¹ Iki kuhusu kuza kwake Mfumwa wetu Yesu Kristo na kukusanywa hamwe iti tuoke naye: tumsemba vanyue vandugu vetu, ² Kuti msisumbuliwe wala kuororijwa kwa fiafia, kwa mgoro, au kana kwa mburi, kana kwa barua yevoneka iti ifumiwe hetu, ikitimsiwa kuza Yesu wafike. ³ Mntu asimkengere kwa chochose. Kuti teikaze mpaka kula kungwa kuoke Mntu wa uasi afunkurwe, ula mwana wa kukondanya. ⁴ Uo niye ekana na kukukweja mwenye ekimkana Mrungu na vose vemtu kuza. Nakufanikiwa kwakwe, ekaa heikanisa la Mrungu na kukuvonyesha yee kuoka sa Mrungu. ⁵ Je, temkumbuka iti neho hamwe na yue nimwirire vuntu vya mburi ii"? ⁶ Iki mmainje kila chemkindie, iti asidime kufunkurwa hevugari yedi vyemeza. ⁷ Savuntu ila mbiso ya ula mntu wa kungwana ironga ndima mpaka iki, mira hena enikindija iki mpaka enerushwa nzieni. ⁸ Niho ula mwasi enefumunkurwa, ula Mfumwa Yesu enemkoma na Mpeho yefuma ha momo wakwe. Mfumwa enemwosha iti sichochose kwa kufunkurwa kwa kuza kwakwe. ⁹ Kuza kwake ula easie kuneoka vuntu vya ndima yakwe mnzo kwa nguju yose, ishara na maajabu a mongo. ¹⁰ Ma mongo wose wena uvivi. Vuntu vwene oka hevala veteka, kwa kuti teveguhie lukundo kwakeri he vuntu uvakukijwa kwavo. ¹¹ Hevuntu unvo Mrungu evaikwie ndima yena mabanu mesa vangwerisha muongo. ¹² Matokeo akwe mikuti vose venehukumiwa, vale vesi aminie ukweri mira vekuzihija he uvivi. ¹³ Mira heedwa tufwinye na havache he Mrungu kila genda vuntu vywa va mdugu vetu vekundiwe ni Mfumwa. Kwakila Mfumwa evasagure nyue sa vuntu vwa kuvoka vwa hukio na kuzerija kwa Goro na kungwirisha kwa ila kweri. ¹⁴ Iki nicho emfungie nywe, kuti kuvechija injili ndima kuvona vufumwa vwa Mfumwa wetu Yesu Kristo. ¹⁵ Heicho, vandugu, mkeni nento. Umanyeni ula utamaduni mwevonyeshwe kwa kuvwirwa kana kwa barua yetu. ¹⁶ Iki Mfumwa wetu Yesu Kristo mwenye, ne Mrungu vava wetu etukundie na kutuinkwa faraja ya kae na kukudindija kwedi eza kurechija nema, ¹⁷ kuvatuja na kumdindija goro yenyu he mburi na ndima yedi.