¹ Kraes hemi mekem yumi blong bambae yumi kam ol fri man. Nao from samting ia, yufala i mas stanap strong oltaem olsem ol fri man. Mo yufala i no liv olsem man we hemi stap anda long loa we i fasem olgeta olsem oli slev bakeken. ² Yufala i luk. Mi Pol, mi stap talem long yufala se spos yufala i mekem sekomsaes long yufala olsem we loa ia i talem, bambae Kraes i no givhan long yufala nating. ³ Mi wantem talem strong long yufala evri wan bakeken se, spos wan man i letem hem blong oli sekomsaes long hem olsem we loa ia i talm, bambae hemi mas mekem evri samting we loa i talem. ⁴ God bambae i no save givhan long yufala, spos yufala i stap folem loa blong kam stret man. So hemi olsem we yufala nomo i katemaot yufala long Kraes. ⁵ Hemia i tru long spirit nomo we i stap mekem yumi wet we tingting blong yumi i stap strong se bae God hemi mekem yumi kam stret man long fes blong hem, from we yumi stap biliv strong lo hem. ⁶ Taem we yumi joen long Jisas Kraes, i no mata se yumi sekomsaes finis o yumi no sekomsaes, be stamba blong hem, yumi bilif long Jisas Kraes mo yumi lavem God wetem ol man tu. ⁷ Fastaem i olsem we yufala i stap ron gud, be huia i blokem yufala, blong bambae yufala i nomo folem ol tru tok? ⁸ Fasin olsem hemi no kamaot long God we hemi singaotem yumi fastaem. ⁹ Wan smol is nomo i save mekem ful bred i solap. ¹⁰ Mi stap biliv strong long Kraes se bae tingting blong yufala i no kam difren long tingting blong mi. Mi mi biliv se God bambae hemi givim panis long man we i stap spolem yufala, from we yumi stap biliv strong long Masta blong yumi. ¹¹ Ol Brata mo Sista, Yufala i save luk se spos mi stap prijim sekomsaes iet from wanem mi stap fesem trabol ? Spos olsem samting we i stap blokem Jisas blong ded long kros i karemaot finis. ¹² Be long olgeta man we oli stap ronem yufala from oli wantem mekem sekomsaes long yufala, i gud moa blong oli mekem sekomsaes long olgeta! ¹³ Ol brata mo sista, Kraes i singaot yufala blong kam ol fri man be bambae yufala i no mas yusum janis ia blong talem se, mi mi fri man finis. Naoia mi save mekem eni samting we mi mi wantem. Be i gud, yufala i stap givhan long yufala wan wan oltaem, from we yufala i lavem yufala. ¹⁴ Fulap samting we loa i talem, i gat wan tok nomo we i kavremap olgeta evri wan. Tok ia i talem se, "Yu mas olsem ol man we oli stap raonabaot long yu mo yu mas lavem olgeta olsem yu lavem yu wan." ¹⁵ Be spos yufala i stap raorao long yufala, mo spolem yufala bakeken, yufala i mas lukaot gud from nogud bae ol narafala man bae oli mekem i nogud long yufala. ¹⁶ Be mi talem long yufala se, oltaem long laef blong yufala, yufala i mas depen long Tabu Spirit blong yufala i save karemaot ol samting we yufala nomo i wantem. ¹⁷ From we wantem blong yumi nomo i agens long wantem blong Tabu Spirit, mo wantem blong Tabu Spirit i agens long wantem blong yumi. From ol samting ia tufala i no save wok tugeta, nao i mekem se yufala i no save mekem wanem we yufala i wantem. ¹⁸ Be spos Tabu Spirit i stap lidim yufala, hemia i soemaot se yufala i stap andanit long loa. ¹⁹ Ol samting we ol man oli stap mekem we tingting blong olgeta nomo i wantem hemi klia: oli stap mekem i nogud wetem woman, mo oli stap mekem ol samting blong sem, mo oli stap mekem ol samting we i nogud olgeta. ²⁰ Oli stap mekem wosip long ol kiaman God, mo oli stap mekem majik wetem paoa blong ol rabis Spirit, mo oli stap mekem faet, mo oli stap kros, mo oli sta jalus mo oli stap leftemap olgeta nomo. Oltaem oli rao, nao oli stap serseraot. ²¹ Oli stap wantem blong gat ol samting olsem we ol narafala oli gat, mo oli stap dring we oli lusum hed, mo oli stap mekem lafet blong mekem nogud nomo, hemia hao ol samting we oli stap mekem. Mi stap wonem yufala olsem we mi bin wonem yufala bifo, se olgeta man we oli stap practisim ol olsem bambae oli no save go insaed long Kingdom blong God. ²² Be frut blong Tabu Spirit hemi lav, joy, pis, paesent, kaednes, gudnes, feit, ²³ gentelnes, mo self-kontrol; Ol samting ia i nogat wan loa we i agensem olgeta. ²⁴ Olgeta we oli man blong Jisas Kraes, oli wantem we i stap mekem nogud long ol narafala man. ²⁵ Mo spos yumi stap liv wetem Tabu Spirit, i gud yumi stap wokbaot wetem Tabu Spirit tu. ²⁶ Be i gud se yumi no kam ol man blong tok flas, mo yumi no kam man blong mekem narafala man i kros, mo yumi no mas kam ol selfis man we yumi no stap tinbaot narafala man.