¹ Kitabu cha lukolo lwakwe Yesu Kiristo, Mwana Davidi, mwana Abrahamu. ² Abrahamu emmoghie Isaka, Isaka akammogha Yakobo akammoghie Yuda na vajinae. ³ Yuda he Tamari akammogha Peresi ne Sera, Peresi akammogha Hesrom; Hesrom akammogha Ramu. ⁴ Aramu akammogha Aminadabu, Amionadabu akammogha Nashoni, Nashoni akammogha Salimoni ⁵ Salimoni he Rahabu akammoghya Boazi, Boazi he Ruti akammogha Obedi, Obedi akammogha Yese. ⁶ Yese akammogha mfumwa Davidi, Davidi he ula mche wakwe Uria akammogha Solomoni. ⁷ Solomoni akammogha Rehebeamu, Rehebeamu akammogha Abia, Abia akammogha Asa ⁸ Asa akammogha Yosafiri akammogha Yoramu, Yoramu akammogha Uzia. ⁹ Uzia akammogha Yotamu, Yotamu akammogha Ahazi, Ahazi akammogha Hezekia. ¹⁰ Hezekia akammogha Manase, Manase akammogha Amoni, Amoni akammogha Yosia. ¹¹ Yosia akammogha Yekonia na vajinawe lila igheri la kusamijwa noko Babeli. ¹² Nyuma ya kusamijiwa noko Babeli, Yekonia akammogha Shaltrieli akammogha Zerubabeli. ¹³ Zerubabeli akamogha Abihudi, Abihudi akammogha Eliakimu, Eliakimu akammogha Azori ¹⁴ Azori akammogha Sadoki, Sadoki akammogha Akimu, Akimu akammogha Eliudi. ¹⁵ Elihudi akammogha Elezari, Elezari akammogha Matani, Matani akammogha Yakobo. ¹⁶ Yakobo akammogha Yosefu mghosiwe Maria eye emmoghie Yesu eitangwa Kiristo. ¹⁷ Heicho malukulo ose kuvokia Abrahamu mhaka Davidi ni malukulo ikumi na mane, na kuvokia Davidi mhaka kusamijiwa noko Babeli ni malukolo ikumi na mane, na kuvokia kusamijiwa nook Babeli mhaka Kiristo ni malukolo ikumi na mane. ¹⁸ Kumoghwa kwa Yesu Kristo kweho huvu. Mlalo wakwe, Mariamu, ezangiwe ni Yusufu, mira kabla tevena kindana evoneke iti ena mda kwa nzinya ya mbeho wedi. ¹⁹ Mme wakwe Yusufu, ne mndu wa idi teendie kumgera soni he vantu. Akadunganya kukindija uchumba wakwe kwa mbiso. ²⁰ Eho ekidunganya wanga ya vintu ivyo, malaika ya Mfumwa, vakamfumia he ndoto, ekiti, “Yusufu mwana wakwe Daudi usiituke kumughuha Mariamu sa mche wako, kwa kila mda enanayo ni kwa nzinya ya Mpeho wedi. ²¹ Enechunguka mwana wa kiume na unemuitanga izina lakwe Yesu, ambu enevaokoa vantu vakwe na mabanu avo." ²² Ose aa efumie kukenjwa kila chetetiwe ni Mfumwa kwa nzia ya varoti ekiti. ²³ “Rereha bikira eneghuha mda na kumogha mwana wa kiume na venemuitanga izina lakwe Imanueli” maana yakwe, “Murungu hamwe na uswi." ²⁴ Yusufu evukie he lughohe na kuronga sa vundu malaika va mfumwa emtie na emughuhioe sa mche wakwe. ²⁵ Hata huvo, teshinjie naye mhaka ekina chunguke mwana wa kiume na emuitange izina lakwe Yesu.