¹ Baada ya mburi iyo, Paulo akavuka Athene kutonga Korintho. ² Uko akampata myahudi eitangwa Akila mntu wa mbare ya Ponto, ye na mche wakwe eitangwa Prisila vezie kufuma uko Italia, ambu Klaudia eamore vayahudi vose vavuke Roma, Paulo akze havo. ³ Paulo akaikaa na kuronga ndima navo, ambu ye eronga ndima yefwanane navo. Vo vekihareha mahema. ⁴ Paulo akavwijanyana navo he sinagogi kila msi wa sabato evajutie vayahudi hamwe na vagiriki. ⁵ Mira Sila na Timotheo vekinaze kufuma Makedonia Paulo eshukumwe ni ngoro kuvatetia vuonwa vayahudi iti yesu niye Kristo. ⁶ Eho vayahudi vekimkana na mrara, niho Paulo akakung’unta suke jakwe mozya ya vo, na kuvati, “Sakame yenyu roke wanga ya mitwi yenyu venye, mi sina ikosa, kuvuka iki ninetonga he vaisanga”. ⁷ Huvyo akavuka kufuma hala akatonga he kaa yakwe Tito Yusto, mntu emfoleka Murungu. Nyumba yakwe iho hafuhi na Sinagogi. ⁸ Krispo, m’baha wa sinagogi hamwe na vantu ya kaa yakwe vakamuitikija Mfumwa vantu vangi va Korintho vekinasikie Paulo kigaya vakamuitikije na kubatizwa. ⁹ Mfuma akamti Paulo kio kwa kuvonyeshwa, “Usiituke, kangi gaya na usihuje” ¹⁰ Haruni mi neho hamwe, nawe na hesina eneghesha kukuketa kivivi, ambu nina vandu vangi he mzi uu” ¹¹ Paulo akaikaa uko hantu ha mwaka mmwe na mieji na mieji mtandatu, ekicheja kiteto cha Murungu ghati yavyo. ¹² Mira Galio ekinaoke mtawala wa Akaye vayahudi viimuke hamwe kinyume ne Paulo ba kumtika mozya ya kichumbi cha kulahia. ¹³ Vakati, mntu wa evajuta vantu vamtese Murungu kinyume cha sheria. ¹⁴ Niho Paulo ekinaende kuti, Galio akavati vayahudi, “Unywi vayahudi nanga hena masa kana mburi ingi, chekioka halali kuvashughilikia. ¹⁵ Mira heiki ni maswali, ehusu viteto na mazina na sheria jenyu ehuvo laheni unywi venye mi sienda kuoka mretaha he mburi ya vintu ivo. ¹⁶ Galio akavakinya vavuke mozya ya kichumbi cha kulalahia. ¹⁷ Huvyo, vakamgura Sosthene, m’baha wa sinagogi akambigha mozya ya kichumbi cha kulahia mira Galio tefoleke vekihirire. ¹⁸ Paulo ekinaikolee hala muda mueza, evashighie ndughu na kutonga kwa meli siria hamwe na Prisila na Akwila. Kabla ya kufuma Bandarini akaenja nyui jakwe ambu eapie kuoka manadhiri. ¹⁹ Vekina vike Efeso Paulo emshighie Prisila na Akwila hala mira ye mwenye akaingia he isinagogi na kuvwijanyana na vayahudi. ²⁰ Vekina mti Paulo aikae navo kwa muda mueza ye akasua. ²¹ Mira akavuka havo, akavati, “Ninehunduka kangi henyu Murungu ekinighenja” Baada ya aho, akavuka kwa meli kufuma Efeso. ²² Paulo lekinasea kaisaria akakwea kutonga kukezia kanisa la Yerusalemu, Niho akasea si he kanisa la Antiokia. ²³ Ekinakenje kuikaa kwa muda hala, Paulo akavuka kuvetije maeneo a Galatia na Frigia na vera nzinya varateri vose. ²⁴ Myahudi mmwe eitangwa Apolo, emoghiwe uko Alexandria akaza Efeso. Eokie na ufasaha he kugaya na hodari he maandiko. ²⁵ Apollo ekiho eazerwe he mafundisho a Mfumwa kwa kila eokie na bidi he ngoro akagaya na kucheja lava nezo mburi jakwe Yesu, naye ekimanyije du ubatzio wakwe Yohane. ²⁶ Apollo akadunge kugaya kwa ndeleko he hekalu mira Prisila ne Akwela vekinasikie, vakaketa vumbwie naye na vakamvwirira wa nzia ja Mrungu kwa nezno. ²⁷ Ekinasikie kuvuka kutonga Akaya, ndughu vakamsarija na kumuandikia barua he vacheji veho Akaya iti vapole kumpokea. Ekinafike, he neema akavaghenja mno vala veitikije. ²⁸ Kwa nguja jakwe na maarifa, Apolo evakelile vayahudi mozya ekivonyesha kuvetija maandiko iti Yesu niye Kristo.