¹ Na iki, ndughu, tuombeni, iti kiteto cha Mfumwa kitonge kimuzya na kukwaza, saevo hetu. ² Tutase hesa tuidima kuzerishwa kufuma he mabanu na vandu vavivi, ambu si vose vena muitikijo. ³ Mira Mrungu ni waidi, ambu enemuimukija unywi na kumrinda na kufuma haula mvivi. ⁴ Tunanzinya he Mfumwa ambu riyenyu, iti mronga na mneendelea kuronga kila twemuazera. ⁵ Mfumwa adima kurongoria ngoro jenyu hena lukundo na hena kugurumija kwake Kristo. ⁶ Iki tumuazera, ndughu, he izina la Mfumwa Yesu Kristo, taneni na kila mdughu asina miikarire yedi neri asirutere meda mweghahie hetu. ⁷ Mwenanyije unywi venye chemutura kuturatera. ambu tetuangie uvivi he unywi. ⁸ Meri tetulie kije ha Mnu wowose twesikirihie. nesi hovu, twehirie ndima kio na msi Kwa vwasi na mabinuko, nesa tusihemeiye mntu wa kihenyu neri mmwe. ⁹ Si iti, tetukundijwe. mira ni iti, twehirire huvo hesa kivenyesho he unywi, hesa mturatere uswi. ¹⁰ Ambu hata lila ighere teho henyu teremuazera,"iti kakicho mntu teenda kuronga ndima nakula asile." ¹¹ Ambu tusikia iti henyu hena vantu vesitonga mitongire yedi. Vesironga ndima mira veronga vintu vya vantu. ¹² Iki ava navotuvazera na kuwaira hakwe Mfumwa Yesu Kristo, hesa nesa vahire ndima yavo kwa vwedi na kula kijo chavo venye. ¹³ Mira nywi, ndughu, msihuje ngoro kuhira vira nesi vyedi. ¹⁴ Kaicha mntu wowose teenda kusikia kiteto chetu he waraka uu mwoke hale naye namsikae naye, hamwe hesa dime kuoke wedi. ¹⁵ Msimguhie samzoo, mira muiguhie samdughu. ¹⁶ Mfumwa Mwenye amwing'e muhorere nanzia jose. Mfumwa aoke na nywi vose. ¹⁷ I ningezya yangu, Paulo, kwa iganza langu wenye, ambu ni ikondi he kila waraka. Huvu nivo hantu negondiye. ¹⁸ Mburi ya Mrungu wetu Yesu Kristo idime kuika nywi vose.