¹ Brata, spos i gat sam man i kam blong kasem yufala, yufala we Spirit blong God i stap wetem yufala, yufala i mas givhan long hem blong stretem hem. Yufala tu i mas lukaot gud long yufala blong samting i no save kasem yufala. ² Givhan long yufala long ol trabol blong yufala, mo blong mekem i folem loa blong Kraes. ³ Spos narafala man i ting se hemi wan samting nating nomo, hemi stap kiaman nomo long hem. ⁴ Wan wan man i mas lukluk long wok blong hem mo talem long hem wan nomo be i no blong narafala man. ⁵ From we wanwan long yufala bae hemi mas karem beden blong hem wan nomo. ⁶ Wan we i serem tingting long tok blong God bae i serem ol gud samting wetem ol tija blong olgeta. ⁷ Yufala i no mas folem samting ia. Yumi no save kiaman long God, from man we i planem sid ia bae man ia nomo bae mas kakae frut blong hem. ⁸ Spos man i mekem rabis fasin ia long tingting we hemi wantem bambae i litim hemi go long ded nomo. Be spos hem i planem fasin we Tabu Spirit i wantem, Tabu Spirit bambae i givim kakae long hem, we bae i gat laef we i no save finis. ⁹ Yumi no slak blong mekem ol gudfala samting from bae i gat stret taem we bae yumi save kasem kakae tru long wok ia blong yumi. ¹⁰ Taem se yumi mekem wok ia we i gud yumi save mekem gud tu long evriman olsem olgeta ia we oli brata mo sista blong yumi from we oli biliv tu long Kraes. ¹¹ Yufala luk ol bigfala leta ia we mi raetem kam long yufala wetem han blong mi nomo. ¹² Ol man we oli fosem yufala blong sekomsaes oli mekem nomo blong man i tingting gud long olgeta. Oli stap mekem olsem from oli save se spos oli tokbaot ded blong Kraes long kros bae ol man oli spolem olgeta. . ¹³ From we i no olgeta nomo we oli sekomsaes oli stap folem loa, bae oli wantem yufala tu blong sekomsaes blong olgeta oli save tok flas from bodi blong yufala. ¹⁴ Be long mi, mi save tok flas tru long ded blong Kraes we i ded long kros, long wanem we olgeta i mekem i nogud mekem se God i brekem paoa blong fasin nogud mo mi mi fri long fasin ia. ¹⁵ I nomata we man i sekomsaes o i no sekomsaes, long kristin laef God i mekem laef blong man i kam niuwan long olgeta. ¹⁶ Long olgeta we oli wok folem wanem mi talem tru long prea blong mi, pis mo meci bae stap wetem olgeta, from God i gat sore long olgeta, mo ol narafala man we oli prapa laen blong Israel. ¹⁷ From naoia i go, no letem wan man i trabolem mi, from mi mi gat ol kil long bodi blong mi from wok blong Jisas . ¹⁸ Mo gladhat blong masta blong yumi Jisas Kraes bae stap wetem spirit blong yufala. Amen.