¹ Ndikuhensa umwe mumanye ikolo lyabhe ne lyumbulyobhe jyakubha bhasinywe bhakabhele hansi ne ghulu ne bhonse bhakahitanga mubahari. ² Bhonse bhakabatizwanga bhabhe bheke Musa mukati ne kusi ne mukati na bahari. ³ Ne bhonse bhakalyanga fyakulya filyae fya mwegho. ⁴ Bhonse bhakanywanga kunywaji silyae sya mwegho bhakwanywanga kufuma kumughamba ghwa mwegho ghwaka bhalo ndanga ne mughamba ghukabhele ni Kilisito. ⁵ Tukubha kabhumba teghakatenga kana bhengi bhabho ne milambo jyabho syakasambasibhwanga mwijangwa. ⁶ Kundi maghambo ghagha jikabhele mifano kumwetu. Hakubha ufwetu sibhi bhantu bhakutamani, mabhikobhe na bhene bhobhakelanga. ⁷ Musibhi mwaabudu sanamu kobhe bhandi bhabho bhobhakabhele. Jeji nikobhe bhojinyeghilwe, ''Bhantu bhakekalanga hansi bhekulya ne kunywa bhakabhukanga kusuha kutama sya mapenzi.'' ⁸ Tusili bhumalaja kobhe bhangi bhabho bhobhakelanga. Bhajila ifukulemwi bhantu makumi abhili natatu elufu kusabhabhu jejyo. ⁹ Tusimughemi Kilisito, kobhe bhengi bhabho bhobha kelanga bhanabha bhihisya na soka. ¹⁰ Nekabhili musinong'oni kobhe bhengi bhabho bhobha kanong'onanga, no kubha bhehesya malaika bhamauti. ¹¹ Ghagha maghambo ghakokalekangakobhe mifano kumwetu bhaghanyegha kobhe kutukanya ufwe bhakatulanganya habhuhela jya kale. ¹² Kasi kila akolilola ahaghalete abheakini asighwi. Kutuhu lyaribu lya kamipatango mwe lisili kawaida lya bhanadamu. ¹³ tukubha kabhumba ni mwaminifu, tya namilele mughemwe kuuta bhuwezo bhwenye. Hamwene jaribulalomiha nyene alomiha musigho ghwakufumila hakubha mukotohole kusitamili. ¹⁴ Bho fyabha tetyo bhunane jikilimembala jya sanamu. ¹⁵ Ndikutenda namwe kobhe bhantu bhamasala. hakubha mutende gondikutenda. ¹⁶ Sikombo sya baraka sya tukobhariki tebhushirika bhwa malaso gha Kilisito? Mukate ghulya gho tukoputula te bhushulika bhwamutumba ghwa Kilisito? ¹⁷ Bhoghwabha mukate ni ghwumwi ufwe tulibhengi tulimutumba ghumwi ufwe fwense tukupoke mukate ghumwi hantu hamwi. ¹⁸ Bhakunhe bhantu bhaisilaeli: Je! kunge bhantu bhonse bhalikulya zabihu te bhashirika kumadhabhahu? ¹⁹ Ndikutendasi kabhili? Jya kubhasanamu nisitu? Ama jyakibha fyakulya syobhakafumisye sadaka kusanamu ni situ? ²⁰ Tukubha ndikutenda juu jya fintu filya fyobhalikufumya sadaka bhantu bhapaghani ne mataifa, jyakubha bhali kufumya fintu fefi kumisaghate kukabhumba. Une sihesile umwe kwifuna na masagha! ²¹ Temuna kobhala kunywela sikombe syeke Bwana ne sikombe sya mamisagha. Temunabha na bhwashirikiano hameza jya Bwana na kumeza jya masogha. ²² Ama tulihumuletela Bwana bhufila? Tulinamanagha kumusumba nyene? ²³ ''Fintu fyonse ni halali tukubha te ffyonse fisogha.'' Funtu fyonse ni halali tukubha tefyonse fikobhajenga bhantu. ²⁴ Hatuhu ninga ghumwi anakahense masogha ghaje. Badala jyaje kila ghumwi anakahense masogha gha mwinaje. ²⁵ Mwanakobhola kulya kila situ syobhalikughusya kusoko bhwila kubhasili sya kwajili jya samili. ²⁶ Tukubha bhwelelo ni sabho jyake Bwana, ne fyonse fikobhumbike.'' ²⁷ Nemuntu asiko amuri ghamialika kulya ne mukuhesa kuja lye syosyonse syalomiha bhasila kubhasya maswali gha dhamili. ²⁸ Tukubha muntu ghamubhalila syakulya sesi syafuma musadaka jya bhapagani,'' Musili. jeji ni kwajili jyaje ghamubhali ne kujili jya dhamili. ²⁹ Une silikutenda dhmabi syenyu, bali jya ghulya ghundi. Ninasi bhuhuru bhwana bhukukumwe ne dhamiri jya mwetu ghundi? ³⁰ Kobhe jyabhone kukolela fyakulya kushukurani, ninasi bhondi kutukwa ne sintu syonashukulungu kwabho? ³¹ Kansi syosyonse kunywa na kulya ama syosyonse syomulikukola jite ghonse bhokwabha bhutukufu bhwake kabhumba. ³² Musibhabhusi Bhayahudi ama Bhayunani, ama kanisa lyake kabhumba. ³³ Gheme kobhe une bhoko ghema kubhapendeza bhantu bhonse kumaghambo ghonse, siruhense faida jyane nenyene ndikuhensa jyabhengi. None ndekwila tetyi hakubha bhapate kusila.