¹ We tegilo, kila kitabu cha kuvoka nekiandike cha mburi ja vyose vokie kuronga na kucheja. ² Mhaka msi ula ekikwejwa noko wanga, ekinahenje kuvaadera kwa Mpeho wedi Ntume vala eva saghure. ³ Evo vala ekinarishwevwasi ekuvonyesha hevo kwa maluvengo majinki iti eho moo, ekivajumia na rongo a misi makumi mare na kuteta muri jetara vujumwa vwa Murungu. ⁴ Aho ekizomana navo akavazera vasivuke Yerusalemu, ira vainde kiravo chakwe Vava, "mwekisikie hemi. ⁵ Ambu Yohane ekibatiza kwa mpombe ,mira unywi munebatizwa kwa Mpeho wedi hesinavecha misi mingi." ⁶ Vekinavungane vakamuwija vekiti,"Mfumwa igheri ilo niho wenevahunduia Vaisraeli vufumwa vwavo?" ⁷ Akati , "Si ndima yenyu kumanya magheri kanokiaze Vava evikie kwa nzinya yakue mwenye." ⁸ Mira muneinka nzinya aho Mpeho wedi ekinemuseia, n unywi muneoka vaonwa vangu aha Yerusalemu, na Yudea hose na Samaria mhaka mginto wa masanga." ⁹ Mfumwa Yesu ekinateta huvo, ahovekirereha, akauishijwa na wanga, ijumbi likamguha vereyonya. ¹⁰ Vecheri tunkula noko wanga hala ye ekilonga, rereha, Vantu veri vakaimuka hajuhi navo, vedokie vuke nyewa. ¹¹ Vakati, " Unywi vantu va Galilaya, hanini mwiemuke mwekirereha noko wanga?" Uu Yesu evushijwe shinyu henyu kutonga noko wanga enerahundika huvo sa vantu mwemvanie e kitonga na uko wanga ¹² Niho vakahunduka na Yerusalemu kufuma he ntuvi yeitangwa ya Mizeituni, yeho hafuhi na Yerusalemu kiringanyo cha Mtongo wa Sabato. ¹³ Vekinaingie vakakwea na gu hala hantu vekiikaa. Va Petro ne Yohane, ne Yakoo, ne Andrea, Filipo ne Tomaso, Bartolomayo ne Matayo, Yakobo mwana Alfayo, Simoni Zelote na Yuda mwana Yakobo. ¹⁴ Ava vose vekishinda omba na ngoromwe. hantu hamwe na vantu va kiche ne marira mlala wavo Yesu na Vajinawe. ¹⁵ Misi ila Petro akaimuka ghati he avo vangughu mazina ekoloka ighana na makumi meri, akati, ¹⁶ Vandughu, chekitara iandiko likoloshwe, sa vantu Mpeho wedi etetie vae he momo wakwe Daudi he mburi yakwe Yuda, eye ekivarongorire vala vemguri Yesu. ¹⁷ Ambu ekitaranywe hamwe na uswi, akainkwa ifungu he ii ndima." ¹⁸ (Heicho ue mntu ezorire mghunda na mhako wa vuvii, akagwa kafokoromo akabuka matumbo akwe ase a kafuma. ¹⁹ Kikamanyika he vantu vose vetue Yerusalemu, na ula Mghunda kihava ukaitangwa "Akeldama" ni kutii mguhunda wa sa kame.") ²⁰ Ambu cheandikwe he kitabu cha mazumo, 'Hantu hakwe hashighwe vula neri hasikete mntu eikaaho kangi; ' vabaha uwakwe vughuhwe ni ungi.' ²¹ Heicho, he vala vantu vekitonjanya na uswi igheri lose, aho Mfumwa Yesu ekitongia hentu na kufuma, ²² Kuvokia mbatizo wakwe Yohane mhaka msi ulaekivushwa hetu na kutonga uko wanga, he avo ki tara iti mntu mmwe aoke muonwa hamwe na uswi wa kuvuka kwakwe he vefote. ²³ "Vakavika vantu veri, Yusufu eitangwa Barnaba, ena izina la keri eitangwa Yusto ne Matia. ²⁴ Niho wakaomba vakati, " we Mfumwa wemanyije ngoro ja vantu vose, tuvanyeshe he ava veri ni uhi wemsagheire. ²⁵ Agure hantu hakwe Yuda he iindima ya ntume eishighie akatonga kihakwe." ²⁶ Vakavoshotia manga, akamgwia Matia naye akataranywa na ntume ikumi na mmwe.