¹ Mana-ac baintauc Judia beyouni Antioki kundeni afo yoc yivikeno yifac yivauc, ofo seni, "Afo yigeni yoc aranda iye akefamino Mosesini lo ukodec, Koti amaka yigemi ovekem iye yivikatenu." ² Mini nurami Polibac Banabasinue i yisi ini kukareni bayafoni yiru eno mini baintauc namae. Minukami afo yeni Polibac Banabasinuc ugakeno afo mana ayan=ubac yen yibanapate yeni amaka i Jerusalemi oreni aposeli bac yinom baintauc baya yec sekovani mini inda inta. ³ Minukami afo mami yemi siyikani yeni Fonisiabac someria beno afo manac baya mani sireni siyi meno, afo encuyaba i Koti vampai yeno. Mini bayani anon amoyini marem yeni yifa yiva unam bampac. ⁴ Afo yeni Jerusalemi oveni, mankim beyouni, aposelmbac yinom baintauc yimusikike yemi yiyikeno, afo Polibac Banabasinue siyimeno maside iyena andadauka Kotiva yenamac uwaram. ⁵ Afo mana-ac bilipi bamtauc Farisiu kinke, ukukeni afo mani seno "Yem yiyiminayo i yen yoc aranda akefare ya i afo Mesesini lo avagurogo." ⁶ Minukomi afo aposelibac yinom baintauc i bagudeni bayayuc sirandeni mini andaukani. ⁷ Amuna aruim baya anaimpai, Pita ugukemi mani siremi siyimemi, "Sifac sivaugo yigeni indi kamino mana-ac yamu yakakemi, Koti mana ani ukadukami yige yibanampa manimukemi, bayava seya siyimuna, ena iniya baintauc amakai ayogu baya indireni, afo bilipi inteno. ⁸ Koti iyei arakum indikenafi, bena usac yenamac asiremi afo Ayo inta yemi yimemi yugonama minini urem. ⁹ Afo beni iye uwaremi daimeyom avo ava anda yembac yugona-makimbac, afo beni yen yirac manda sese uyinkemi bilipi eyan anda foni. ¹⁰ Mage, nevara yikeni Koti makasiraraka, minuka i afo yigem mana umani madam disaipeliuc yimentim dami andadaukei yugonama sifova yugo namabac amaka iyeveu marate yamue. ¹¹ Mayauni bilipi evana Koti mayauni ovegem sivikatemi Jisasi lyenoni avabac feni yembac mana nugemi." ¹² Maside iniya baintauc sadake veni indeno Banabasibac Polinus Kotinam sem yekandaya yofa urukom afo yekandava mirakelivac uwaram ena iniya baintauyic yaumka uwadukam. ¹³ Yen yivaya simam kaki aramik Jemsi yen yivaya yevegem sayimemi, "Sifac sivaugo, semi indego. ¹⁴ Saimoni sem ne asaka i ananta Koti beyic a abac yoyikenafi afo ena iniya baintauc yofa uranana i yivikako mana-ac iniya baintauc ben avikiu u gam. ¹⁵ Profefiuc yivayac mana yirakai mini vam bakemi minukami yeni akadugam. ¹⁶ Mini andada anaimpai, seni ovege yere i afo seni yevege i uwaranteuc Daviti seli mac, fec fafasi kam afo seni baguyoteuc maside anene vnc manda ugam afo yevege danam bintem. ¹⁷ Minukami afo kamorec baintauc i lye nom afakanteno ena iniya baintaubac seya yem yarar ukekuna sen sivikim! ¹⁸ Manai mini ne andodafi lyeno mani sirukam, iye i mana andadauc uwandukanafi yugonama indikanami feyugam. ¹⁹ Minukami afo senti indini mani mukemi, yugo namac uman iyevaka yimeno ena iniya baintauc iyeuya Koti vampa yam. ²⁰ Afo yugo namac afam akadeyami ye vampa dam bintemi, afo mini sire yiyimonte yamu, yeni nekaka bako fairi ugam andadauka umatikam kotnika, afo ara arec moko andavac, afo safurauc neyom andavac yen yauna ufudana fukenim, afo nareva neyom andavac. ²¹ Nevaraino, Mosesini lo yeni siman fabamevano masidem iyena magusiinka feyugam afo yeni siyimevano maside mam makimpa maside sabatika." ²² Mini ayokuino apeselibac yinom baintaubac masideuc makim beyouc Juda simi ukedeni yeni bemi avideni Banabasive seno, Sailasiva, yekanda manu yie dafisini bakeno afo yeni yekanda siyiukarani Peli bac Banabasinc Antioki beno. ²³ Yeni afoni mani sireni akareno, "Mona afoni oposeliubac yinom baintauc bampate yemi yikeyic yifac yiva uname, afo yige vampa i beno yeni ena fatena yifac yiva unamo Antiokibac siriabac afo Silisia beyonno; yeni seni, ayogu nurane siyikeno! ²⁴ Mayanni indunami mana-ac baintauc i mayou sibanampate oreni, afo yeni eyo mayou bampate iye mareno, afo yeni yereni afo yeni yimeno mana-ac indin marako baya mini yigemi yirac umam yimeni. ²⁵ Minukomi afo mayauni baya uyade yami afo bantauc ukadeyami yige vampa yiyikoni beno mayausi ayogu sifac siva kanda namac Barabasibac Polinue. ²⁶ Kam bainta kanda yen yaum yere e-anayom again iye fekeno Jisas Kraisi avikon. ²⁷ Minuka yani afo mayauni Judasibac Sailasinuc yiykaroni yinteno, afo yekanda yigemi yiyiminteno manac ugam bayn yen yofenke. ²⁸ Mini ayogu ino Ayoc Intakabac afo mayaubac, lyevaka iyena uman andadavic yige naro dago, afo mayauni amaka i donte yomu andadauc iye vmandavam yage vampa. ²⁹ Minukomi afo yigeya yinaina amego agokenka yeya umatikam kotina amidukam, nare neyom andavac safurauc neyom anda yeya aun ufudana fukenim afo ara ara mogo andava. Afo yigeya nen kaka bago mini andaukac, yigeni ayeguka i benokemi. Ayagu nurane yigene." ³⁰ Afo yeyic baguyim kaki ani yeni Antioki kumeno, yeni maside iniyo caintauc baguyen deni afo inaimi yekanda yemi yimidami bemi mini afan yoc. ³¹ Afo yeni mini afam yoc yandareni yemi anon yimoyini mareno mini bayava yena yiyayim. ³² Judasibac Sailasinuc yekanda Progetiuc i oakeno, minukami afo yekanda yifac yiva uram yiyoc eni eror uyike unami yevege yiyikarani beno yira sadakem bam andanamac yeyac siyikarana yeyompa. ³³ Yeya mana-ac yomu mifovc bakeyom anaimpai, yen yifac yiva unami yevege yiyikarani beno yira sadakem bam anda namac yeyac siyikrana yeyompa. ³⁴ (undefined). ³⁵ Afo Polibac Banabasinuc Antioki i bakeno amuna ena iniya baintauc namac afo yem yoyivikeni lyenon avayavai siyimeno. ³⁶ Mana-ac nuran anaim pai Poli Bomabasimi mani siremi sasmemi, "Endekana yevegeka orekara afo yonano unakim afo yonano yeni ikemi barika uke yafo mage." ³⁷ Banabasi Jonimi ayikara emi ena avic i Maki yekanda nama binovani. ³⁸ Afo Poli mani indirimemi mini ayogukaino Makim avic mandare yenama binovani, nevaraino, beni yemi yere e-emi Pamfilia afo yekanda namac iye bemi yokara yekanda uwarampa. ³⁹ Inaimi, yekanda minivam yisi eno afo yekanda abanai ukadeno, minukami afo Banabasi Makm avic mandaremi sipikim karusa eni saiprusi i beno. ⁴⁰ Afo Poli sailasimi ukakemi afo bemi yerc-e-emi yivakurem bemi yifac yiva unami bemi deno yokatim lyenoni avabakim. ⁴¹ Afo beni siriabac Silisiabac bemi mifac manuc erar uyikarani.