¹ Long taem bifo God i toktok long ol pupu blong yumi long fulap taem long ol difren wei tru long ol profet. ² Be long ol las dei, bae hemi toktok long yumi tru long pikinini blong hem, we hemi jusum aot hem blong i lukaotem evri samting. Hem wan nomo we tru long papa God nao hemi createm wol ya. ³ Jisas hemi naesfala pat long glori blong God, mo hemi semak nomo olsem we God i createm wol ya. Hemi holem evri samting i kam tugeta long paoaful toktok blem. Afta we hemi mekem fogivnes from ol sin, Hem i sidaon long raet han saet blong God, we hemi hae olgeta. ⁴ Jisas hemi hae bitim ol enjel, from nem we papa blong hem i givim long hem mo nem ya i hae tumas bitim olgeta enjel ya. ⁵ Huia long olgeta enjel nao we God i talem se, '' Yu yu pikinini blong mi, tede bae mi kam papa blong yu? O huia long ol enjel nao we God i bin talemaot, Se '' Mi bae mi papa long hem, mo hem bae hemi pikinini long mi''? ⁶ Be bakegen, taem we God bae i karem fesbon pikinini ya i kam long wol, bambae hemi talem se, ''Evri enjel blong God oli mas wosipim hem.'' ⁷ Bakegen long olgeta enjel ya hemi talem se, ''Hem nao hemi mekem ol enjel blong hem we hemi givim spirit ya long olgeta, Mo olgeta oli wokman blong hem we oli olsem faea istap laet long olgeta.'' ⁸ Be long pikinini ya hemi talem se, '' God, holy ples blong yu, bambae istap gogo bae ino gat en blem. Mo bambae yu yu gat raet ya blong rulum olgeta man mo long kingdom blong yu tu ⁹ Yu yu lavem ol stret fasin be yu yu agensem olgeta fasin we i no stret. Mo bakegen mi we mi God blong yu, Mi jusumaot yu mo mi anoentem yu wetem oil blong harem gud moa i bitim ol narafala man''. ¹⁰ ''Masta, long stat blong evrí samting, yu nao ty mekem wol ya. Heven nao hemi wok blong han yu. ¹¹ Bambae ol samting ya bae oli nomo stap, be bae YU YU stap oltaem. Olgeta evri wan bae oli nomo warem wan pis blong klos. ¹² Bae yu rolemap olgeta olsem wan bigfala klos, mo bae olgeta oli stap jens olsem ol smol smol pisis blong klos ya. Be yu bae yu stap semak nomo i stap, mo ol yia blong yu i nogat en blong hem.'' ¹³ Be wij wan long ol enjel nao God i talem long hem se long eni taem, ''yu kam sidaon long raet han long saed blong mi, kasem taem we bae mi mekem yu yu stanap long enemi blong yu''? ¹⁴ Olsem wanem long ol enjel we oli stap wok blong God, oli ol spirit we God i sendem olgeta blong oli helpem ol man blong kasem rod blong laef we i no save finis?