¹ Aho msi wa sabato iziva lekinagwe kutongia msi wa kuvoka wa juma, Mariam Magdalena na Maria ula ungi vakatonga karereha mbira.’ ² Niho hekiketie kididimo kibaha cha isanga, ambu malaika wa Mfumwa eseie kufuma uko wanga, akaza akahelija ibwe akalukaya. ³ Fwani yakwe yeikee na kiimiko na suke jwake neki nyewa na chachevu.

⁴ Kwa kufoleka, vala varinji vakazingiza vakaikaa sa vefwie. ⁵ Ula malaika akagharusha, akavati vala vache unywi musifeloke! Ambu namanya iti mumwenda Yesu ila ekivambiwe he Msalaba. ⁶ Tewaha ye ambu avuka he vefwie sa vuntu ekitetie. Nzoni murerehe hantu ekiyejwe. ⁷ Heicho tongeni fia murevavwira varateri vakwe avuka enemrongorira kutonga Galilaya, niho hantu mwenemvona makenja kumvwira havo. ⁸ Vakavuka fia hala he mburi vena fole na kuizihirwa kubaha, vakasa kuvavwira varateri iyo mburi. ⁹ Ingeri yesu akazana navo ekiti, Nimkezya vakamziiya na kumgura, vakamdunkutia. ¹⁰ Yesu akavati, Musifoleke tongani murevavwira vandughu vangu vatonge noko Galilaya, niho venenivona. ¹¹ Na aho lava vache vekitonga kumwe he vala vasikari vakaingia he muzi, na kuvavwira vabaha va vatasi vyose vwefumie. ¹² Ni aho vabaha va vatasi na vaghosi vekina vungane yaigaya iyo mburi wakavainka vala vasikari hela nyingi. ¹³ Vekiti, “Tetani iti varateri vakwe vezie kio eweshinjie vakamwiva.” ¹⁴ Kakicha iyo mburi yekisikiwa he mlao tuneteta naye nesi msikete masa.

¹⁵ Vakaghuha hela vakateta sa vuntu vechejijwe icho kiteto kikagisha uko he vayahudi mhaka yoo ili. ¹⁶ Vala varateri ikumi na mmwe vakutonga noko Galilaya he ila ntuvi Yesu avaazere.

¹⁷ Nuvo vekinamvone vakamdunkutia, mira va kumwe hevo vakaketa matatanyi. ¹⁸ Yesu akaze hevo na kuteta navo akavati, meinkiwe nzinya jose uko wanga na kunu si. ¹⁹ Tongani mughoshe vaisanga vose vateri vangu mwekivabatiza he izina la Vava, na Mwana na Mpeho wedi. ²⁰ Na kuvacheja vagurishe vyose nemuazere rereha mi niho hamwe na unywi misi yose mhaka mkengele wa maranga.