1 Afo Polibac sailasinuc yeno Debibac Listra magusim, mini avafa i mana disaipeli bakemi ben avic Timoti. Beni mana Juda inin aka i bakemi iyefi indi ekemi benafo Griki bainta i. 2 Beni banta iyefi yifac yiva unam Listrabac lkonumi beyouni ayogu bayani benani seno. 3 Poli ayikaramemi Timoti benamac binovani, minukami afo beni bemi avigem maroremi oc aranda akefemi nevaraino Judauc yeyac mini magusimpa beyouni, maside indi kakeno benafo Griki baintai. 4 Afo yeya iyena magu abana bone, yeni manu bayani yimeno avakurokovani mareyom baya avakurokovani, yeni aposelibac yinom baintauc Jerusaemi beyouni yeni akareno. 5 Minukami afo manu yeyic bilipikim eraneno afo yeni anasi baintauc amuno meno mana mana nuram. 6 Polibac yeya iyeuya bena avagurouyec, yeni Frigiabac Galatia magu abana i beno, afo Ayo iuta yen yivani makatirani yeni baya iye siyimevani Esia magusim. 7 Afo yeni Misia adeka yeromi, yeni Bitinia magusim urirani indeno, afo Kotini Ayo Inta yemi uyakemi. 8 Minukami afo yeni Misia yesakeno, yeni kumeno Troasiuyic iyena magnsim. 9 Poli kaim kanai onemi ayufum, afo mana bainta Masidoniake mifac i ukukakakemi, afo bevampai baduremi semi, "Masidonia yereva mayau siya Jono." 10 Afo Poliva i mini andadava kaim kana onane, manatri ukami mayau ukuke yami Masidonia beyamu, nevaraino mayanni indieke Koti mayauni saremi mifac ayogu baya yiyimegovani. 11 Mayauni boutikim karusa eyami afo iyena magu Troasia yere e-eyami afo Samotraisi beyamu, afo mana nuram anaimpai Neapolisi ore yamu. 12 Lnaimi mayau Filipa i beyamu, mini mana anom maguni Masidoniauc yindaa, mini anom maguni distrikiuc yindai afo Romi iniya baintauc i minikimi benno, afo mayauni mini iyena magusimi bakeyamu mana-ac nuram. 13 Sabati nurami mapai kumeyamu maguyic ona fate non avafa, mini avafa i mayauni indi ekei mana yokam mukeyom magu baintemino indiri meyamu. Mayauni kumande yami ananisiuc nama i baya seyamu yeyac yokam mukinta yeuyec. 14 Mana inini ben avic i Lidia, ayogu unam bado meyani evami Tiatira magusim, beni mana inini Kotim mami siankevayic mayauni indemi lyeno mini inim araci diyemi indinovani ne baya ya Poli sevanafi. 15 Inaimi Polibac sailasinuc nom manyikeno benamac masideuyac bena makim bakeyouyabac, beni mayanni mani siremi sisimemi, "Afo yigeya inch eke seya lyenon namac atekanake, senti makim yereka bako." Afo mana iniyec mayauc sirac i maremi. 16 Ena nurami mayau yogam mukim magusapa i beyamu, afo mana akintami baguye yamu iyefi manda spiriti benkim bam. Beni anasi baintauc yiyimevami ne andadauka inaim apamintenafi afo yeni anom maka benic dafisimi amevano. 17 . Mini akenta yivakuremi Polibac mayauyabac afo beni baduremi mani semi. " Manac Kotini yogam baintaucmo iyefi yanafao ugam bam. Yeni simam fabam inteno Kotini anic yevegemi baintauc yivikantemi. 18 Beni mini baya amuna nurani murem semi, afo Poli mana araka iye bakemi, minukami afo beni mini akinta onaremi beni sasamemi mini spiritim, "Seni Jisasa Kraisi avikimi samego eni bemi yere e-ano." Afo manatri ugami mini spiriti bemi yere e-emi bemi. 19 Afo benic dafisiru mani anarimeno yeya maka mareyom ani yemi yere e-emi, yeni yiran anene madeni Polibac Saikisinuc dirifeni maketi magusim ureno lo yinom baintauc yokakac. 20 . Afo yeni mini kanda yivige yinom baintauc bampa marorami, yeni seni, "Mana Juda bainta kanda anasi baintauc i anana uyikeno yugonamasi magusim. 21 Yeni simam fabaneno andadauka Romiuc iye uwareya ava kuram. 22 Afo maside iniya baintauc ukukeni baya foni yireno Polibac sailasinuc, yenom baintauc i yekandayic unam bado utudami afo yiruim baintauc i yiyimeni yekanda yadi foni yireno. 23 Afo yiruim baintauc amuna yic navisi yekanda yimeno, yeni mini kanda mandeke dumeyom makim deno. Yeni dumeyom baintauka dafitam baintauc i yiyimeno ayogugu ureka yekandaka dafisiya yekanda iye iyayogo. 24 Lnaimi mini baya mandaremi, mini dafisim bainta yekanda dami umpekeno dumeyom makim afo yekanda yikani mana avafa mana dameno. 25 Ayufum abanampai Polibac Sailasinuc yogam mukeni afo iguc da ekeni Koti bampai deno, afo ena dumukeyom baintaubai yekanda indeno. 26 Manatri lyena magunemi apamemi demeyom mac simenti kasanemi, afo akaka ugami maside onauc diyeimi afo narac yec yikam yiyam dumukakenim utufemi. 27 Manac dumeyoyic dafisim bainta andukakeni kinke ukukemi afo beni onemi maside dumeyom mac onauc i dikakemi, afo beni beyic soparo mandemi afo adeka i beyar arumam fukirani, nevaraino beni indi ekemi maside dumukakeyom baintauc i iyaneno. 28 Afo Poli iyena ametapate baduremi afo beni sem iyevac eyam manda ono, nevaraino mayau maside fani magac beyamu. 29 Mana dafisim bainta dumeyokac dafitam baic remi om afakarena yonarani iyeuyac fa beyafo. Iyena fekanamac, beni yerem yandemi Polibac Sailasinuc yikantim, 30 afo beni yekanda yivigem mapac marokum demi afo yekanda inda emi, "Dafisim baintauko, seni Kotika ikeni uranana i ovegem sivikantenafic?" 31 Yekanda seni, "Eyandobac lyeyaui ena makim beyafec lyeno Jisasikim bilipi inana i Koti yigemi ovekem yivikac." 32 Yekanda lyenoni ayegu bayani siyimeno bembac masideuya bena makim bauyabac. 33 Inaimi dumeyom maka dafitam bainta mini kanda yivigemi mini yafom afo yekandayic namam sesec uyinkemi. 34 Inaimi Polibac Sailasinu yivigem bena mapac uremi afo yekanda yunam yimemi, beni anon amoyini kukakemi masidenya bena makim bakeyouyabac. 35 Afo ac urevami, afo yinom baintauc i bayani dumeyom dafisim baintaucka i deni seni, "E-acnaya yekanda fac bogo." 36 Dumeyom baintaucka dafitam bainta Polimi mani siremi samemi, "Yinom baintauc i sec vampa i bayani dam yemi yigem e-acna bogo bani. Minukai afo yigeni amaka i mampa kunde i binagomino yirac sadakem bam anda namac." 37 Afo Poli bemi samemi, "Mayauni Romike bec yamu afo yeni mayauni sirencc maside miya baintauc yogakae i afo dumeyom makimi deno. Nevarac yeni ayofarec sisinkararate? lyeino! E-acnaya i mini jasiuc yena usac yereya i mayauc yec sivike mapa bogo dumeyom makinke." 38 Afo dumeyoyic dafisim bainta mini baya mandaremi Jasinuc moro yiyimemi, afo yeni indeno Polibac Sailasinuc yekanda Romi bainta kandave sem, anom fekaui yeni mareno. 39 Jasiuc i yereni yekanda siguno siyikeno afo yemi yekanda yivige dumeyom makinke mapa marokun deni afo mini kanda inda eno manac iyena magu e-eka bogo. 40 Minukami afo Polibac Sailasinuc dumeyo kinke mapa kundeni afo Lidia amapa i beno. Afo Polibac Sailasinuc i ena iniya baintauc yoneno, yekanda yem erar uyikareni afo mimi iyena magu yere e-ena.