1 Nao mifala i stap harem nogud tumas we mifala i nomo luk yufala, Mifala i ting se i moa gud mi mo Saelas, mitufala stap nomo long Atens. 2 Mo Mifala i sendem Timothy olsem wan man blong God from toktok blong jisas kraes, blong hem i kivim paoa, mo kivim pis blong kat feit otaem. 3 Mo from bae i nokat wan long yufala bae i seksek long ol trabol we i fesem from nomo se God i bin jusum yufala from. 4 Mo Tru mi talem long yufala, long taem we mifala i stap wetem yufala iet, mifala i stap tokbaot se bambae ol man oli mekem long yufala olsem, Mo stret olsem we mifala i stap talem, ol samting ia i stap hapen finis. 5 Be mi sendem Timothy i kam long yufala, blong yufala i mas kat feit, mo sam taem bae yu wantem foldaon be yufala mas stanap strong lo beliv. 6 Be taem Timoti i kambak long mifala, hemi tekem nius ikam blong talemaot se, bilif blong yufala i strong tumas mo long ol fasin ia blong lavem man. 7 Nao from samting ia! ol brata mo sista, taem we mifala i harem nius blong biliv blong yufala, mifala i harem gud tumas. From we mifala i stap harem nogud tumas long plante trabol. 8 Mo naoia, mifala i stap harem gud olsem we mifala i laef bakeken from we yufala i stap biliv strong long Masta blong yumi. 9 Nao mifala i stap talem tankyu tumas long God from yufala! Mifala i stap klat tumas taem we mifala i stap prei from yufala. From samting ia, mifala i stap talem tankyu long God from. 10 Wetem dei mo naet, mifala i stap prei strong blong bambae mifala i save luk fes blong yufala bakeken, mo blong givhan long feit blong yufala. 11 Prei blong mifala se God papa wetem masta blong yumi Jisas Kraes, bambae i mekem rod, blong mifala i kam luk yufala. 12 Prea blong mifala se God bambae i helpem yu blong lavlavem ol narafala man, from we mifala i lavem yufala. 13 Bambae hemi mekem yufala i kat strong had, blong bambae yufala i save stap klin long fes blong God. Nao bambae i nokat man we i save tok nogud long yufala from ol fasin we i no stret. Bambae yufala i save stanap strong kasem dei we bae Kraes i kambak blong tekem ol man blong hem.