¹ Mutou e vararua are eau masago matomo e mutou o, gamma tautaurairo oio a karuru kaka ra. Ari gea mae re mutou so tovomuria karuru ga ino a ri ge e gitou oroio te Pago, ire gitoue tauaro ra iana kogono a pepere ra oiei oio toi ba kakara tera magasai. ² Arige mutou igoa mae re mutou ga rovia karuru te Pago-karuru kakara ari vei para vere Iesu e Kraisti gomai mae a taro, eia oroio te Pago, ³ ge a karuru ari kakara vano para vere, e Iesu gamma oroio re Pago, a karuru arere a karuru re Kraisti a kogonora, mae ta re mutou no a mae eia oio gomai pou to oio a ba kakara te ra magasai. ⁴ Ruratugu e mutou te Pago te mutou ga vago taro re gitou a karuru bunuo, ire eari oiro tamutou e re a vaga ga ri ra kerira matomo oata vau oio te taro ra magasai. ⁵ Gitou te ra magasai; tsimae arowa e gitou ga veivei ao e gitou ga pepere ra totsibo ra magasai, ge a magasai ga nomurie gitou. ⁶ Tatou oiro te Pago. Tsimae a taro ari rovie Pago, e Pago ga no e tatou. Eari gamma oiro te Pago gamma koramuria ari ga noe tatou. Oio o re tatou ga rovi emi ta karuru ari sesere me a karurubunu. ⁷ Mutou e vararua are eau masaga matomo e mutou o, e tatou ga masaga e taro ita ita, ire a girogo oroio te Pago, te eari masagae vara rua ari bisau, o eia e rature Pago. ⁸ Pago mori ta a vu-u ra tavovuro ra girogo. Te taro ari gamma masage vararua eia gamma rovie Pago. Ira Pago ta girogo. ⁹ Ire a girogo mori ta masaga ra te Pago gari tara ira kabiri te gatou maei, e Pago ga bae Ratura tamare ari ita morio somaia magasai tsi mae tatou ga pou mauri re eia. ¹⁰ Oiro arere ta girogo, gamma mae tatou ga masaga soko e Pago ouka, e Pago ma saga soko e tatou, tsi mae eia ba re e Ratura Tamare somaia magasa te ra ri abi garei ra ira tavovuro bunu tegatou. ¹¹ Mutou are eau masaga matomo e mutou o, ari ge Pago ga masaga matomo e tatou, tatou tai ga masagae taro ita ita. ¹² A taro ita so gamma ino e Pago. Aramori ari ge tatou masaga sesere taro ita ita, e Pago to oiro te gatou o. ¹³ Tsi mae tatou rovi mae tatou pou tomie eia, eia tai oiro te gatou, ire a Karuru tabu teta ra omai oiro te gatou. ¹⁴ Te, tatou ino ta atotsibo ari mae e Pago igo a te tatou veivei a mae tama ra bae Ratura Tamare somai a magasa te ta ri surie tatou. ¹⁵ Ea ri vanono vere Iesu eia e Rature Pago a Tamare, Pago pou oiro teta ra te eia tsirimuria masaga ra te Pago. ¹⁶ Mae are, tatou rovi te eia te tatou tautaurairo to oio a girogo are Pago abia gatou o. Pago eia ta girogo, te eari tsirunumuria girogo arere, ea tsitsirio masago ra te Pago, te Pago pou tomie eia o. ¹⁷ Ire a tavovuro mori arei, ta girogo gari mae a taro pou kabiri te gutou ei, ire tatou ga abi a vagaga ri ra te ra ri ga ino re Pago oio a rogo ra vaimatata ra te ta ra o, ire eia mori, te tatou gori ra oio a tabuei. ¹⁸ A matou ra oio a tavovuro ra girogo ouka. Ire a, girogo mori ga vakumuri garei a matau ra, ire a matau ra ga vai gari a mavaka ra. Aramori ea ri mautau gama abia tavovuro ra girogo. ¹⁹ Tatou ga masa ga ire Pago soko masagae tatou. ²⁰ Arige eita vei vere, "Eau masage Pago" aramori gamma masage tuara me teitarira, eia taro ra kogono ra. Te eari gama masage tuara me teitarira ari pou titomie eia e gitou varo ino, gamma masage Pago. ²¹ Mae ta, vaimatata ra are tatou no ta oio tetara mae a tavara kirikesi vei ta gatou vere: Eari masage Pago ga massaga taie tuara me tarira.