¹ Mubhu lensele bhupendo no kutamani nkana kalama sya kumyegho,kusumba nkana nupate kufumyo bhunabhii. ² Maana nyenegho ekunena kulughate ekutenda no ka bhwu mba,maana kutulu ghoghwa kuelewa kusabhabhu ekunena maghambo gha kwifisa katika mwegho. ³ Lakini nyene ghwa kufumya bhunabhii, akotenda no bhantu no kubhajenga, kubha mwegho, no kubhafaliji. ⁴ Nyene ghwa kunena ku lugha akolijenga nyene mwenee, lakini nyene ghwa kufumya bhuna bhii akojenga kanisa. ⁵ Nomwe ndikubhatamani kubha umwebhonse munene kulugha. Lakini kusumba ghagho ndikutamani ja kubhamufumye bhu na bhii. Nyene ghoe kufumya bhu nabhii ni mukulukuleka nyene gho ekunena kulugha hamwi abheho ku mukutafasili ili kubha kanisa lipale kujengwa. ⁶ Lakini nomwe kaka jo jojo ghwane kubha najisa kumwenyu no kunena ku lugha, ndakubha faidia si umwe? Sya kobhole, ukatuwe ndiku bhala namwe kunjile ja bhufunuo ama kunsila ja maalifa, ama bhunabhii, ama kunsila ja fundishyo. ⁷ Tukubha fintu fya bhusila bhuhai kati filimbi ama kinubi kubha syaleka kufumya sauti sya tofauti sila kumanyika bhuti ni syombo si siku kinwa? ⁸ Ku maana kubha tu bhala ghumulila kufumya sauti ja bhusila kumanyika, nikubhuli muntu alo manya ti ja kubha ni muda ghwa kulipanga kubhita? ⁹ Tetyo nomwe. Kubha mwafumya kubhuli mi ighambo lisili lya dhaili, nikubhuli muntu alomanya syo mukutenda? Mula kubha mukutenda, no kutubu gho alokumanya. ¹⁰ Kutuhu syaka kubha kuli lugha nkango mbalimbali kulibhwelelo, no kutuhu ningi jimwi jabhusila maana. ¹¹ Lakini kubha tu sijinsi maana jalugha, ndakubha mugheni kumwaje nyene gho anenile, nagho gho anenile alokubha mugheni kumwane. ¹² Tetyo nomwe. Kukubha mulikutamani nkana kulola bhusihilisyo ghwa mwegho, lense kubha musumbe nkana kuli jenga ikanisa. ¹³ Tetyo nyene gho anenile kulugha no asegho ahebhwe kutafasili. ¹⁴ Kwa maana kubha na nsengha kulugha, mwegho ghwane ghuko segha lakini masala ghane silibhu=sila majabho. ¹⁵ Injile bhuti? Ndakusegha kwamwegho ghwane, lakini kabhili ndakusegha kwa masala ghane. Ndakujimba kwa mwegho ghwane no ndakujimba kwa masala ghane kabhili. ¹⁶ Kuleka tetyo, kubha wamusifu kabhumba kumwegho nyene gho alimugheni alokujitabhuka bhuti ''Amini'' mukufumya shukulani, kubha te agheni gho ulikutenda? ¹⁷ Maana ni bhwene ughwe washukrani fyema, lakini ghulya ghundi te ekujengwa. ¹⁸ Ndiku mushukulu kabhumba kukubha ndili kunene kulugha kusumba umwe mwense. ¹⁹ Lakini tu kukanisa ni heli inene maghambo atano kubhufahamu ghwane leka impate kubha fundisya bhandi, kusumba ja nena maghambo elufu ikumwi kulugha. ²⁰ Kaka no jojo ghwane, musibhi bhana ku mukulanganya kwenyu. Badili jaje, kuhusiana no bhubhi, mubhekati bhana bhachanga, lakini mukulenganya kwenyu mukabha bhantu bhakulu. ²¹ Jighandikwe ku shelia, ''Kubhantu bhalugha sindi no kumilomo sya bhagheni ndo kutenda no bhantu abhe. Bhwale ningi tetyo tebhalo hulika, ''Atensile bhwaana. ²² Tetyo, ndimi ni inshala, te kubha bhobho bhaka amini, halikubhasila kuamini. Lakini kufumya bhuna bhii ni ino hala, tekubha sila kuamini, bhali kujili jabho bhobhuku amini. ²³ Tukubha ikanisa lyonse lyali konka hamwi no bhanene lugha, no bhagheni no bhasila kuamini bhajingila, je tebhanatenda tituli no bhwazimu? ²⁴ Lakini kubha bhonse mulikufumya bhunabhii no musila kuamini ama mughani ghajingile, alokushabhwishibhwa na ghonse gho ekuhuli kisya ghogha kutenda. ²⁵ Sili sya mwegho ghwaje sina funulibhwe, matokeo ghaje anakaghwesifudi. Fudi no kunwa bhwelu kabhumba. Anatubhu ja kubha kabhumba alikati jenyu. ²⁶ Nisi syo silosile bhasi, kaka no jojo bhane? Homuku sangana hamwi, kila ghumwi ali no sabuli, mafundisyo, bhufunulo, lugha amatafasili. Jile kila sintu ili kubhamuli jenge ikanisa. ²⁷ Kubha ghoghonse ekunena kulugha, bhabheho bhabhili ama bhatatu, no kila ghumwi kuzamu. No muntu lazima atafasili syosyatendwanga. ²⁸ Lakini kobhe kutuhu muntu ghwakutafasili, bhasi kila ghumwi ghusi ghwabho ajikale kimya ndani ja makanisa. Bhesi kila ghumwi asaule nyene ghoghwa no kwa kabhumba. ²⁹ Nobhana bhii, bhabhili ama bhatatu bhanenee no bhandi bha hulikisye mukupambanua ghoghate nsilwe. ³⁰ Lakini gho ajikele kubha ghafumulibhwa ijambo kuhuduma ghulya gho abhele akunena no ajili kale na kale. ³¹ Kukubha kila ghumwi ghwenyu akobhwele kufumya bhunabhii bhaada ja ghndi ili kubha kila ghumwi akobholekwifundishya na bhonse bhahebhwe mwegho. ³² Kukubha myegho sya bhanabhii silihansi ja bhungalizi ghwa bhanabhii. ³³ Tukukubha kabhumba te kabhuumba ghwa machafuko, bhali ghwaamani.Kati bhojili kumakanisa ghonse gha bhaamini. ³⁴ Jibhahensile bhakema bhajikale kele kumakanisa. Kukubha tebho kuhulausibhwa kutenda. Badili jaje, jibha hensi bhwe kubha kubhu kondelesi, kobhe kabhili sheria bhojitendile. ³⁵ KObhe kulina syosyonse bhekutamani kulifundisya, bhasi bhabha bhasye bha ghosi bhabha halugho. Tukukubha ninsonyi kwa mukema kutenda kukanisa. Je ighambo lya Kabhumba lyakafumanga kumwenyu? ³⁶ Je lyabhofikila umwe tuwe? ³⁷ KObhe muntu alakulola ni nabhii ama ghwa mumwegho jimuhensile kumanya maghambo gho ndikubha ghandikila ja kubhani malaghisyo gha bhwaana. ³⁸ Lakini bhusila kumanya aghe, mumuleke asimanyiki. ³⁹ Tetyo bhasi, kaka no jojo bhane hensi nkana kufumya bhunabhii, no musilesi muntu ghoghonse kunena kulugha. ⁴⁰ Lakini maghambo ghonse gha jilitwe kubhusogha no kubhu telatibhu.