1 Magec mana bainta benni yena magusim sisaria, ben avi ic Konilias afo beni Italiuyi iyena magusa 100 tiuyi yiru eyo baintau yi dofisini, 2 Maside ben amakim beyou nana beyadoba i Kotivampa mati akauno Beni anasi bantauc adadauc i ye duke yom yofa irani amuna makac beni yimem i masidem yamu ic beni Kotivampa ic okam mukevami. Adeka 3 kiloko ira eva dyikai beni afo ta ic kaikimi onemi Kotini mana ensili bevampa yemi. Afo enseli bemi aremi, "Konilias!" 3 Adeka 3 kiloki ira eva dyikai beni afo ta io kaikimi onemi Kotini mana ensili bevampa yemi. Afo enseli bemi aremi, "Konilias!" 4 Koniliasi ense li onaremi beni anom fekaruka uremi semi, "Eni ne anene vara aye nafi, i yena bainta o? Afo enseli bemi mani seremi samemi, "Eni okam mukim nama eyas andada iye duke yom bantauc eya yimanam irarukimpa udomi afo Koti omare indemi ayokuc anda uvaranavani." 5 Mager mana ac bantauc siyikanuya ic Jopa iyena magusim oreyai Saimonine seyom bainta ena avic pita avikoko. 6 Beni mano bainta nama ic bemi ben avi Saimon, beni andadau safura arada ka uvareva yi i afo ben amaic ano nom adeka ic bemi. 7 Enseliva benama asakenive yereme-emi bemi, Koniliasi yaremi beyic yokam bainta kanda nama mana soldia yenama bekim yoke yom nama ic mam baya seno. 8 Koniliasi yemi siyimemi nene andadaukai apamenafi afo beni yemi siyikarani Jopa beno. 9 Ena nurami 12 kiloki adeka ic, yeni asa benic iyena magu adekai oreno, afo Pita mac naropa ic uremi okamukirani. 10 Inaimi bemi aram fukimi narani indemi, afo mana ac baintauc yunanoi yukevano. Pita mana kaimi onemi. 11 Afo beni onami inarum di-imi mana ena ukam andada unam bado kana uka makaka kumemi, mikimi eri yevam apurini vakemi. 12 Mini unam badokimi ara ara safura eriyeam akata nonunubac amubac ananoyom andadau bac nunuc yanafa ake yom. 13 Inaimi bekim mana arani yem, "Pita-o, ukukewa mini safurau arureva nano." 14 Afo Pita semi, "Iyeukane, nevaraino seni iye ne u mana yandaka monda ukambac fairi ukabac. 15 Afo mini ameni boni Kantayaki uremi aremi sem, "nenene yandaka Kotiva mandera sese uruka nave, eni iyevaka sec mandac ukeno fariukeno sec. 16 Mana Kanta manavyamu i sem, mini unam bado mantri ukami yevekem ayonta urem. 17 Minimi Pita ic mini kaim andavani amuna indirimem afo Koniliasi siyinkaran beyo baintauc onaka ic oreno, asampa ic indaurani siyimeni mac ka ic areno. 18 Yeni yarareni inda eno saimoni ena avi pitane seyom mikim benafi. 19 Afo Pita mini Kaimnani omare inde vami, Ayo inta mani siremi sasamem, "onano, kauta marava baintauc enani afakeyo." 20 Ukugeva kundeva yenama bano yenama bira afo kakar iyeva ono, nevaraino seni yiyikanani yeno. 21 Afo minukami Pita mini baintavampa kundemi semi "seni mana mini baintaveko yekeya sifakane, Nevarac yekeni yeka?" 22 yeni seni, "Maya amiyeu i yeno, ben avi Konilias, beni ante kam bainta Kotim manti akevayive Juda beyom anasi banta benani ayoku bayani siankeno, mana bainta Kotini antekam enseli bayani sasamimi beni mayauni sisinkara yami en avike yami ben amampa ic avikebe yaro, beni bayauic evampatc yinanim indirani." 23 Minukami Pita yemi naukimi yivikem urini yeni benamaic bakeno. Ena banurami beni ukukemi yerama ic bemi, afo mana ac Jopa beyom afa avauba ic benama beno. 24 Ena nurami yeni sisaria yereno Koniliasi yenka dafitem bami beni masidem beyamkum bac ben adeka bam akadauc yivimam dem. 25 Pita benamakim orami, Koniliasi onaremi akon noyamduremi 26 Pita kac mantiakarani. Pita bemi ayam diriamam yani uremi semi, "Ukukano! Seni ekana ukana bainta beko. 27 Afo Pita benamac asem bakemi beni naukim undemi amuna iniya bantauc utikakami yone mi. 28 Beni mani siremi siyimem, "yekena-o indin kamino Judauyi lo semi agonumy kemino ena maku sapatena nama ye yideka bararafi yem bec yonararafi. Afo Koti mani i yasivi karimem seni mana baita mandai mukanamino o fairi mukanamino iye senteuc. 29 Mini andavani seni ikevampa i yeuc, seni yikemi iye yise uc yikeya bayadam yem. Afo yikemi magec indaeko nevara yikeni sareka. 30 Koniliasi sem, "Kanta marava nurami yankaimi mani yamu ic, seni sokam muke vanami senti makim 3 kilok ayika seni mana bainta ananami beic unam bado kake iyena kakevami sen sokapa ic ye ukukem. 31 Afo beni mani siremi sem," Konilias, eni okamukire koti indemi eya andadau iye duke yom baintauc yimana Koti indemi mini andadauc uwaranove." 32 Minukami mana ac baintauc yiyinkarani Jopa oreni mana baintavani indaeno ben avi Saimon ena avi Pita. Beni mana bainta amakimi bakemi safura arandakac andadauc uvarevam ben avi Saimoni aronom avafa i bemi. 33 Minuka ic seni akaka ukami bontauc yiyinkeunamake maside Koti okaka ic ukuke yoro baya indirani lyenova amidukanani mayauc sisime. 34 Inaimi Pita avam osadem sem, "Fuka ukane, Koti iye mana ac iniya bantauc yi avafaki intemino. 35 Afo masidem mana makakakena iniya bantauc i yefi maintena antekam anda uvarene, afo mini baintave Koti ayikara emi. 36 Yekeni bayaye omare indi kammino beni Israeli iniya bantauc bampa dam yine; afo beya ayoku baya simam fabam ene Jisas Kraisini arac dam Kumin anda ve beni masie iniya bantauc yi iyeno 37 yekenauc indemino masidem iyena andadauc apamine maside Judia avafa ic apamem. Galili naren kukarem. Masiden andadauc apamimpa ic Joni nom manyin kemi simam faban em. 38 Masiden anene Jisasikim apaminanine beni Nasareti kenoino ne asakaic koti Jisasi Ayointa bac eradabac ic amem. Beni bem ayogu anda uwanyin kemi bananom mando uyinkarukam iniya bantauc yeyic yic anene yiyofa yim kem, nevaraino Koti benama ic bakem. 39 Mayauni oneyami inde yamupe Jisasi mana andadauc uwarane. Judiau yi Kantrikim bac Jerusamikim bac, yeya yanafa ben iye asa ic maripo yasa ic bemi arumam pukeno. 40 Afo kontam manava nurama yaka imi Koti bemi fukitige ukukakem beni minu ranana i yeni mini anako. 41 Amuna baintava bemi oneyau; afo iyeuya ic one ya indeyom Koti feyukami benausa ukagem mini ic ma yaunu nam ba nomba benamac narau nami beni fukitike ukukem. 42 Beni mayauni bayani simidemi anasi bantauc bampa mani sirekai siyimeko. Koti benausa bemi Jasi kana inosiremi ukagemi anasi banta fa ayem beyonama anasi banta fe fukeyounama daimintem. 43 Masidem profetiuc benani bayauic sevano, minukami iye bainta bekim bilipi eve, Koti beni kumi anda Jisasi avikim yomandam fasac dantem. 44 Fac Pita mini bayayukam serami, masidem iniya baintauc be baya sevani indogimi Ayo inta yekim kumem. 45 Anasi banta yeya yo arada akeye yomkim indeyom, Pita nama yeyouye yidu intadeno nevaraino yeni oneno Ayo intac (Presenti) enafatenauc Judauc iye ukeyokimi utikemi. 46 Nevaraino yeni yemi indeno yeni Juda fateno yauno ena bayafate Koti avi ic yani eno. Afo Pita yen yivaya yevekem yiyimem. 47 Amakaka ic mayauc Simam okani inteyafo nom iye marakobani? Miyuye Ayo inta mandukeyafo mayau marana ure? 48 Inaimi beni baya yemi siyimem Jisas Kraisi avikem nom marako. Afo inaimi yeni bemi inda eno yenama mana ac nuram banovani.