^{1 2} 1 Na ki tempu Jesus pasa na nude ku e sumuia ba arus, i foi nun sabadu. Si disipulus esta ba ku fomi e kunsa na tira arus ku mon e na kumel. 2 Ma otcha farieus odja ki kus, e fala Jesus djubi so bu disipulus na fasi kusa ku ka pirmitidu fasi na sabadu. ^{3 4} 3 Jesus fala elis de manera nunka bo ka lei ke ku Davi ku si kumpanheris fasi otcha e tene ba fomi 4 Entra na kasa di Deus e kume pon sagradus ke ka pudi ba kume, nin kilis ku sta ba ku el, ma so saserdotis ku pudi ba kumel. ^{5 6} 5 Bo ka lei kuma na dia di sabadu, kuma saserdotis viola templu, kuntudu e ke kulpadu. 6 Tudu manera na fala bos: Kil ku sta li i mas garandi di ke templu. ^{7 8} 7 Si bo sibi ke ki signifa: Ami mas disdja miserikordia di ke sakrifisiu, ka bo konsidera bo kabesa inosenti, 8 pabia fidju di omi i Sinhor di Sabadu. ^{9 10} 9 Jesus sai di la i yentra na sinagoga. 10 I ten ba un omi ku mon tursidu. Fariseus punta Jesus: I pirmitidu pa kura na dia di sabadu. pa e pudi akusasl di pekadu. ^{11 12} 11 Jesus fala elis: Kal omi na bo metadi, ku tene un karnel, si e karnel kai na un koba fundu na dia di sabadu, i kana bai tiral la.12 ku fadi e omi ku mas ten balur di ke karnel, anta i pirmitidu fasi ben na dia sabadu. ^{13 14} 13 Jesus fala ki omi: Distindi bu mon. I distindi mon i kuradu, I fika suma kil utru mon. 14 Ma fariseus sai e tchutchi djintis kontra el, e na djubi manera di tiral vida. ^{15 16 17} 15 Jesus dipus ki ntindi kila i afasta di la. Manga di djintis sigil, i kura elis tudu. 16 I da elis ordi pa e ka konta utrus, pa mostra kuma kil ku prufeta Isaias fala i bardadi. ¹⁸ 18 Bo djubi nha servu kun kudji, nha amadu, kin ku nha alma ten prazer. Na ppui nha Spiritu riba del, i na konta djustisa pa djintius. ^{19 20 21} 19 El ki kana diskuti, nin i kana grita, nin algin kana obi si fala na ruas. 20 I kana kebra kana ku tursi, i kana paga pabiu ku na fuma, tok i ta leba djustisa pa vitoria, 21 djintius ta tene konfiansa na si nomi. ^{22 23} 22 E lebal un omi ku segu, ku mudu ku dimoniu yentra ba, i Jesus kural. Rusultadi omi mudu kumsa papia. 23 Tudu multidons fika dimiradu e fala: E omi i pudi sedu fidju di Davi. ^{24 25} 24 Ma kontra fariseus obi des milagri e fala: E omi kata serka dimoniu si ka pabia di Belsebu, ku xefi di dimonius. 25 Jesus, i ntindi ke ku e na pensa i fala elis: Tudu reinu ku dividi i kata izisti, tudu sidadi o kasa ku dividi i kata kontinua. ^{26 27} 26 Si satanas, na serka satanas, i sta dividu ku si propi kabesa, kuma ku si reinu na kontinua. 27 Sin ta serka dimonius ku puder di Belsebu, anta bo fidjus e ta serka ku puder di kin. Pabia ki dika ke na sedu bo djuis. ^{28 29 30} 28 Ma sin ta serka dimonius ku puder di Spiritu di Deus, anta reinu di Deus tchiga pa bos. 29 Kuma kun algin ta yentra na kasa di un omi forti pa furta kusas ki tene sin i maral purmeru. Dipus i ta furta ke ki tene na si kasa. 30 Kil ku ka sta ku mi i kontra mi, kil ku kata djunta ku mi i ta spadja. ^{31 32} 31 Pa kila, na fala bos: Kualker pekadu di lebsimenti ku omi fasi kontra Deus i na purdadu, ma pekadu di lebsimenti pa Spiritu Santu i kana purdadu. 32 Kualker ku papia mal kontra fidju di omi, i na purdadu kil pekadu, ma kil ku papaia mal di Spiritu Santu, i kana purdadu nes mundu, nin na mundu ku na bin. ^{33 34 35} 33 Si un arvori i bon, si fruta ta bon, ma si arvori i mau, si fruta ta mau, pabia arvori ta kunsidu pa si fruta. 34 Djorson di kobra si abos maus, kuma ku bo pudi papia bon kusas. Pabia boka ta papia ke ku intchi na korson. 35 Omi bon ta tira kusa bon na si tisoru ku bon, omi mau ta tira mau kusas na si tisoru ki mau. ^{36 37} 36 Na konta bos kuma na dia di juizu, djintis na konta di kada palavra ku ka bal ke papia. 37 Pa kila pa bu palavras bu na djustifikadi , ma pa bu palavra sbu na kondenadu. ^{38 39 40} 38 Sertus skribas ku fariseus fala Jesus: Mestri no misti odja bu sinal. 39 Kuntudu Jesus ruspundi elis: Mau djorsonku kaiduris di tchai bo na buska sinal, ma nin un sinal e kana dau, fora di sinal di Jonas purfeta. 40 Pabia suma Jonas fika na bariga di pis pa tris dias ku tris noiti, asin ku fidju di omi na fika tris dias, ku tris noiti na korson di tchon. ⁴¹ 41 Na dia di juizu djintis di Ninivi na lanta pa kondena djintis do aos, pabia e rinpindi ku pregason do Jonas, ma i sta li kim ku mas Jonas. ⁴² 42 Ma Rainha di sul na lanta kontra djintis di aos, pabia i sai lundju di si tera pa bin obi djiresa di Salumon, ma i sta li kin ku mas Salumon. ^{43 44 45} 43 Ora ku spiritu mau sai na un0 omi i ta, i ta bai pa lugaris sekus pa buska diskansu, ma si ka otcha. 44 I ta fala: Na riba pa nha kasa, nunde kun sai. Si riba, i odja kasa baridu i rumadu diritu. 45 I ta leba djuntu ku el seti spiritus pioris di ki el propi, tudu elis e ta pa mora la. Kondison di omi i ta sta pior ki ke purmeru. Asin ki na sedu ku e djorson mau. ^{46 47} 46 Tementi Jesus na papia ku multidons, si mame ku si ermons e staba na fora, e misti papia ke el. 47 Algin falal: Djubi bu mame ku bu ermons e sta fora e na buskau e misti papia ku bo. ^{48 49 50} 48 Ma Jesus fala kil ku kontal: Ki ki nha mame, kin ki nha ermons. 49 I distindi si mon pa si disipulu i fala: Bo djubi ali nha mame ku nha ermons, 50 kil ku ta fasi vontadi di nha pape ku sta na seu, i algin i nha ermon ku nha mame.