaje bhaka mwaminingi Bhwana. Bhantu bheengi bha Korintho bho bhakamuhulikanga Paulo bho ekusahula bhaka aminingi no kupatilisibhwa. ⁹ Bhwana ghakamubhalilanga Paulo bhufuku kunsila ja maono, "Usighubhahi, lakini tenda no usijikali nakele. ¹⁰ Kwaani uune ndi hamwi nooghwe, no kutuhu gho alokujalibhu kukufulasya, maana ndili no bhaantu bheengi kulugho loolu". ¹¹ Paulo ghakekalanga uuko ku muda ghwa mwaaka ghumwi no miengi mukagha koku ekufundisya ighambo lya Kabhumba kati ja kumwaabho. ¹² Lakini Galio ho ghakajilwanga mtwala ghwa Akaya, Bhayahudi bhaka hagha lalanga hamwi kinyume ne Paulo ne kumfela mbeleja sitebhe sya hukumu, ¹³ bhakutenda muntu ghoghu habhashabhishi bhantu bhamuabudu Kabhumba kinyume sya sheria." ¹⁴ Bhwakati Paulo hoghakahesanga kutenda, Galio ghaka mubhalilanga Bhayahudi "Umwe Bhayahudi, kobhe jinakabhe ni ikosa au bhubhihile jina kabhe halali kubha shughulikia. ¹⁵ Lakini kwa sabhabhu ni maswali ghoghana husu maghambo ne masina, ne sheria syenyu bhasi hukumu umwe bhene une sitamani kubha hakimu kubhabhali ja maghambo ghagho." ¹⁶ Galio gaka bhaamurungu bhabhuka mbele ja sitebhe sya hukumu, ¹⁷ Tetyo bhako munighanga Sosthene, kiongozi ghwa sinagogi bhaka muhulanga mbele ja sitebhe sya hukumu . Lakini Galio tegha ka jalingi syo bhakajilanga. ¹⁸ Paulo, baada ja kwikala halya kumuda mleho, ghaka bhale kanga ndughu ne kuja kwa meli Siria hamwi ne Prisila ne Akwila. Kabla ja kubhuka kubandari, ghaka putanga nyele syaje kwani akabhele ghalapa kubha mnadhiri. ¹⁹ Ho bhakafikanga Efeso, Paulo ghakabhalekanga Prisila na Akwila halya, lakini nyene ghaka jingilanga kuli sinagogi ne kujadiliana ne Bhayahudi. ²⁰ Hobhakamu bhalilanga Paulo ajikale nabho kumuda murehe nyene ghakatunanga. ²¹ Lakini ghaka bhukanga kumwabho, ghakabhabhalilanga, "Ndo helela kabhili kumwenyu, ikwa ni mapenzi gha Kabhumba". Baada ja haho bhukanga kwa meli kufuma Efeso. ²² Paulo heghakotuanga Kaisaria, ghaka tandanga kuja kuposya ikanisa lya Yerusalemu, kisha ghaka sokanga hansi ku kanisa lya Antiokia. ²³ Baada ja kwikala kumuda halya, Paulo ghakabhukanga kuhitila maeneo gha Galatia ne Frigia ne kubha jita mwegho bhanafunzi bhonse. ²⁴ Muyahudi ghumwi ajitwe Apolo, ghoghakafukanga koko Alexandria, ghakajisanga Efeso. Akabhele ne bhufasaha katika kusahula ne hodari katika maandiko. ²⁵ Apollo akabhele ghaelekezwa katika mafundisho gha Bhwana. Kujinsi ho akabhele ne bidii katika roho, ghakasahura ne kufundisya kwa bhusahihi mambo ghakanya kumuhusu Yesu, ila ghaka manyanga tu bhubatizo bhwa Yohana. ²⁶ Apolo ghaka sapanga kuzungumuza ku bhujasiri katika hekalu. Lakini Prisila ne Akwila hobha kamu hulikanga, bhakajilanga bhunywanyi naje ne bhakamuelezeanga kulughulu jansila syeke Kabhumba kubhu sahihi. ²⁷ Hoghaka tamaningi kubhuka kuja Akaya, ndughu bhaka mutianga mwegho ne kumuandikia barua bhanafunzi bhobhakali Akaya ili bhapate kumupokela. Hoghaka wasilingi, kuneema ghaka bhafunanila nkana bhalya bhobha kaaminingi. ²⁸ Kumanagha ghaje ne maarifa, Apolo ghakabhasumbanga Bhayahudi hadharani akulangi sya kuhitila maandiko gha kubha Yesu ndiye Kristo.