¹ Mini yamu ic kin Heroti mankim eran bilipi duke yom yiruman fukemi yem manda uyikarani. ² Afo beni Jemsim Joni afa ava soporo fokeni arumam fukemi. ³ Inaim beni onami mini av o ava anda ine Judau yimoyini yemem, afo beni Pita afakarem dumirani bem. Mini anda fabanimi breti yisiva-iyevam nan yamu ic apamem. ⁴ Inaimi Kin Heroti Pita fakaremi dumemi, beni eriyevam dafisim baintauc yiyakim temi semi beka ic dafiseko. Kinano indemi Pita avimam mapa marogum dena anasi bantauc yimirani Pasova inde bayo yamu yaka inani. ⁵ Afo Pita dumeyo makim bani, bilipi iniya baintauc Koti vampa yokam mukevano. ⁶ Mini ayufumi Heroti Pita avimam mapac iyedukami, Yeni Kanta senifoni bemi dumenok, afo Pita kac dafisim bainta kanda yiba na ic barem. Ena dafisim bainta ba ic anata bam dumeyon onaka ba ic dafiseno. ⁷ Afo inaimi, lyenoni enseli bevika afo taki-em afo dumeyom makimi kakamani anem. Beni Pita amamaba ic aruremi avoruremi samem "akaka ureva ukukano," afo akaka ukami ayakim bakeni seni utufem. ⁸ Afo enseli bemi mani siremi sasaem. "Eni unam bado vac sendoli bac ono," afo Pita minem inaimi ense-i mani siremi sasamem "Eyi eran unam bado ureva ye sivakurono." ⁹ Afo Pita enselim avakuremi mapac kumirani. Beni mini indiri iyememi, ne anene enseli benka uvarenafi. Afo beni indi ekemi kaim kana ino sem. ¹⁰ Yekanda anata dafisim baintava inaikena bainta yesakem yekanda ainika uwandukam onaka oreni mini aye bem iyena taunifa oreyompai, mini ona beyayaka di-imi yekanda mapa bokovan yekanda mapac kudeni asabeno, akaka ukami enseli Pita yere-e-em bem. ¹¹ Afo Pita ayogu indim mandemi, beni mani semi, "lyeno beyi enseli sasakaram sen sofa inovani Heroti ayakike afo mana ac anda Juda iniya bainfauc senka mini rani." ¹² Afo beni miniva onamam indi urem beni Maria amampa bemi, Joni ano, yeni Makim bac yinovani areno mana magusa amuna iniya bantaue ye uyu-e-ya yokam mukeyoka. ¹³ Afo beni yevemi ona arebemi ukukaka-mi, mana yoka inini ben avi Roda, beni ona diakarani yem. ¹⁴ Afo beni Pita amentana indiremi, beni ano amoyemi beni ona iye diyem iyei rumufa iyayem undemi mani siremi siyimem, Pita onaka i ukukakeno. ¹⁵ Afo yeni manisire bemi sasameno, "Eni o-eni manano." Afo beni mani siremi semi eni fukatanano. Afo yeni seni "Eni beni bami onanamino. ¹⁶ Pita ona arebami yeni ona marogum diyeno. Afo yeni ona direni yeni onadireni Pita onareni ano yindu intadeno. ¹⁷ Afo Pita naugim undani, beni ayam avanta demi beni yem yiyimeni yivauda makateko, beni yem yiyimemi lyeno bemi avimam mapai dem dumukakenim makike. Afo beni mani siremi yemi siyimem," Yikeya Jemsibac sentifa sivaunam siyimeko nenfi seka fabanine. ¹⁸ Ena banuram yefeimi, mana andada i ye fabanem dumeyo-dafisim baintauc yibana nevaraino mini andaduc Pitaka fabanine. ¹⁹ Inaimi King Heroti bem afakemifo bem iye onem, minukami beni yem inda-emi maside dumeyo dafisim baintauc yirumam fukoko. Inaimi beni Judia yere-e-emi siseria ovakem. ²⁰ Afo Heroti manda aranukami kemi Taia bac Saidoni iniya baintauc kani. Maside yakami bevampa beno. Yeni eran bayani Blastusi kini anari ukam ofisa siakeno yem yiya yinovani. Inaimi yeni inda-eno yira yimi anda, nevaraino yeyi tauni mano kini tauni kike nani mareno. ²¹ Ye ukaduka nurami Heroti kiniuyi unam bado eyom uremi kinu kumande yo yokai kumandemi, mana-ac bayani semi maside iniya baintauc yokaka i. ²² Afo maside iniya baintauc badureni mani seno, marai uma Koti amenino. "Mini banta ameraino!" ²³ Akaka ukami, Kotini enseli kudemi beni arumam fukemi nevaraino, beni Koti avi yani iye emi, makinui namandami beni fukemi. ²⁴ Afo Koti avaya maside avafa bemi eranemi. ²⁵ Inaimi Banabasi vac Soli yeyi misin yokam Jerusalemi kaki areni oveki Joni ena avic Maki avi mande ni yeno.