¹ Mate Paelatsi pepere te gitou abie Iesu tsi kokue te eia o. ² Gitoue tauaro ra vaikue ra abi naua mota ari totogo ao igoa maea tovorobo ra auto te Kingi, te gitou tau a oio a autore Iesu, tsi taua korosi ari pepolio oio tetara. ³ Gitou gomai tetara tsi vakara sukue eia vere, "Raro-tau me-e, Kingi tegitoue Juda?" Tegitou kue eia o. ⁴ Mate Paelatsi gogara rou tsi veia gitou, "Ino, eau vargomai e ta-aroa arei ogara tamutou ire mutou ga rovi ira mae eau gama ino a atsibo ita-a bunu ea igoa." ⁵ Te Iesu gogara to, eia tovoa mata totogoao maea tovorobo ra te Kingi mea korosi ari pepoli o. Te Paelatsi veia gitou, "Menao, inoa taroa arei?" ⁶ Oio are gitou a voutora peperera me tauaro ra aigogoru inoe Iesu, egitou veikakua tsirora tsi vei vera, "Ririe eia oio a tauvarautu, ririe eia oio a Tauvarautu! Mate Paelatsi veia gitou, "Mutou mori abie eia ririe eia oio a tauvarautu, ire eau gama inoe eia igoa atsibo ita-a bunu." ⁷ Mate gitoue Juda koria peperera te Paelatsi maei, "Emitou a pepere matatara ita ta a pepere matatara aro tsi vei mae eia ga peo, ira arowa, eia mori vei vere eia e Rature Pago." ⁸ Oio are Paelatsi noa peperera arere, eia matou vau. ⁹ Te eia goiro rou a ruma kerira te gavana te eia tagio roue Iesu, "Eme oroio a ba-a ra mautua ari mavei?" Aramori e Iesu gama koria peperera ita-a. ¹⁰ Te paelatsi veia reia, "Mavei te eme gama veia gaku? Eme gama rovi mae eau a vagagarira marao e me gogara tomia vagagarira tera riga ririe me oio a tauvarautu?" ¹¹ Mate Iesu koria peperera tetara maei, "Arige Pago gama abia aumea vagagarira, eme gamaga murimatae eau. Tsi mae a ata-aro ari abie eau soio a rimamu, ea muga oio a tavovuro bunu taume-e eia kerira sesere." ¹² Oio moria kirori te Iesu, Paelatsi tovomuria ari ga iri-taroe Iesu, arimori e gitou e Juda veikakua tsirora tsi vei vere, "Arige eme ga ino taro a ata-aro re sogara, eme gama e tamire Sisari." ¹³ Oio are Paelatsi noa pepere ra arei, eia vagogarae Iesu. Te Paelatsi goio pou toioa purpourou ra pepere matata ra tera vei matata ra, oio a ba re gitou reia re "Awatsi ari a Purourou o. ¹⁴ . To-o arogo ra raragi ra atotsibo tera a rogo Kerira tera Pasova, ge ea gea kabira arogo-o tsi, matara aro belo-o tsi. (12-kilok). Te Paelatsi vera re gitou e Juda maei, "Mutou inoa arei e Kingi tamutou!" ¹⁵ Gitou tora maei, "Vakumuri garei eia, vakumuri garei eia soio, ririe eia oio a tauvarartu!" Mate Paelatsi tagie gitou vera, "Eau ga ririe Kingi tamutou oio a tauvarautu?" Te gitoue voutora pepera o koria peperera tetara maei, "Mitou e Kingi ita-a rou-ouka, sisari ita-a mori." ¹⁶ Matsi moro-o Paelatsi abie Iesu soio a rima gitou tera ririe eia oio a tau varautu. ¹⁷ Mago te gitou abie Iesu sogara, te eia borea tauvarautu tetara, ga goioa mautue gitou teia ira Tuara Autora ta-aro. "Oioa peperera tegitou e Hibru-u, egitou teia ire "Golgata." ¹⁸ Gitou ririe Iesu oio a tauvarautu oioa aba-a aro tomie tauaro-irua, ita soioa gare ta-a, ita oio a gare ita ge e Iesu kabiri. ¹⁹ Paelatsi veia gitou gae gitou ga kikesia peperera ito ga tau oata tauvarautu. Apepe re ra are gitou kikesia o tsi maei, 'IESU RE NASARETI, E KING REGIROU E JUD.' ²⁰ Vararu komuko re Juda gi-ia ba-a ra pepere aro, ira arowa, aba-a egitou ririe Iesu oata tauvarautu o pou agavi oio a mautu kerira. Gitou kikesi a pepere ra aro-o oia peperera tegitou e Hibru, peperera e Latini mea peperera e Griki. ²¹ Mago re gitoua voutora pepere ra re Juda veia re Paelatsi, "Eme umara kikesia mae, 'Kingi tegitoue Juda,' aramori eme ga kikesia mae, 'Taroa arei vere, "Eau e Kingi tegitou e Juda." ²² Paelatsi koria pepere ra tegitou maei, "Arowa eau kikesia, eau tsi kikesi tao." ²³ Gitoue tauaro ra vaikue ra riri te Iesu oio ta tauvarautu, te gitou abia kolosi tetara vari sirea matetera iva-a Tauaro ra vaikue rao ita ita-a abia matete ra ita ita, te gitou abia siotsi tetara tai. A siotsi aro-o gitou igoa oio a kolosi ita-a maraurau vau e gitou gama sai poro rotoa. ²⁴ Te gitou varpepere kabiri teigitou maei, "Tatou umara sesirea siotsiei, tatou ga marageo satu oio vora tera ri ga inoe erei ga abia. "Arei garitaria tera ri veigari paraea pepere ra ari pou oiroa buku te Pago maei, "Egitou ga vairova ira a kolosi tegaku kabiri tegitou mago e gitou maraga tsi-ire satu." ²⁵ Te tauaro ra vaikue ra igo ta totsibo aro. Oio arogoa aro-o e tsirare Iesu, me ratavirere tsirare Iesu, e Maria e riture kleopasi, tomie Maria re Makdala, e gitou e tasema arei oio magigiri agavi oio a taunarautu te Iesu. ²⁶ Oio are Iesu inoe tsirara mea e are eia masaga matotomoe eia oio magigiri agavio-o, te eia veia re tsirara vere, "Tavire, inoa, arei e ratumu!" ²⁷ Mago te eia vei are abibie e eia masasagea o mae, "Ino arere e tsiramu!" Sokoa oio a rogoa aro-o abibia samurao abie Maria goioa ruma tetara tera ri bomurie eia. ²⁸ Vamurio arer e, e Iesu rovi mae aigogoru tetara karuvu etsi, ge terari vaigaria ba ra peperera te Pago gori tara sesere, eia-vere, "A gorugu masaga." ²⁹ A sosopeni ra waeni ari mamasio voru vau oio magiri agavi, te gitou taua a span si ita-a girisura aobu tsi vuia soiroa-sosopeni ra waenio a waeni voru oio vora te gitou vaituria soata te Iesu oio arera. ³⁰ Oio tare Iesu niu ta waenia aro-o, eia vei mae, "Eakaruvu etsi. Te eia taua autora sotaro mate eia peo to. ³¹ Eia peo oio a rogo kerira are egitou raragia atotsibo nau tera rogo ra mairara, tsi mae egitou e Juda gama masaga vau a vovo gitou ga patsitsiri oio a tauvarautu, Ira arowa, oio a rogo ra mairara arere eakerira sesere. Mate gitou e Juda tagie Paelatsi ga vari marotoa ava-a re tauaro ari patsitsiri oio a tauvarautuo gae gitou peo subui ge gitou abi garei ira avovo gitou oio a tauvarautu-sotaro. ³² Mago te gitou e tauaro ra vaikue ra goio tsi vari marotoa ava-are tauaro ari irua patsitsiri tomi e Iesu o. ³³ Oio are gitou vera ga goio te Iesu, gitou ino mae eia ge peo otsi, te gitou gama vari rotoa ava-ara o. ^{35 34} Aramori taro ra vaikue ra ita ubia vai=ire Iesu oio a remusu te a kasoso mea nanu tsigitaro-o. ³⁵ Taro ari ino a atsibo arere, era vei tsi mae, ea sesere matomo. Eia mori rovia apeperera ari mavei eia vei a sesere, ire emutou tai ga tautau rairo. ³⁶ Atotsibo nau arei gari terari vaigari paraea peperera te Pago, "Ira a ba-ara tuara ita gama ga maroto." ³⁷ Ira peperera te Pago ita tai vei maei, "Gitou ga inoa ata-aro a are gitou ubio o." ³⁸ Vamuria atotsibo nau arere, Josepu re Aramatia, eia a taro e vauni ita te Iesu, ea mataue gitoue Juda te eia taukoukovu mori, te eia oroio gomai tagie Paelatsi tera ri ga abia vovore Iesu. Te Paelatsi vei manoe eia. Te Josepu abi ta vovore Iesu soio o. ³⁹ E Nikedimasi tai gomai, ea ri soko vau gomai te Iesu oio o rarogo-o. Eia vaigomaia sanda sari-i a maria manisini e gitou igoa oio a miri-i mea aobua aloe i o-o. Amousaka-ra e 30 kilogremu. ⁴⁰ Gira abia vovore Iesu tsi viviroboa oio a airarava ari maraurou o tomia sanda nau, gitou igoa mae a vireru tegitou e Judo uriraie tauaro ari peo to-o. ⁴¹ Agavi oio a ba-are egitou vu-u patsitsiri ire Iesu oio a rauva-rautuo-o, a vauma ita-a oio o. ⁴² A rogo kerira tera rogo ra pasova/vireru ga garitara oio a mauravi oio e Juda gea ruruo tsi pou agavi. Matsi mae egitou tau ira vovore Iesu oio a ruru a aro-0.