¹ Vamuria are Iesu igoa peperera nau arere, eia goio tomie vaunini tetara oio a gare oro are otaroa mautue kidroni. Aba aro a vauma ita-a oio-o te eia giroa vauma aro-o tomie vaunini tetara. ² Ataro are Judasi eari ga taue eia soioa rimare giraria tauaro bunu, eia tai rovia a vauma aro-o, eia rovia ira oio a rogo kakara a Iesu rovia ari goio toitomie vaunini tetara oio a ba-a aro. ³ Tsimoro-o te Judasi vaigoimai te tauaro ra vaikue ra tomie gitou e tauaro ra aigogoru tegitoua voutora peperera me muraruga oio a mautua aro-o. Gitou gomai tomia amaga tomie bobomu nau mea totsibo ra vaikue ra. ⁴ Ge oio a rogo a arere, Iesu ge rovi ta totsibo nau ari ga gari tara oio tetarao, eia goio matato oio te tauaro are re tsi tagie gitou, "Mutou papa e erei?" ⁵ Mare gitou koria peperero tetara vere, "Iesu re Nasareti." Te Iesu veia gitou, "Eau tei." Te Judasi ari ga abie e Iesu soio a rimare tauaro ari bunuo oio tai magigiri tomie tauaro ra vaikue rao. ⁶ Oio are e Iesu veio gitou vere, "Eau mori tei," E gitou suku rivu te gitou boru sotaroa tabu. ⁷ Mago te eia tagia roue gitou, "Mutou papae erei?" Te gitou kori rou o pepere ra maei, "Iesu re Nasareti." ⁸ Mate Iesu korio pepere ra tegitou vera, "Eau vei ta mutou mae eau mori tei. Arige mutou papa e eau, marao e-vararuo nau arei ga goi-o-o." ⁹ Arei garitara terari veigaria pepere ra ari pou soko-o to, mae ea mori vei ta vere, "Eau gama ga vautaroe eita oio te gitari eme abia gakuo." ¹⁰ Tsimoro te Saimon Pita ravea baenatsi ita eia tauao tsi sapautua gausare taro ra aigogoru tegitou e voutora peperera o oie pirigata. Aisare taro ra aigogoruo e Malkus. ¹¹ Iesu veia re Pia, "Tau rivua viso taume soioa parora. A kapu are e Mama abia gaku, eau gama ga niu oio vora i a ?" ¹² Mago tegitoue tau aro ra vaikuera tere Roumu tomie kepteni, me gitou e tauaro ra aigogoru tere Juda sautore Iesu tsi kisi tore eia ra mota. ¹³ Te gitou vargoio eia oio te Anasi, ira arowa, eia pou mae evare tamare Kaiafasi. E Kaisfasi e re eia pou mae muraruga ra aigogoru oio a revara aro-o. ¹⁴ Ire Kaiafasi te ta-aro ari abia re gitou e Juda a gabutara ra ari mae ea kokora ire ata-aro ita-a mori ga murire vararua kakara ga peo ire vararua kakara gama ga abi ira virua ra. ¹⁵ Saimon Pita me vaunini tetara ita-a tsitsirie Iesu. Te vaunini te Iesu aro-o goiro tomi e Iesu oio a mautu tegitou e voutora pepere ra, ira arowa, e gitou a voutora nauo ge rovi a eia. ¹⁶ Ge e Pita magiri ogara mata te vaunini te Iesu are gitoua voutora peperera rivie eia o pirivu tsi vei are tasema ra aigogoru ita bomuimuria mato. Te tasema aro-o vaigoiro e Pita oiroa bigomu o. ¹⁷ Te Tasema ra aigogoru ari bomuimuria mata ra bigomu o vei are Pita maei, "Taige, eme gama ita-a oio te gitoue vaunini te taro arei?" Te eia vere, eau gama rovie taroa arere." ¹⁸ Oio a rogoa rere a paga maigi te gitoue vaunini ra aigogoru te tauaroa voutora peperera me tauaro aigagoru magiri maununu oio a avi are gitou su-uao. Pita oio magigiri maununu toitomie gitou. ¹⁹ Te taro ra voutora pepe re rao tagie Ie ira gitou e vazunini tetara tomia pepere ra nau are eia veimeimari ire gitou o. ²⁰ Te Iesu koria peperera tegitou vera, "Eau ge pepere matagaga sesere tsia oio a magasai. Arogo kakara eau veimeimarie gitou e Juda oio a rogo are e gitou goimai veikapopo teitomi oiroa ruma ra rubu robo mea ruma kerira. Eau gama taukokovua peperera ita-a. ²¹ Tera rova te eme tagie eau? Tagie gitoue vararua ari nono-o a peperera tegakuo. Ino e gitoue vararua arei rovio atotsibo nau are eau veiveiao." ²² Oio are Iesu igoa peperera vau arere ita-a oio tegitoue tauaro ra aigogoru ari magi agavio kue Iesu ira rimara tsi vei maei, "Tera arova te eme koria peperera te tauaro ra voutora pepere ra maei?" ²³ Mate Iesu kona pepe rera tetara maei, "Arige eau igoa pepere ra ari gama kokora oio a pepere ra tegaku, kokora vei para ea tavovuro bunu tegaku. Arige eau igoa peperera kokora, tera arova te eme kue eau?" ²⁴ Mago e Anasi bae Iesu soio te kaiafasi tomia mota are egitou kisi ire eiao. ²⁵ Oioa rogoa aro-o e Saimon Pita oio magiri maununu oio a avi oioa ba-aro. Te taro ita pepere ta areia vere, "Saige eme tai gama eita oio tegitoue vaunini tetara?" Eia kogono vere, "Eau gama rovie ta-aroa arere." ²⁶ Te asamura ra aigogoru ita-a tegitou a voutora peperera, eia aeri ita te ta-aro are Pita sapautua gausara o vei vere, "Eau tsi inoe eme-e tomie eio oioa vauma ra olivu o, kua ouka?" ²⁷ Pita taukovu roua peperera aro-o matsi subui vau mori e kukureko tari. ²⁸ Gitou abie Iesu oio te Kaiafasi te gitou vaigoio e eia oioa ruma kerira te gavana tegitoue Roume. Arere oioa kavokia babiarao tsi mae egitou gama goiroa ruma kerira te gavana, ira arova, egitou gama masaga ari gari bunu. ²⁹ Tsi mae Paelatsi gogara tegitou re eia vei a gitou, "Arowa eia igoa bunu te mutou kotsi ira areio i?" ³⁰ Te gitou koria peperera tetaro, "Arigea taro arei eia gama igoa tavavuro ra no are ra, mitou gama ga koramuria ari vaigomaie eia oio a rimamu." ³¹ Mate Paielatsi vera gitou, "Mutou mori abie eia soio mago katsia areia otaroa auruvara pepere matatara tamutou." Gitou e Juda koria pepe rera tetara tsi vei maei, "Ea bunu ire mitou ga biri peo e taro ita-a." ³² Gitou igoa pepere ra arei tera ri veigari para ea peperera te Iesu, a peperera arei eia veia tera ri wainoa a rogo ari mavei ga garitara oio vora. ³³ Mate Paelatsi pirivu soiroa ruma kerira te gavana te eia tore e Iesu tsi tagie eia maei, "Eme e Kingi tegitou e Juda, ia?" ³⁴ Te Iesu koria peperera tetara maei, "A peperera are em tagagia ire eau ere oio a gabutara ra taume mori kua e tauaro sari tsi veia aume te eme tagia ire eauei"? ³⁵ Paelatsi korie eia vei vere, "Taige eau e ta-aro ita tere Juda? Gitou e vararua taume mori me gitou e voutora peperera tsi vaigomae eme somai a rimaguei. Eme igoa atsiba ari mavei?" ³⁶ Iesu koria peperera vere, "Mautu kerira kokora tegaku gama tera magasai. Ari gea Mautu kerira kokora tegaku ga tera magasai, ea neneki ire tauaro ra aigogoru teaku ga vaikue ire eau ge gitari bunu gama ga vaig oio e eau oio a nimare gitou e Juda. Aramori Mautu kerira kokora teagu, gama tera magasai." ³⁷ Te Paelatsi peperea areia, "Eme e Kingi ita-a?" Iesu koria peperera vere, eme mori vei mae eau k Kingi ita-a. Oio moria aigogoru arei te e tsie pigo ire ea ei, te eau gomai ira oio a tabuei terari igoa aigogoru ita mori, terari vano a peperera ari sesere. Vararua kakara ari tsitsiria peperera ari sesere egitou nono a pepere ra tegaku." ³⁸ Paeiatsi veia reia, "Peperera ari seserei ta atsibo ari mavei?" Oio are eia igoa peperera arei, eia gogara rou oio re gitou e Juda te eia veio gitou vere, "Eau gama ino a atsibo ita bunu oio te ta-aroa rei. ³⁹ Aramori e mutou a tavovuro ra vireru are eau rovia ari-tsitsiria oio a rogo Kerira Tera Pasova. Ea terari vurobo e ta-aro ita oio a ruma ra kapirobo ra ga rube eia. Tsi mae emutou masage eau ga rube e Kingi ari tere Judai soio tamutou?" ⁴⁰ Mate gitou tora rou tsi vere, "Gama gae ta-aroa arere, aramori eme ga rube Barabasi." Barabasi eia ata-aro ita ari abi bununaua atotsibo tegitou e vararua tai pakikaria.