¹ Au sa qai boka e dua a lomalagi vou kei na dua a vuravura vou, ka ni sa segabau a lomalagi makawa kei na vuravura makawa ka sa segabaul alega a wasawasa. ² Au sa qai boka a koro tabu, ko Jeruisalemi vou, sa lutu sobu jiko mai lomalagi mai na Kalou, sa mkucavu tu me vaka a yalewa vou sa uku me kau kina wajina. ³ Kau sa qai rogoca e dua a domolevu mai na i jikojiko vakaturaga, sa kaya, "Raica! Sa jiko a vale ni katou, sa jiko vei ira a tamata, e na jiko rata kei ira ko koya. Ka ra sa ona tamata a Kalou vaka i kokoya e na jiko vata kei ira ka na odra Kalou ko koya. ⁴ E na qusia laivi a wai ni mata tancoko mai na matadra kokoya, ka sana sega tale a mate, sana sega talega a rarawa, se na tagi, se na vutugu. Ni ra sa lavo laivi a meca makawa. ⁵ Sa qai kaya kokoya sa jiko e na jikojiko vakauraga, "Raical, Au sa vakavoiya a meca taucoko," sa qai kaya tale, "Vola mada kaiei, ke ra sa vosa dina na veivosa kaiei, ka rawa ni ra vakadinata. ⁶ Sa qai kaya vei au, "A meca iei sa vala oji! Koi au a Alifa kei na Omeka, ai vakatenivu nei na i vakataojioji. A ona e via unu, au na solia wale vei ira a wai mai na i vurevure ni wai ni bula. ⁷ Ko koya sa qaqa e na ona a meca iei, au na ona Kalou, kana luvequ talega ko koya. ⁸ Ia ko ira a dadatuvu, kei na tawa vauabauta, ko ira e vakaisisila a odra i vukarau, ko ira a daulaba, a dautagana, kei na dauyalewa, a dauvakatevoro kei na veikaloutani kei ira taucoko a daidai, sana odra i votavota a drano sa udre tu kina a buka kei na sulifure. Maici a i karua ni mate. ⁹ Sa qai lako mai e dua vei ratou na agilosi e vitu, ka ratou taura jiko a sedre e vitu sa sinai tu kina a i ojioji ni meca varawa e vitu ka vosa vei au ka kaua, "Lako mai, au na vakatakea vei iko a yalewa vou, a waji ni Lami. ¹⁰ . Kau sa qai vakasinaiji e na yalotabu, ka sa kauji au a agilosi delani dua a ulunivanua cecere sara ka vakatakea vei au a korotabu ko Jeruisalemi ni sa lutu sobu jiko mai tomalagi mai na Kalou. ¹¹ Sa sinai e nai serau ni Kalou, a ona rarama e vaka a vatu talei laubo dredre sara, e vaka a vatu jasipa ka raitayaloyalo me vaka a karisitala. ¹² Sa dua a ona bai cecere levu, ka jinikarua a ona matamata, ka ratou sa tu e na matamata, e jinikarua a agilosi, A sa volai e na matamata a yacadra a yavusa a luvei i Isireli e jinikarua. ¹³ Sa tolu a matamata e na takalau, tolu a matamata e na vualiku, tolu a matamata e na ceva, ka tolu a matamata e na ra. ¹⁴ Sa jiikarua a vatu a yavu bai ni koro, ka sa volai kina a yacadra a Apositolo ni Lami e lewe jinikarua. ¹⁵ A ona ka vosa jiko vei au, sa tu kina e dua a gasau Kaula ni vakarau, me vakarautakina a koro kei na matamata kei na ona bai. ¹⁶ Sa va a tabani koro, sa tautauvata a ona balavu, kei na ona raba, sa qai katuma a koro ko kokoya, e na ona gasau ni vakarau, sa jinikarna udolu a falogi a ona balavu, ka sa tautauvata a ona balavu kei na ona raba kei na ona rewa. ¹⁷ Sa katuma talega ko koya a ona bai, sa duadrau vasagavulu ka va a kiupiti a ona rewa ni vakarautakina ko koya. ¹⁸ A bai sa vala e na vatu jasipa, a kero sa vala e na koula gdina, ka sa makare sese me vaka a iloilo savasava. ¹⁹ Sa vawkaiukuukutki a koro e na veivatu talei taucoko, ai matai a jasipa, Ai karua a safairi, ai katolu a kalesitoni, ai ka va na emeralita. ²⁰ Ai ka lima a Onikisi, ai ka ona a kameliani, ai ka vitu a karisilaite, ai ka walu a perili, ai ka ciwa a topasi, ai ka jini a karai siperiesi, ai ka jinikadua a jesnrci, ai ka jinikarua a mecisita. ²¹ Ia sa vala e na mata ni civa a matamata e jinikaura, a matamata yadua sa vala e na dua a mataniciva, ia na wakolo i lomanikoro, sa vala ena koula adina sa makare sese me vaka a iloilo. ²² Ia kau a tawa boka e dua valenilotu e na loma ni koro, ka ni sa ona valenilotu oia a Kalou kaukauwa kei na Lami. ²³ Sa tawa yaga e na koro iei a matanisiga, se na vula me cila kina, ka ni sa vakararamataki e na i serau ni Kalou, ka sa ona cina a Lami. ²⁴ E ra na lako voli e na ona cina ko ira a veilewe ni matanitu, ka ra na yauta yani kina a odra i yau, ko ira a tui kei vuravura. ²⁵ E na tawa sogo e na siga a ona matamata ka sana segabau a bogi. ²⁶ E ra na Kauta yani kina a veimatanitu a odra i yau, kei na odra lagilagi. ²⁷ Ia e na tawa curu kina e dua e tawa savasava, se dua e valata a meca vakasisila, se dau daidai, ko ira ga e ra sa volai tu e na i vola ni bula ni Lami.