¹ Une silihuru? Une silimutume? Une syakamulolanga Jeesu Bwana ghwetu? Umwete majabho gha mulimo ghwane kwa Bwana? ² Bhonabhone te mutume kubhandi, bho ghabha ni mitume kumwenyu umwe. Bho mwabhomwe ni bhudhibitisho bhwake mutume ghwane katika Bwana. ³ BHobhu gho bhutetezi bhwane kubhalya bhali kukunganya une. ⁴ Tigho tulibhusila haki jyaklya ne kunywa? ⁵ Tulibhusila haki kutwala muka mutu ghakaamini kobhe bhobhekwila mitume bhansi ne bhaghwaje bheke Bwana, ne Kefa? ⁶ Ama nine nengwa ne Barnaba tuhesilwe kukola milimo? ⁷ Nighanyi alikukola milimo kobhe askali kughalama syaje nyene? Nighanyi akobhyala muzabibhu na sili majabha ghaja? Ama nighanyi akosunga ikundi asi kunywa mabhele ghaje? ⁸ Ndikutenda ghagha kumamulaka gha kibinadamu? Syeria nagho kejikotenda tetyo? ⁹ Bhojyabha jinyeghilwe kusyelia jyake Musa, ''Usimuhambi ng'ombe mulono hwalikulya nafaka. nifyene kabhumba alikubhajali kana ng'ombe? ¹⁰ Ama tigho tyekutenda ghagho kujili jyetu? Jinyeghilwe kujili jyetu. Kusabhabhu nyene akalima nafaka jihesilwe alime kamatumaini, nagho akasughula ahensilwe asughule kumatarajio ghakusiliki mukusughula. ¹¹ Kobhe twakabhyalanga, fitu fya mumwegho mwikundi lyenyu, leli naghambo kulu kumwetu, twakasughulanga fitu fya kumutumba kufuma kumwenyu? ¹² Kubha bhandi bhakapatanga hako jeji! Kufuma kumwenyu, kasi ufwe te kana? Ninga tetyo tyetwakadaingi hahijeji dala jyaje twaka vumilianga maghambo ghonse badala jyakubha kekwazo sya injili jya Kilisito. ¹³ Temwisi jyakubha bhose bhakokamilimo muhekalu bhakopata fyakulya fyabho kufuma kuhekalu? Temwisi bhonse bhakokola dhambi bhatuma kumadhabahuni bhako pata sehemu jya syilya syafuma madhabahuni? ¹⁴ Kujinsi jyejoe Bwana bhoghakaloghalanga kubha bhonse bhalikujitangasya injili syeliti bhapate kwikala kulinga na jejyo injili. ¹⁵ Tukubha siku nudai haki syose ne silikunyeghaa ghagha hakubha ighambo lyolyonse likoleke kujilijyane niweni une ifwe kusumba muntu ghoghonse kubutumisha koku kwitapa kwane. ¹⁶ Kobhe ne ndikujihubili injili ndibhusila sabhabhu jya kusifu kusabhabhu nilazima injili tetyo syauli jyane nandeka kuhubili injili! ¹⁷ Kobha nanjila teti kukuyali jyane ndi na dhawabhu. Tukubha jisili hujali syali neneli ne jukumu lyonakahebhwanga kubha wakili. ¹⁸ Kundi dhawabhu jyane nisi? Jyakubha honeli kuhubili ndajifumya injili habhusila ghalama ne bhusila kukolela kabhutimilifu bhwa haki jyane jyondinajyo kuinjili. ¹⁹ Ninga bhonamba huru kubhose, nakwahunga mutumwa ghwa bhonse, hakubha ikobhole kupata bhengi kana. ²⁰ Kubhayahudi kabhele kobhe Muyahudi hakubha umbapate bhayahudi kubhalya bhali lefo na syelia nakelanga tetyo ninga une binafsi sikabhelehefo na syelia. ²¹ Kubhalya bhali hanse na syeruka bhele kobhe ghumwi ghwabho hanse na syeria ninga une binafisi sekabele hanse ne syelia jya Kilisito. Nekelanga tetyo hakubha imbapate bhalya bhali hanse syelia. ²² Kubhalya bhanyonge kobhele munyonge hakubha imbapate bhanyonge namba hali syonse kubhantu bhonse, hakabhasila syonse kubhasisya bhandi. ²³ None nikwila maghambo ghonse, kujili jya injili hakubha isiliki mubaraka. ²⁴ Tuwinsi jyakubha syesyombilo kubhanse bhalikwisumba bhakokilima, tukobha akopokela ituzo ni ghumwi? Tetyo kilime lubhulo hakubha mupate ituzo. ²⁵ Bhanamichezo bhakolizwa kughonseko bhendi kumafunzo. Bhabhobhakojilatetyo hakubha bhapokele taji jisibhihile. ²⁶ Tukubha une sikokilima bhusila sabhabhu ama nekusola ngumi kobhe kuhula musagha. ²⁷ Tukubha nikusafya mutumba ghwane ne kughwila kobhe mutwaha kubha hondokakwisya kubhahubili bhandi, une ne nyene nesibhili ghakutunwa.