¹ Nao feit hemi wan samting we yumi gat strong tingting long wanem we yumi no luk yet se bae yumi kasem. ² From samting ya,God hemi leftemap mo mekem pupu blong yumi ya bifo from feit blong olgeta. ³ Nao yumi save gud se tru long feit nomo,God i talem se wol ya long toktok blong hem nomo.Mo ol samting we yumi save luk,God ino yusum olgeta blong createm wol ya. ⁴ Cain hemi givim wan gudfala sakrifaes igo long God from tru long feit blong hem nomo ,nao hemi kam stret man,mo God hemmi glad long sakrifaes blong hem .Abel i bilif se tru long feit blong hem nomo i save toktok yet even kasem long taem we hemi deed finis. ⁵ Enock i no bin ded be tru long feit blong hem nomo,God hemi tekemaot hem. ''From we God hemi tekemaot hem,ol man oli no save faenem hem.''Be bifo God hemi tekemaot hem,Enock hemi stap mekem God i glad long hem. ⁶ Nao spos yumi nogat feit,hemi laef blong yumi mekem God hemi glad.Eni man i wantem kam long God ,bae hemi mas bilif se God hemi stap ,mo olgeta man we oli lukaotem hem bae oli save faenem hem. ⁷ Hemi tru long feit blong Noah ,hemi stap talemaot mesej blong wanem we hemi no luk yet,be from we hemi stap gud long God ,hemi bildim wan sip blong sevem ful famili blong hem.Nao from we hemi mekem samting ya ,olsem we hemi jajem olgeta man long wol.Mo tru long feit blong hem,Naoh hemi kasem fulap samting we God i givim long hem. ⁸ Hemi tru long feit nomo taem we Abraham ,God hemi singaotem hem,mo hemi obei long God mo lego hom blong hem mo hemi go long ples we bae God i givim long hem.Abraham i aot igo ,be hemi no save se hemi stap go wea. ⁹ Tru long feit blong Abraham nomo,hemi stap long ples ya we God i promes blong givim long hem olsem wan forena nomo.Hemi stap liv long tapolem nomo wetem Isac mo Jecob,tufala ya we bambae oli kasem sem samting we God i promes blong givim. ¹⁰ Abraham hemi stap mekem olsem from hemi wantem luk taon we i gat faondesen ,we God nomo i droem plan blong hem mo God nomo hemi bildim. ¹¹ Hemi tru long feit nomo ,we Sarah igat janis blong save gat wan pikinini ,no matta we hemi olfala finis.Ol samting ya i hapen nomo from we Sarah hemi bilif strong long God we i givim promes ya. ¹² Nao from samting ya,long wan ya nomo we klosap hemi ded,igat plante man we oli fulap olsem ol sta long skae,mo sanbij long solwota we man ino save kaontem. ¹³ Olgeta man we oli gat feit be oli ded,be oli no kasem wanem we God hemi bin promesem olgeta mo olgeta oli glad from oli gat feit se bae God hemi mekem promes ya i kamtru wan dei.Nao oli stap talem se wol ya hemi no stret ples blong olgeta,we oli stap long hem olsem ol strenja nomo. ¹⁴ Nao olgeta man we oli talem toktok olsem,oli stap talemaot i klia se oli stap lukaotem wan ples blong olgeta. ¹⁵ From spos oli bin tingbaot kantry blong olgeta we oli aot long hem,bambae oli gat janis blong go bak bakegen long hem,be oli no mekem olsem. ¹⁶ Be oli mekem olsem,from we oli wantem gudfala taon ya,we hemi stap long heven nomo.Nao from samting ya,God hemi no sem taem we oli talem se hemi God blong olgeta ,from we hemi mekem redi taon blong olgeta finis. ¹⁷ Hemi tru long feit nomo taem we Abraham ,God hemi testem feit blong hem,blong kilim Isac we hemi wan pikinini nomo we Abraham igat .Nao hemi kasem olgeta samting we God i promesem hem blong givim. ¹⁸ God i bin talem long Abraham se, ''tru Isac nao bae yu yu gat fulap pikinini. ¹⁹ Abraham i save finis se God i stap mekem ol ded man i laef bakegen long ded.Nao hemi kasem pikinini blong hem,we klosap hemi ded. ²⁰ Mo hemi tru long feit blong Isac nomo,hemi blesem Jecob mo Esao blong tufala i kasem ol samting we istap kam yet. ²¹ Hemi tru long feit blong Jecob nomo,hemi blesem evri pikinini blong Josef ,taem we hemi stap ded ,hemi lei nomo woking stik blong hem mo istap presem God yet. ²² Hemi tru long feit nomo taem we Josef ,hemi stap klosap blong hemi ded,hemi stap tokbaot taem we bambae ol pikinini blong Israel iaot long Ijip.Mo tu hemi stap tokbaot redi long olgeta blong wanem nao bae oli mekem long bun blong hem. ²³ Hemi tru long feit nomo taem we Mosis,hemi bin bon ,ol parens blong hem oli haedem hem blong tri manis from we oli luk se hemi wan gudfala pikinini.Olgeta oli no fraet long ol loa blong king. ²⁴ Hemi tru long feit nomo taem we Mosis ,hemi gru ikam bigman,hemi no wantem blong oli singaotem hem se hemi pikinini blong gel blong Ferao. ²⁵ Mosis hemi no wantem enjoem fasin blong sin smol taem,be hemi jusum blong fesem harem nogud wetem ol man blong God. ²⁶ Hemi stap lukluk long ol fasin nogud we bambae ol man oli mekem hemi sem from kraes ,olsem wan gudfala samting we bambae i mekem hemi harem gud moa i winim ol gudfala laef blong Ijip.From we hemi stap tingbaot ol samting ol samting we bae God i givim long hem ,nao hemi mekem olsem. ²⁷ Hemi tru long feit nomo we Mosis hemi aot long Ijip.Hemi no fraet long kros blong king,be hemi talem se i olsem we hemi stap luk God ya we ol man oli no save luk,nao hemi go hed nomo hemi no tanem raon ikambak. ²⁸ Tru long feit blong hem nomo we hemi stap holem taet fasin blong lavet blong pasova mo fasin blong putum blad long doa blong haos,blong enjel i no save kilim ol fesbon pikinini blong ol man Israel ,taem we hemi pass. ²⁹ hemi tru long feit blong olgeta i mekem se oli krosem red si olsem we oli stap wokbaot long drae kraon nomo.Be taem ol man Ijip oli traem blong krosem,solwota ya i kam kavremap olgeta evriwan. ³⁰ Hemi tru long feit blong olgeta nomo we i mekem wol blong Jrico i foldaon,afta we oli bin maj raonem seven deis. ³¹ Hemi tru long feit nomo i mekem Rehap we hemi wan prostitiut,hemi no bin ded wetem ol man we oli no obei long God,from we hemi bin tekem tufala man blong lukluk ples i kam insaed long haos blong hem. ³² wanem mo bae mi talem ?I gat fulap samting blong mi tokbaot be i nogat taem,spos mi tokbaot Barak,samson ,Jephthah ,David ,Samuel, mo ol profet. ³³ Hemi tru long feit blong olgeta nomo,i mekem se oli save rulum wan narafala king wetem ol man blong hem,mo oli stap mekem ol gudfala fasin,nao oli stap kasem ol samting weh God hemi promes blong givim.Mo oli bin mekem laeon ino kakai olgeta. ³⁴ Mo oli daonem hit blong faea blong ino kakai olgeta,mo i mekem olgeta oli strong taem we tingting blong olgeta i foldaon,mo i mekem oli kam strong long taem blong faet ,blong oli winim ol ami blong ol narafala kantry .Mo oli ronwei long ol man we oli wantem kilim olgeta wetem naef blong faet. ³⁵ Hemi from we sam woman oli stap bilif strong long God ,hemi mekem ol pikinini blong olgeta we oli ded,oli laef bakegen .Be olgeta we oli stap bilif long God ,mo oli stap kasem ol harem nogud long ol enemi blong olgeta ,be oli no tingbaot fasin ya,bambae oli save kasem wan laef we igud moa,we bae God igivim long olgeta. ³⁶ Mo igat sam man we oli stap kasem ol harem nogud we oli stap wipim olgeta,oli laf long olgeta ,mo even oli fasem olgeta long prisen wetem jen. ³⁷ Sam man we oli stonem olgeta ided ,mo sam oli katem olgeta long tu haf wetem so,mo igat sam man we oli stap wokbaot long ol difren ples we oli stap warem ol skin blong nani mo sipsip nomo.Ol man oli stap mekem i nogud tumas long olgeta we oli stap harem nogud from we oli pua tumas. ³⁸ Wol ya hemi no stret blong oli stap long hem.Olgeta oli stap liv olbaot nomo long ol hil,mo long ol ceiv,mo long ol hol blong graon. ³⁹ God i givim niufala nem long olgeta man ya we oli stap bilif strong long hem,be hemi no givim olgeta samting ya yet long olgeta we hemi promes blong givim. ⁴⁰ From we God igat wan gudfala plan yet ,blong mekem yumi kam joen tugeta wetem olgeta man,blong mekem yumi evriwan ikam stret man.