¹ Hekinafike msi wa Pentekoste, vose vekiho hamwe hantu hamwe. ² Hala indi hakaza mrurumo kufuma uko wanga wekee sa nkungu ngai. ukaizuja nyumba yose veho viitekae. ³ Aho jikavafumia ndimi, ja moto jeghavanyike, jikaoka wanga yavo kila mmwe wavo. ⁴ Avo vose vakaizujwa Mpeho wedi na vakavoka kuteta mitetire ingi, savundu mpeho evaingie kuteta ⁵ Iki vekiho vayahudi vala vekiikaa Yerusalemu, vekimfoleka Murungu kufuma kila mbare kijusi ya isanga. ⁶ Ngurumo iji jekinasikiwe, mavungano la vantu likaze hamwe na vakateta wasiwasi ambu kila mntu avasikie vekiteta kitetire chavo yakwe mwenye. ⁷ Vakamaka na kukugha, vo vekiteta," kwei, ava vose vegaie esi vagalilaya? ⁸ Ha nini uswi twevasikia, kila mmwe kitetire twemoghiwe nacho. ⁹ Vaparthia na Vamedi na Vaelamu, na avo veikaa Mesopotamia, Uyahudi, na Kapadokia, na hena Ponto na Asia, ¹⁰ He Frigia , Pamfilia, he Misri, na mondo ya libya sa Kirene, na Vagheni kufuma Rumi, ¹¹ Vayahudi ba vaongofu, Vakrete na Vaarabu tuvasikia vekiteta he mitetiro yetu jila ndima ja uwezo wa murungu ¹² Vose vakamaka na kutatarushwa; vakavwijanyane vo kwavo, " li mburi ina maani ani?" ¹³ Mira vakumwe vaka soki na kutii, " Ava eengee mvinyo mshaa." ¹⁴ Mira Petro akaimuka hamwe na vala ikumi na mmwe, akatetisha akavati, " Vandu va Yudea na vose mwetue aha Yerusalemu, ichi kimanyike henyu sikijeni kwa makini viteto vya Mrungu. ¹⁵ Vantu ava vesiengee avuntu mweririkana, ambu iki ni saa ntantu icheheavo. ¹⁶ Mira ili ni lila letetiwe kuvechija kwa mroti Yoeli: ¹⁷ Kineoka he misi ja mwisho; Murungu eti, ninevaitia Mpeho wangu kwa vantu vose. Vana venyu na vabora venyu veerota, vambwange enyu venevonyeshwa kimbelo, na vazee venyu veneota ndoto. ¹⁸ Huvo huvo wanga ya vandima vangu na vandima vangu va kiche hena misi iyo, ninevaitia Mpeho wangu, navo venerota. ¹⁹ Ninevonyesha mamako uko wanga na luvengo aha si he isanga, sakame, moto, na mhuwehuwe wa mushi. ²⁰ Na izuva linegharushwa kuoka kija na mweji kuoka sakame, aho wesinaza msi mbaha wa ajabu wa Mfumwa. ²¹ Kineoka iti kila mmwe eneitanga izina la Mfumwa enekijwa. ²² Vantu va Israel, sikijeni viteto ivi: Yesu wa Nazareti mntu efunyirijwe ni Murungu henyu kwa ndima na vimako, na luvengo ala Murungu kuvetija he ye ghati heunywi, sa unywe venye mwemanyije. ²³ Kwa mburi ye kusudiwe tangu kuvoka, na maarifa a Mrungu engoliwe, na unywi he mikono ya vantu vavivi, Mkamvamba na kumkoma. ²⁴ Eye Murungu emvushije na kumvusha uchungu wa kifwa hakwe, ambu chesekive hakwe kumilikiwa nivo. ²⁵ Huvo Daudi eti kuhusu ye , ' nemvonie mfumwa mozya ya vusho vwangu, ye eho mkono wangu wa kume huvo sikasongenjwe. ²⁶ Heicho ngoro yangu ye kina raha na humi iwangu lukazihirwa. kangi mwiri wangu uneikaa he ikiji. ²⁷ Tekashughe nafsi yangu itonge he ngoma, neri tekakunde ezerire wako kuvona kivoji. ²⁸ We wakumanyisha hangu nzia ja ngalamo; uneniketa niizue raha mozya ya vusho vwako ²⁹ Vandughu, niidimakugaya henyu kwa nziny he vava wetu Daudi: ye efwie na akajikwa na mbira yakwe liho hamwe na uswi mhaka yoo ili. ³⁰ Huvyo, ne mroti na emanyije iti Murungu pia kwa kiapo chakwe, iti enevika mmwe ghati lukolo iwakwe he kichumbi cha vufumwa. ³¹ Elivonie ilo mapema, makuti iti kufufuka kwa Kristo, neri e sekishighiwe he ngoma neri mwiri wakwe teuvoiye. ³² Uu Yesu - Mrungu emfufue, eye uswi vose tu vaonwa. ³³ He icho, ekinakwejwe he mkono wa kuume wa Mrungu na ekighuha kiravo cha Mpeho wedi kufuma he Vava, akakufutiwa hicho kiravo echo unywi mwekivona na kusikia. ³⁴ Ambu Daudi tepaie kutonga uko anga, mira akati MFUMWA etetie he Mfumwa wangu. ³⁵ "Ikaa mkono wangu wa kuume, mhaka nenevaketa vonzo vako kagonti kwa ajili ya maghu ako. ³⁶ He icho nyumba yose ya Israeli na imanye kwa hakika iti Murungu aketa ye aoke Mfumwa na Kristo, uu Yesu eye mwemvambie". ³⁷ Iki vekinasikie ivyo vikavushota he ngoro javo vakamti Petro na ntume vangi, " Vandughu, tuketeze?" ³⁸ Na Petro akati, " Chwani mti na Mbatizwe, kila mmwe wenyu, he izina kikwe Yesu Kristo kwa kushughiwa mabanu enyu, na mnepokea zawadi ya Mpeho wedi. ³⁹ He icho henyo ni kiravo he vana venyu na he vala vose veho hae, vantu wangi kwa vuntu Mfumwa Murungu wetu enevaitanga." ⁴⁰ Kwa viteto vingi va vuonwa na kuvarunga; akati, "kukijeni mtume he mbare ei ya vutiri. ⁴¹ Niho vakaaghuha viteto vywakwe na kubatizwa, aho vakaongejika he misi iyo sa nafsi viku vitatu. ⁴² Vakaendelea he michajire ya nume na hevumwa, he kugandua mkati na he maombi. ⁴³ Fole ikaza wanga ya kila mntu, navimako vingi na maluvengo vikarongeka kuvetija he ntume. ⁴⁴ Vose veitikije veokie hamwe na kuoka na vintu vyavo kwa hamwe. ⁴⁵ Na vetaghije vintu na mari javo kughavanya he vose kuringana na vintu vyavo kwa hamwe. ⁴⁶ Huvyo misi baad ya misi veendelee veokie na kintu kimwe he hekalu na vakabendua mkate he nyumba, na vakala kijo kwa raha na unyenyekevu wa ngoro. ⁴⁷ Vekimkaza Murungu na vekizihija vantu vose Mfumwa akaongeja misi kwa misi evo vala vekikijwa.