¹ Nomwe ndikubha jisukisya, bhakaka no bha jojo, juu ja injili jo nambahubhilia, jo mwaji pokelanga no kujugha la kughagho. ² Nikuinjili jeji mwasabhulishwa, kobhe mulolinigha imala ighambo lyonamba bhalila umwe, tukubha muliamiini bhule. ³ Kati kwansa bhonajipokela kubhumu hili najitatanga kumwenyu kati bhojili: Kubha kutokana no maghandiko, Kilisito gha katwanga kujili ja saambi syetu, ⁴ Kutokana no maghandiko ghasikanga, no kubha ghakasyukanga ifukulya bhutatu. ⁵ No kubhaghaka mufumililanga kefa kabhili kubhalya kumi no mbili. ⁶ Kabhili ghakabha fumililanga kubhwakati ghumwi kaka no bha jojo kusumba maghana atano. ⁷ Bhengi bhabho bhasyali bhali bhapanga, lakini bhandi bhabho bhalele tulo. ⁸ Bhuhela ghwa ghonse, ghakamfumililanga une, kobhe titya mwana ghoghaka fyalibhwanga bhwakati bhote sahihi. ⁹ Kukubha une nimuse kati ja mitumee. silensibhwe kujitwa mitume, kusabhabhu nanka lisafyanga kanisa ly kabhumba. ¹⁰ Lakini kunehema ja kabhumba ndiho kati bhondii, no nehema jaje kumwane jtejakabhanga bhule. Bedili nankelanga bindii kuleka bhonse. Lakini teja kabhangaune, bhali nehema jako bhumba jojili mukati mwane. ¹¹ Kutetyo kati nine ama bhene tulikulubhili tetyo no tuli kuamini tetyo. ¹² Sasa kobhe Kilisito ghaka hubhili bhwanga kati ghoghaka syukanga kubhafwile, jibhe bhuti bhandi bhenyu bhatende kutuhu bhusyulo ghwa bhafu? ¹³ Lakini kobhe kutuhu bhusyuloghwa bhafu, bhasi ningi Kilisito teghoka syulikanga. ¹⁴ Nokobhe Kilisito teghaka syulikanga tetyo mahubhili ghakumwetu ni bhule no imani jetu ni bhule. ¹⁵ Notupatikene kubha masyahidi ghwa malami kumuhusu kabhumba kusabhabhu twakamushuhudianga kabhumba sinyume, kubhala ghaka musyulanga Kilisito, bhwakati teghaka. ¹⁶ Kati jilakubha bhafu tebhalo kusyulwa, Jeesu kabhili teghaka syulwanga. ¹⁷ Nokobhe KIlisito tegheka syubhuli bhwanga, imani jetu ni bhule no tusyali tutikusaambi syetu. ¹⁸ Tetyo ninga bhabho bhakatwanga ku Kilisito kabhili bhaangamie. ¹⁹ Tukubha kumaisya agha ghongwa tulino bhusimu kubhwakati bhwisile ndani ja Kilisito, bhantu bhonse, ufwe nibhakutudwiila sighango suubwa ja bhantu bhonse. ²⁰ Lakini nomwe KIlisito syukakufuma kubhafu, majabho ghakwansa gha bhalya bho bhakatwanga. ²¹ Kukubha lufu lwakesanga kuhilila mwanadamu, kabhili kuhitala mwanadamu bhusyulo bhabhafu. ²² Kukubha kobhe ku Adamu bhonse bhekufwa, tetyo kabhili ku Jeesu Kilisito bhonse bhalokwila bhupanga. ²³ Lakini kila limwi kumupango ghwaje: Kilisito majabho ghakwansa, no kisha bhalya bhali bha Kilisito bhalo kwilwa hai bhwakati bhwa kwisa kwaje. ²⁴ Ho ulokabha mwisho, halya kilisito ho alokukabhisi bhufalume kwakabhumba Tata. Jeji ni halya ho alakukomesya bhutawala bhonse no mamulaka ghonse no managha. ²⁵ Kukubha lasima atabhwale mpaka holokabhika bhabhi bhaje bhansi ja nyayo syaje. ²⁶ Adui ghwa mwisyo kubhisibhwa ni lilufu. ²⁷ Kukubha ''ghabhika kila sintu hangi ja nyayo syaje.'' Lakini hoji kutenda ''ghabhika kila sintu,'' Nibhwazi kubha jeji teji husisibhe bhalya bhobhabhikile kila sintu hansi jaje nyene. ²⁸ Bhwakati fintu fyonse fyabhikwa hansi jaje, kabiili mwana nyene alo bhika hansi kwaje nyene ghoghaka bhi kanga fintu fyonse hansi jaje. Jeji jila kufumilila ili kubha kabhumba Tata abhe ghonse kughonse. ²⁹ Ama kabhili bhaho kwila bhutibhalya bhaka bhatisi bhwanga kujilija bhwatu? Kati bhatu tebhaloka syulibhwa kabhisi, kulikabhili bha bhatisibhwe kujili jabho? ³⁰ No kusi tuli kuhalali kila nsaa? ³¹ Kaka no jojo bhane, kuhitili kwisi fukwane ku umwe, jondinajo ku Kilisito Jeesu bhwana na ghwetu, ndili kutangasya itye: Ndikufwa kila kwisye. ³² Jilikunfaida sikumutasamo ghusa mwanadamu, kati nanke hulanga no manywele bhakali ku Efeso, kobhe bhafu tebhe ku syulibhwa,'' Leka bhasi tulye no kunywa, kukubha isoneka tuli kufwa.'' ³³ Musi lembwi: ''Makundi mabhiligha ko bhihya nsembo nsogha. ³⁴ ''Mubhe no kiasi! Muishi ku haki! Musiendelei kwila saambi. Kukubha bhandi bhenyu musile maalifa ghakabhuumba. Ndilikutendateti ku nsonyi syenyu. ³⁵ Lakini muntu ghundi alokutenda, ''JInsi ja bhunti bhafwila bhekusyulibhwa? Nabho bhalokesa no aina si ja mutumba?'' ³⁶ Ughwe ni mujinga nkani! Silya syo ubhyele tekina sapa kukula tukubha syafwa. ³⁷ No silyo syo ubhyele te mutumba bhobhula kukula bhali ni mbutojojili kumela. Jina bhanga no ama sintu sindii. ³⁸ Lakini Kabhumba alojiha mutumba kobhe bho anyomilwe, no kukila mbuto mutumba ghwaje nyenee. ³⁹ Mitumba jonse tejisusene. Tukubha, kuli mutumba ghumwi ghwani wanadamu, no mutumba ghundi ghwa inywele, no mutumba ghundi ghwa inyonyi, no ghundi kujili ja samaki. ⁴⁰ Kabhili kuli mitumba sindi sya kwighulu no mitumba sya kulibhwelelo. Lakini bhutukufu ghwa mitumba sya kwighulu ni namba jimwi no bhutu kutughwa kulibhwelelo ni ghundi. ⁴¹ Kuli bhutukufu ghumwi ghwa isyubha, no bhutukufu ghwandi ghwamwensi, no bhutukufu ghundi ghwa nyota, kukubha nyote jimwi jitofautiene no nyotajindi kubhutukufu. ⁴² Tetyo bhobhuli bhutukufu kabhili bhusyulo bhwa bhafu.Syosi kubhyalwa sikobhilya, no syosikumela tesikubhiha. ⁴³ Syabhyalwa kumalumisi ghakawaida, siku melesibhwa kubhutukufu. Sibhya libhwe kubhudhaifu, siku melesibhwa kumanagha. ⁴⁴ Syabhyalwa kumutumba ghwa asili, sikumelesibhwa kumutumba ghwa si mwegho. Kati kuli mutumba ghwa asili kabhili kuli mutumba simwegho. ⁴⁵ Tetyo kabhili jigha ndikwe, ''Muntu ghwa kwansa adamu ghakelwanga mwegho ghoghukuishi.''Adamu ghwa mwisho ghajilwanga mwegho ghoghukufumya bhupanga. ⁴⁶ Lakini ghwa simwegho teghake sanga kwansa bhali ghwa asili kabhili kuli mutumba si mwegho. ⁴⁷ Muntu ghwakwansa ni ghwakuli bhwelelo, ghakelwanga kubhumbi. Muntu ghwa bhubhili akufuma kwighulu. ⁴⁸ Kobhe kati ghulya gho ghajilitwanga kumafumbi, tetyo kabhili bhalya kobhe tilya muntu ghwakwighulu bhoali, tetyo kabhili bhalya bhakwighulu. ⁴⁹ Kobhe titya bhotuhekile mufano ghwa muntu gha mafumbi, tulobhuheka kabhili mufanoghwa muntu ghwa kwighulu. ⁵⁰ Nomwe ndiku bhabhalila, kaka no jojo bhane, kubha mutumba no malaso tefina hanya bhufalume ghwa kabhumba. Bhwala ghwakubhiha bhuhyanyi bhwabhusila kubhihya. ⁵¹ Kunga! Ndikubhabhalila umwe sili ja bhwene. Tetyo kafwa bhonse, bhali bhonse tulo kabadilisywa. ⁵² Tuloka badilishwa kubhwakati, mukufumba no kufumbula kwa menso, kutalumbeta ja mwisho. Kukubha telu mbeta jilokalila, no bhafwile bhala kusyulibhwa no hali ja bhusilakubhiha, no lulokubadilishwa. ⁵³ Kwani ghoghu ghwa kubhiha lesima ghutwale ghwa bhusila kubhila, na ghoghu ghwa kutwa ghufwale ghwa bhusile kutwa. ⁵⁴ Lakini bhwakati bhobhu bhwa kubhiha kubha ghwa fikwa ghwa bhusila kubhiha, hoghoghu ghwa kufwa kubha ghwa fwela ghwa bhusila kufwa, ho ulokesa mulemo ghu ghandikwe, ''Lufu lwamilwa kubhu shindi.'' ⁵⁵ ''Lufu, bhushindi ghobhe bhuli hee? Lufu, bhulihee bhusungu ghobhe?'' ⁵⁶ Bhusungu ghwa hutu ni saambi, no managhagha saambi syelia. ⁵⁷ Lakini shukulani kwa kabhumbaa, gho aheli ufwe bhushindi kuhitila bhwaana ghwetu Jeesu Kilisito! ⁵⁸ Kutetyo bhapendwa kaka na jojo bhane, mubhe imala no bhasila kutikisika. Daima mujila mulimo ghwa Bhwana, kusabhabhu mujinsi kubha mulimo ghwenyu katika Bhwana te bhule.