1 Mifala i harem ripot se i gat fasin blong slip wetem nara woman o nara man we i no blong yu, hemi ol kaen fasin we i no letem blong wosipim ol fasin blong wol: Man ia i stap tekem woman blong papa blong hem. 2 Hem i wan man we i ting hae long hem! Ino nid blong yufala i harem nogud, from man ia we i mekem ol fasin ia bae hem i aot long yufala? 3 From mi stap wetem yufala, be spirit blong mi i stap wetem yufala. Mi bin givim ol jajmen long ol man we i stap mekem ol fasin olsem, i olsem we mi mi stap finis. 4 Taem yufala i kam tugeta long nem blong Masta Jisas Spirit blong mi mo paoa blong Masta Jisas i stap wetem yufala, 5 we i givim man i go long setan from ol fasin nogud we hem i stap mekem, blong mekem se spirit blong hem bae i save sev long dei blong jajmen. 6 Fasin blong ting hae long yu wan i nogud. Yufala i no save se smol is blong bred isave mekem wan bigfala bred? 7 Yufala i mekem yufala i klin aot long olfala is blong mekem se yufala i kam wan niufala flaoa we i nogat is long hem, we bae i soemaot yufala. Ded blong Kraes, long kros i olsem blad blong smol sipsip ia we oli bin sakrifaesem. 8 Nao letem yumi selebretem lafet ia, i no wetem olfala is, we hemi ol rabis fasin mo ol fasin blong mekem ol kranke samting. Be yumi selebret wetem fasin we hemi rili tru i olsem wan bred we i nogat is long hem. 9 Mi raetem leta ia i kam blong talem se yu no mas joen wetem ol man we oli stap slip wetem ol narafala woman we i no blong olgeta. 10 I no se mi mi minim, ol man we oli silip wetem ol woman we i no blong olgeta blong wol ia, o ol man we oli selfis, o kavet, o wosipim aedol, from blong no joenem olgeta bae yu mas aot long wol ia. 11 Be naoia mi raet i kam long yu i no blong joen wetem eni wan we yu singaotem hem olsem wan brata be long laef blong hem, hemi stap silip wetem ol woman olbaot, o hemi stap wosipim aedol, o talemaot ol toktok we i no stret, o hemi wan drong man o hemi -wan man blong kavet. No mas kakai wetem ol man olsem. 12 Hao nao mi save jajem olgeta we oli stap aotsaed long jej? Be, mi save jajem olgeta insaed long jej? 13 Be bae God nao i jajem olgeta we oli stap aotside long jej. " Yu mas karem aot olgeta man we oli stap mekem rabis fasin long medel blong yufala."