¹ Ol Family, yufala i save. Taem wea mifala I bin kam ino blong Nating. ² Mo Yufala I save finis taem we had taem mo rabis fasin we ol man filipae oli mekem long mifala. Be mifala I bin stanap strong long God , Long bigfala had taem. Mo mifala I talemaot Gospel blong God long yufala. ³ Ol toktok blong helpem yufala we mifala i bin talem hemia ol tru toktok ya. Mifala I no talem blong trikim yufala o blong mekem wan rabis samting long yufala. ⁴ Be from wea God I kivim raet long mifala blong kivim Gospel, mifala I toktok, ino blong man I klat long mifala, Be God. Hemi nao I Luk hat blong mifala. ⁵ Mifala I no in switim yufala long toktok mo mifala i no traem blong stikim nek blong yufala God hemi witnes blong mifala. ⁶ Mifala ino lukoatem eni man blong lefetmap mifala. ⁷ Sipos mifala i bin wantem bae mifala I save yusum raet blong mifala olsem ol aposel blong God. Be nogat mifala i lukoat long yufala olsem wan mama i lukoatem bebe blong hem. ⁸ Long fasin ya nao mifala i lukoat long yufala. Mifala i klat tumas blong serem Gospel long yufala, mo iven laef blong mifala, mifala i kalt blong kivim. From mifala i lavem yufala tumas. ⁹ Ol famili sipos yu tingbaot mifala i bin wok mo stragel blong sapotem mifala. Long dei mo long naet mifala I wok blong mekem se ino kat man I traehad blong lukoat long mifala. ¹⁰ Yufala ol witnes mo God tu, long ol wokbaot blong mifala. We hemi stret gud mo holi, mo ino kat man I save tok agens long mifala. ¹¹ Long sem fasin we papa i lukoatem ol pikinini blong hem, mifala i bin talem ol toktok blong helpem yufala mo inkarijim yufala everiwan, ¹² Mifala i bin talem long yufala se yufala i sud wokbaot long wan fasin we I soemaot se God I singoatem yufala. Hemi stap singoatem yumi long kingdom mo Glori blong hem. ¹³ Oltaem mifala I talem tankyu long God from taem yufala I bin harem toktok blong God, we mifala I bin talemaot, yufala ino tekem se hemi toktok blong man nating. Be yufala i tekem se hemi stret tok blong God. Mo tok ya nao i stap Mekem wok long laef blong yufala we i bilif. ¹⁴ From yufala, ol famili, yu stap folem fasin blong Olgeta long ol jej blong God long Judea, We oli stap insaed long Jisas Kraes. From yufala tu i fesem had taem we ol stret man ples blong yufala oli stap agens long yufala. I semak olsem we Olgeta oli fesem long ol man Jiu. ¹⁵ Hemi ol man Jiu we oli kilim ded Jisas mo ol profet bifo. Olgeta nao oli ronemaot yumi long ples blong yumi. God ino klat long olgeta. Mo oli agens long everi man. ¹⁶ Oli blokem mifala blong no talemaot Gospel long ol Gentael blong mekem se oli no save sev. Mo kros blong God i stap ful wan long olgeta. ¹⁷ Ol Famili, wetem ol brata, we yufala i bin seperet lo mi blong smol taem ia, wetem bodi nomo be ino long hat. Mo Mifala I stap luk fowod wetem strong tingting blong luk yufala bakagen. ¹⁸ Mifala i wantem tumas blong kam luk yufala. Be Pol, olsem mi talem, satan ia i stopem mifala. ¹⁹ Taem Jisas I kam bae mifala I klat long wanem ? Wanem nao bae hemi riwod blong mifala ? Wanem nao bae hemi tras blong mifala ? Bae hemi yufala mo ol nara biliva? ²⁰ From yufala nao mi klat mo mi praod.