¹ Aposeliu nama ena bilip iniya baintauc Judia beyouni mani indirimeno, ena iniya baintauc ba ic Koti avayaka ic bilip eno. ² Pita Jerusalemi yerani yeya iyeuya yo aranda akeyarukeyo Pitami amofim eno. ³ Yeni seni, "Eni-yenamac yo aranda iye ake yarugam baintauc nama ic aka emi nan nanamino. ⁴ Afo Pita yemi ne aneneuka ic apamenafi beni obidem siyemem. Afo beni sem. ⁵ Seni iyena taunigim Jopa be ic sokam muke vanami afo mana Kaimi oneko. Mini kaikimi seni onanami unam kana uka kim inarumpate kumem. Yeni err iyeam apurintim fakero, mini ic unam bado kana ukagim se bana adeka ukami dam kumemi. ⁶ Seni onare ic mini andadau kani omare indeuc. Seni makakakena safuravac afasam safurava ic oneuc, safurauc eriyevam akam dukamba memau bac nunu bac yanafa bam. ⁷ Inaimi indunami mana avani semi sisimem, "Pita ukukea yarure nano." ⁸ Afo seni sec "Iyeno, seni safurauc fairiuganuc iye neupe. ⁹ Afo kanto yaki muremi inarupatena avam mani siremi sisimem, "nenefi koti sem nano sirukana, iyeva ka avc ose." ¹⁰ Mana ic kanta manava ya ic fabanemi inaimi mini andadauc yevekem inarupa uremi. ¹¹ Akaka ukami kanta mana baintai mayau bekuna mac anaka ye ukukeno yeni sisaria ke yemi siyinkarani sevampa yeno. ¹² Afo Ayo inta semi sisimemi eya ic yenama bono, seni iyevaka seka io yeni enafatero, sixi ac sifa tiva senama bo ic mini bainta amam pa be yamu. ¹³ Mini bainta mayau sisimemi mana enseli bena makim ye ukukemi semi, "Bantauc siye kanaya Jopa oreya Saimoni ena avic Pita avike ye. ¹⁴ Beya baya sinanine ikemi yiya yitem, afo eyabac eniu anasi bantauc yikeni manda avo ava e-e-ic ayoga ani avoguroko." ¹⁵ Afo seni kukaden yevampa baya siyimevanami. Ayo inta yekim kumemi ananta yugonamakim eninimem. ¹⁶ Afo seni oveke ic omare inde uc yam baita avaya, beni mani siremi sem, "Joni beni nompoke ic nom manyikem. Afo yikeni Ayo inta foni nom maranagomi." ¹⁷ Afo koti-va Ayo inta (presenti) kana urem yena yimenim, yena yimeni ni uremi yikeu nama iyeno Jisas kraisikimi bilipi evanauc simem, seni 'yebeka ic Kotini yokom uyakautekafu? ¹⁸ Afo yeni mini andadauc indireni, yeni mana baya yaba iye seno yeni koti avic yani eni seni." Koti a ic yimem yeyi kumi andavara siguno seyom afo ena iniya baintaukoa ic iye kakiam yaum marateno. ¹⁹ Stiveni manda uakam maroreni bemi arumamfukeno, bilipi eyo baintauc fedeni iyayeno Fonisia bevam Saiprusi bevam Antioki bevam, afo yeni Jisasim avaya Judouc beyou vampai yiyimeno. ²⁰ Afo yekige mana ac Saiprus keva Sairini kena bilip baintauc Antioki yereni Jisasi iyenoni baya siyimen Grikiu bac. ²¹ lyenon ayami yenamac bani amuna iniya bantauc bayakim bilipi ureni iyeno vampai yeno. ²² Afo Jerusalemi mam mano ye yivaya indireni, Banabasim sasa karami Antioki bem. ²³ Afo beni yeremi Kotini avabac yen jindutim yonem, yen era uyin kanoya ic iyeno nama beya yen yirapateva bekim bilipi-o. ²⁴ Banabasi beniayogu bainta i, Ayo inta bekim utigakami eran bilipi dukemi, minukami amuna iniya bantauc lyenokim bilipi eno. ²⁵ Inami Banabasi Tarsusi bemi Soli afakar ani bemi. ²⁶ Afo beni Soli afakaremi avikem Antioki yem. Mano oradekimi anasi baintauc yivimam mam makim deni Jisasi nani siyimeno. Mini yamu mano ac profetiu Jerusalemi yere e-ehi Antioki kumeno. ²⁷ Mini yamu manoac profetiu Jerusalemi yere e-eni Antioki kumeno. ²⁸ Mana yekike ben ovic Agabusi. Ayo inta bekim bami afo beni profeti baya semi maside makaka iyena andaro yintemi. Mini profeti baya afotaki emi Klaudiasi mini yamu Romiuyi yinom bainta ukanika. ²⁹ Yeni Agabusi avaya indireni, disaipeliu maka deni Judiau bilipi iniya baintauc yiya yirani, yec beyo rendekoi ic yimeno. ³⁰ Yeni mine no afo yeni mini maka Banabasinu solinu yimiya ic Judia man yino kac dafiteyam baintauc yimeko.