¹ Paulo, Silwano, ne Timotheo ha Kanisa la Vatetalonike hena Mrungu vava wetu na Mfumwa Yesu Kristo. ² Mbonea na ioke henyu na lutelwedi lwefuma ha Muungu vava wetu na ha Mfumwa Yesu Kristo. ³ Kitutara kumuajela Murungu misi yose vuntu vwenyu, sa vuntu chevaie, ambu mwitikijo wenyu uongejika mno, na lukundo lwa kila mtu luongejika kwa vujiki. ⁴ Na uswi vyenye na uswi tuketa ngazo vuntu vywenyu, he Makanisa a Murungu. Tugaya mburi kurinda kwenyu kwa viugo mwena navwo he vwasi vwose. Tugaya mburi ya vwasi mwegurumija. ⁵ Nikwo luvengo lujenye lwa mlaho kitea cha Mrungu. Nesa mtarwe iti kimufywe nye kuingia hevumwa vya Mrungu evo mwerishwa vyasi ⁶ Ambu ni kitea he Mrungu kuvahundia mavaswi vala vemurisha vywasi, ⁷ Kumuinga Unjwi mwerishwa vywasi. Kuzihirwa hamwe na uswi aho Mfumwa Yesu ekifunukurwa kufuma uko wanga hamwe na vamalaika vakwe nzinya. ⁸ Heluverevere lwa moto kangi ekichwa sire hevala vesimumanyije Mrungu na vala vesigurishwa mburi yedi ya Mfumwa wetu Yesu. ⁹ Avo vyeneighwa na kuteshwa toshona kutanywa na vusho vywa Mfumwa na ngazo ya nzinya yakwe. ¹⁰ Ula musi aho ekineza nesa akazwe he vezerire vyakwe. Na kumakwa hevose veitikije ambu vuonwa vyenu vye itikijwe Henyu. ¹¹ Heicho tumuombia unywi misi yose. Nesa Mrungu wetu amutare iti Mweteghane kuitangwa kwenyu akakolosha kile cheendwi he vyedi. Na kila ndima ya mwitikijo kwa nzinya yakwe. ¹² Izina la Mfumwa wetu Yesu Kristo likazwe. Tumuombia iti mpate kuanjerwa naye, he uswi na unjwi henye he mbonea ya Mrungu wetu na ya Mfumwa Yesu Kristo.