1 2 1 Botoma sintidu pa bo ka fasi obras di justisa dianti di djintis pa e pudi odja bos, pabia asim bo ka na tene pagamentu di bo Pape ku sta na seu. 2 Ora ku bo na da simola, ka bo toka tambur suma ku findjidururis ta fasi na sinagoga ku na estradas, pa djintis pudi n gaba elis. Na bardadi n na konta bos kuma erisibi dja se pagamentu. 3 4 3 Ma ora ku bo na da simola, ka bo disa bo mon skerda sibi ke ku mon direita na fasi.Bo da bo simola na sigridu, enton bo Pape ku ta odja kusas sukundidu ta paga bos. 5 6 7 5 Ora ku bo na ora, ka bo sedu suma findjiduris, pabia e gosta di ora firmadu na sinagoga tambi na skinas pa djintis pudi odja elis. Na bardadi n na fala bos kuma e risibi dja se pagamentu. 6 Ma, ora ku bo na ora, bo entra na bo quartu bo fitcha porta, bo ora pa bo Pape ku sta na segredu, entnao bo Pape ku ta odja kuas di sigridu, i ta paga bos.7 I, ora ku bo na ora, ka bo ripiti mangadi palavras inutis, suma ku djintis ku ka kunsi Deus ta fasi, pabia e ta pensa kuma e ta obidu pabia di papia tciu. 8 9 10 8 Portantu ka bo sedu suma elis, pabia bo Pape sibi ke ku bo pirsisa del antis di bo pidil. Portanto bo ora asim no Pape ku sta na seu, pa bu nome sedu santu. Pa bu renu bim. Pa bu vontadi fasidu na tera suma na seu 11 12 13 11 Patinu aos no pon di kada dia. 12 Purdanu no dibidas, asim suma ku no purda kilis ku dibinu. 13 Ka bu lebanu pa tentason, ma libranu di malignu. 14 15 14 Pabia si bo purada kilis ku yara bos, bo Pape ku sta na seu na purda bos tambi. 15 Ma si bo ka purda kilis ku yara bos, bo Pape ka na purda bos tambi. 16 17 18 16 Fora des, ora ku bo djundjunga, ka bo mostra tristesa na bo rostu, suma ku findjiduris ta fasi, pabia e ta muda se rostu pa pudi mustra na se rostus kuma e na djundjunga. Na bardadi erisibi dja se pagamentu. 17 Abos, ora ku bo na djundjunga, bo unta bo kabesa tambi bo laba bo rostu, 18 pa ka bo mostra pa djintis kuma bo na djundjunga, ma apenas bo Pape ku ta odja kusas di sigridu, i ta bim paga bos. 19 20 21 19 Ka bo djunta bo rikesa na tera, nunde ku baga-baga ku ferus na na kaba ku el, tambi nunde ku ladrons pudi invadil i e futrtal. 20 Enves des, bo djunta bo rikesa na seu, nunde ku baga-baga nin ferus ka pudi danal i nin ladron ka pudi invadil ku fadi pa furtal. 21 Pabia nunde ku bu rikesa sta nel la tambi ku bu korson ta sta nel 22 23 24 22 Udju i lampada di kurpu. Portantu si bo udju sedu bon, tudu bu kurpu na intchi di lus.23 Ma si bo udju sedu mau, tudu bo kurpu ta sta na sukuru. asim, si lus ku sta na bos na bardadi i sukuru, es sukuru medunhu. 24 Ninguin ka pudi sirbi dus patrons, pabia i na gosta di um son i ka gosta di ki utru, no ka pudi sirbi Deus no sirbi riqueza na mesmu tentu. 25 26 25 Portanto ami n na fala bos ka bo preokupa ku bo vida, ku ke ku bo na kume ou ku ke ku bo na bibi, ou aserka di bo kurpu, ou ke ku bo na bisti. Anta vida i ka mas importani di ki kumida 26 Bo djubi pasarus e ka ta sumia, nim e ka ta kebra nin i ka ta pui na se bemba, mesmu asim bo Pape ku sta na seu ta alimenta elis. 27 28 29 27 kin na bo metadi ku ta preokupa tok i pudi buri si altura 28 Pabia di ke ku bo sta preokupadu ku ke ku bo na bisti bo djubi pa floris di kampu, kuma ke ta kirsi e ka ta tarbadja nin e ka ta tisi panu 29 msmo asim n na fala bos ate mesmu Salomao na tudu si fama ka bisti suma nim um delis. 30 31 30 Si Deus ta bisti erva di kampu, ku ta lanta aos i amanha i botadu na fugu kantu mas abos i na bisti bos, omis di puku fe 31 pabia des ka bo sta preokupadu, nin ka bo punta ke ku no na kume ou ke ku no na bibi ou ke ku no bisti. 32 33 34 32 Pabia djintis ke ka kunsi Deus ku ta buska e kusas, bo Pape ku sta na seu sibi kuma bo pirsisa di tudu e kusas. 33 Ma bo buska purmeru Reinu di Deus ku si djustisa tudu e kusas ta buridu pa bos. Portantu ka bo preokupa ku dia di amanha, pabia amanha na tisi si propi preokupason. kada dia kusi propi mal.