¹ Nao from samting ia yumi mas holem taet strong tru tok we yumi harem finis, from bae yumi no save ronwe long hem. ² Yumi luk finis tok tok ia blong ol enjel we oli tru, mo olgeta we oli brekem tok ya bae oli kasem panis from, ³ hao nao bae yumi save ronwe long bigfla salvesen ia we yumi nomo wantem? Salvesen ia we fastaem Masta blong yumi i bin talemaot mo olgeta we oli bin harem tu oli talem sem samting ya we i tru. ⁴ Sem taem God hemi soemaot long ol saen mo ol bigfla merikel wok tru long olgeta kif we Holi Spirit nomo i kivim folem will blong God. ⁵ God i no putum ol enjel blong oli rulum niufla wol ia we bae i kam, olsem we yumi stap tokbaot ⁶ I kat wan man i bin talemaot samples, se, "Wanem nao i gud tumas long olgeta man blong wol ya, we i mekem Yu stap tingbaot olgeta? O olsem wan pikinini blong man long wol ia, we i mekem yu lukaot gud long hem? ⁷ Yu bin mekem ol man oli kam smol moa long olgeta enjel; afta yu sowem bigfala hona long olgeta mo glory blong yu i saen long olgeta olsem wan king. ⁸ (Long sam impoten mo olfala lanwis bl ol man krik, kopi blong baebol long taem ia i talem olsem, " mo yu bin putum hem blong lukaot ol samting we Yu mekem long hand blong yu.") Yu putum everi samting we yu mekem long power blong hem blong manejem." God i bin putum olgeta samting we hemi mekem long hand blong hem, blong man long wol ia i manejem. Hem i no karemaot eni samting long man blong i no manejem. Be naoia, yumi no luk se man i manejem evri samting ya. ⁹ Be Jisas, we rank blong hem i ko smol bitim olgeta enjel, long smol time blong hem long wol ia, hemi winim glory mo hona from harem nogud mo ded, we i mekem se tru long klad had blong rod hemi save ded from olgeta man. ¹⁰ God i bin mekem i stret nomo, from everi samting i stap from hem mo tru long hem, bae fulap pikinini blong man i save kasem gudfala laef. Hemi stret nomo blong hem i kam olsem stampa blong laef blong olgeta man tru long harem nogud long Kros. ¹¹ From we i mekem man i klin long sin blong hem, long feas blong God, mo man we i kam klin long feas blong God, tugeta i kat one papa nomo. i mekem se Jisas i no sem blong singaotem hem olsem ol brata. ¹² Hemi talem se, ''Bae mi talemaot nem blong yu long olgeta brata blong mi, bae mi talemaot long grup blong ol biliva.'' ¹³ Long samfala toktok we ol profet oli talem bifo we Jisas i talem I ko long God se, ''Mi trastem Hem.'' Mo bakeken se, ''Mi stap long ples ia wetem olgeta pikinini we God I kivim olgeta long mi.'' ¹⁴ From samting ia, olgeta pikinini blong man we oli semak nomo, hem i kam semak olsem olgeta long fasin blong man, blong mekem se tru long ded blong hem long kross hem i save brekemaot pawa blong devel we i stap mekem ol man oli frait long ded. ¹⁵ From samting ia i mekem se olgeta man oli free gud long laef blong olgeta we oli bin stap frait nogud long ded. ¹⁶ Tru nomo se hem i no bin helpem olgeta enjel, be olgeta laen blong Abraham. ¹⁷ Nao hem i stret nomo blong hem i kam olsem olgeta brata blong hem long wol ia, blong mekem se hemi kam olsem hae prist ia blong save karem man i ko klosap long God, from hemi fokivim olgeta long ol fasin blong olgeta man. ¹⁸ From Jisas kraes hem wan i bin harem nogud tumas mo bin ko tru long temtesen blong hemi save helpem olgeta man we oli pas tru long temtesen.