¹ Ino e Pago eia gogo matoroa ire tatou te Eia rove a gatou a girogo te ta o, te gitou tei ire tatou mae e Rurature Pago, te tatou gari ira mae rurature Pago. Tsi mae a magasai gamma rovie tatou, ire eia gamma rovie Pago. ² Vararua are eau masaga matotemoe gitou te rurature Pago, ea so gamma gari para mae totou erei. Tatou ga rovi mae oioa rogo are Kraisti ga gomai, tatou ga goio gari tavue eia, re tatou ga ino ire eia. ³ Tau aro ari pou titarie Iesu, e gitou ga tsirimuri emia masaga ra te Pago mae eia tsitsiria o. ⁴ Mate gitou e vararua ari gamma ioigoa tavovuro ari gamma kokorao, e gitou gamma tsirimuria vaimatata ra te Pago. Airuru ta tavovuro ari gamma tsitsiria vaimatata ra te Pago. ⁵ Te mutou rovi ta mae Kraisti gari tara te ra ri abi garei a tavovuro bunu, ire a tavovuro ari buu gama oiro te ta ra. ⁶ Tsi mae vararua ari pou titomie Kraisti, e gitou gamma ioigoa tavovuro bunu. Ge arige vararua ari tsirimuimuria tavovuro bunu, tabu ga rovi mae eia oio so gamma ino e Kraisti ga rovi emie Kraisti. ⁷ Mutou e ruratugu, mutou bo muri tsigie mutou souka taro ita ga kogono e mutou. Ea ri ioigoa tavovuro ari koko ra, eia taro neneki mae Kiaistio. ⁸ Eari ioigoa tavovuro bunu, eia e Sarani, ira oio a siroko ra vau are vararua so gamma gari e Satani ge igo ta tavovuro bunu, tssi mae oio a tavovuro arere te Ruture Pago gari ta ra te ra ri vakuri mamuro ira aigogoru te Satani. ⁹ Te mutou e vararua ari gari mae e rature Pago, gamma ioigoa tavevuro ari bunu, ire a mauri ra ge oio oiro tsi tetara. ¹⁰ Arige tatou vera ga rovie erei te rurature Pago, ge erei te rurature Satanio, tatou ga ino a mae eari gamma taitairia masaga ra te Pago eia gamma e rature Pago. Eia tai te taro ari gamma masasaga e tuara me tarirao. ¹¹ Ire a pepere ra ari mae mutou no ta oio a siroko rao: Ea veivei maei, tatou ga masage teitami gatou ita ito. ¹² Tatou ga umara gari mae Keini, toro ari oiro te taro bunu tsi mae eia biri ire tarira o. Mave te eia birie eao? Ire aigogoru te tarira neneki vau tsitsi ria masaga ra te Pago ge te Keini gamma kokora ea bunu. ¹³ Mutou gamma seisaki, e tatuagu me tetarigu, oio a rogo arige vararua ra tabuei gamma ga masagae mutou. ¹⁴ Oio are tatou gogo ire vararua ioigoa tavovuro ari kokora soio te titami gatou tatou ga rovi mae tatou poro pepe ta pireo. Ge eari gamma masa saga e vararua o pou oiro a pireo. ¹⁵ Eari gamma masagae tatuara me titarira eia a taro ra biriri. Mutou ga rovi mae a taro ari bibiri gamma ga abia maurira ari a karuvura ouka oiro teta ra. ¹⁶ Ari morei te tatou rovi ra masaga ra o, ire Iesu e Kraisti sugu taro a mauri ra ire tatou. Ta tavovuiro are Iesu igoa o vainae tatou re tatau ga sugutaro a mauri gatou tai tera ri vaina a tavovuro ra masaga ra soio te tetami gatou. ¹⁷ Aramori arige taro ita tao kea atotsibo komuko vau tera magasai, ea ino e tamira ari atotsibo ouka o, ge eia gamma surie eia. Te tatou ga rovi mae atavovuro ra masaga ra gamma oio teta ra. Ta masaga ra te Pago ga e eia abia mavei? ¹⁸ Eruratugu, tatou uma ra vaiyo ino a masaga ra oio moria pepere ra are tatou veivei a aramori tatou ga vaino a oio a tavovuro mea sesere ra. ¹⁹ Arige tatou masaga sesere titami gatou e tatou ga rovi mae tatou tsi ioigo a aigogoru ari te ra sesere ra o, tau e tatou veimatatea tsia gatou soio teta ra. ²⁰ Ge arige a tsia gatou mamuge tatou soio a tavovuro bunu, e Pago eia kerira oata oio a tsia gatou, te Eia rovia totsibo kakara. ²¹ Mutou are eau masaga matotamoe mutou o, arige a tsia gatou gamma muge tatou soio a ravovuro bunu, tabu ga abia vagagari ra tera ri ga goio magiri oio a veimatata ra te Pago. ²² Ire a rowa e tatou tagia re eia, tatou ga abia, re tatou tsitsiria vaimatata ra tetara mea tavovuro ari mae kokora te ra ri veisarea aisora oio a mata ra. ²³ Arei a veimatata ra teta rai mae tatou ga tautau rairo oiro te Ratura e Iesu e Kraisti tai e tatou ga masagae taro ita ota, mae ta are eia vei ira gatou oio a pepere ra vaimatata ra tetara o. ²⁴ Taro ari tsitsiria pepere ra veimatata ra te Pago pou oiro te Pago, e Pago tai pau oiro tetara. Te Pago abia gatou a Karuru Tabu te ra ri vaino e tatou mae, Pago oio pou tomie tatou.