¹ From loa ya we God i kivim long Moses hemi olsem wan sadow blong ol gudfala samting we i stap kam. Hemi no wan tru samting olsem olgeta. Olgeta we oli kam klosap long God, bae oli no save kam gud tumas long semak sakrifaes we ol pris oli stap mekem evri yia blong karemaot sin blong olgeta. ² Olsem wanem, bae oli nomo ofarem ol sakrifaes? ol man blong worsip oli sud klin wan taem nomo mo bae oli nomo kat sin. ³ Be wetem ol sakrifaes ia, evri yia oli stap tingbaot ol sin blong olgeta. ⁴ From hemi no stret blong blad blong ol puluk mo ol nani blong save tekemaot ol sin blong man. ⁵ Taem Jisas Kraes hemi kam long wol ya hemi talem long God se, Yu yu no wantem ol man oli mekem sakrifaes mo karem presen ikam long yu, be yu redi long wan bodi blong mi; ⁶ Yu no klad long ol sakrifaes blong ol animol we oli bonem long faea blong God. ⁷ Mo mi mi talem, yufla i luk mi hemia, olsem we oli tokbaot tok blong mi long buk ia blong mekem wok blong God. ⁸ Festaem hemi talem se, Yu yu no wantem ol man oli mekem sakrifaes long Yu, Yu no wantem oli karem presen ikam long Yu, Yu no wantem oli bonem animol blong mekem sakrifaes ikam long Yu. Yu no klad long olgeta sakrifaes ya nao we oli stap mekem folem loa. ⁹ Be afta Jisas i talem se, God, Mi mi redi blong mekem ol samting we yu yu wantem. Mo long toktok ya Jisas i karemaot olfala fasin blong sakrifaes mo i putum niufala sakriaes. ¹⁰ Mo long niufala sakrifaes ya, God i letem Jisas i ded wantaem nomo blong mekem yumi kiln tru long body blong Jisas Kraes. ¹¹ Evri dei, evri prist oli stap tijim ol man abaotem God, mo oli stap ovarem semak sakrifaes nomo evri dei i go long God, be sakrifaes ia i no save karemaot sin blong olgeta. ¹² Be taem we Kraes hemi ovarem wan sakrifaes we ba i stap oltaem, hemi sidaon long raet han saed blong God. ¹³ Be hemi stap wet kasem taem we ol enemi blong hem oli agens long hem oli kam stap andanit long hem. ¹⁴ From tru long wan stret sakrifaes ia nomo we hemi mekem, bae sakrifaes ia i stap foeva long olgeta man we oli bilif long jisas kraes. ¹⁵ Mo Tabu spirit tu hem i stap tijim yumi. Fastaem hemi stap talem se, ¹⁶ Jisas i talem se, ''Hemia loa we bae mi mekem wetem ol man long ol dei ia. Bambae mi putum loa blong mi long hat, blong olgeta mo bae mi raetem long tingting blong olgeta. ¹⁷ Mo hemi gohed i talem se, ''Bae mi nomo save tingbaot sin blong olgeta mo ol fasin blong brekem loa blong olgeta.'' ¹⁸ Nao from we i gat fogivnes from ol sin finis, i nomo gat sakrifaes from ol sin ia. ¹⁹ Nao from samting ia, ol brata, bambae yumi save savegud se yumi save go insaed long long Tabu ples blong God tru long blad blong kraes nomo. ²⁰ Heia niufala rod blong laef we kraes hemi mekem redi tru long kalico we i brok insaed long tembol, we i minim bodi blong kraes. ²¹ From we yumi gat wan bigfala hae prist blong yumi Jisas kraes we hemi stap long haos blong God, ²² yumi mas go wetem ol tru hat we i fulap long strong tingting, ol hat blong yumi i mas klin long olgeta evel tingting mo wasem ol bodi blong yumi long klin wota.