^{1 2} 1 Jesus konvoka ki dozi i da elis puder ku otoridadi riba di dimoniusku kura duensas. 2 I manda elis pa e prega bon noba di reunu di Deus i pa kura duentis. ^{3 4} 3 I fala elis: Ka bo leba nada pa bias, nin manduku, nin bolsa, nin pon, nin ropa pa torkia. 4 Kauker kasa ku bo yentra, bo fika la te ora ku bo na sai di lugar. ^{5 6} 5 Ora ke ka risibi bos, si bo na sai di kil sidadi, bo sakudi puera di bo pepa i sedu tustumunhu kontra elis. 6 E sai pa tabankas, e na konta bon noba e na kura djintis na tudu lugar. ^{7 8 9} 7 Otcha Erodis tetrarka, obi ke ku na kontis i fika dimiradu, pabia utrus na fala kuma Djon Batista lanta di mortu. 8 Alguns na fala Eliastorna parsi mas, utrus na fala un di prufetas antigus volta vivi mas. 9 Erodis fala: Djon n'manda kortal kabesa, ma es i kin kun na obi e kusas sobri el? Erodis tenta algun manera pa odja Jesus. ^{10 11} 10 Otcha kil dozi apostulus ku Jesus manda e riba, e konta Jesus tudu ke ku e fasi. Jesus leba elis pa un sidadi ku tchoma Betsaida, ma manga di djintis obi es e sigil. I risibi elis tudu, i konta elis di reinu di Deusi kura kilis ku pirsisa di kura. ^{12 13 14} 12 Otcha ku sol noti ki dozi e bin pa el e fala: Dispidi djintis, de manera e djintis, pa e pudi bai pa tabankas pertu pa e otcha kau di gasidja ku kumida, pabia lugar ku no sta nel i dingi. 13 Ma i fala:Bo da elis di kume. E fala: No ka tene mas di ke sinku pon ku dus pis, o no bai kumpra kumida pa tudu e djintis. 14 I ten ba kuas sinku mil omis la.I fala si disipulus: Bo pui elis pa e sinta na grupu di sinkuenta djintis. ^{15 16 17} 15 E fasi asin tudu djintis sinta. 16 I toma ki sinku pon ku dus pis i djubi pa seu i bensua elis, i kebra na padas i n'terga si disipulus pa e raparti djintis. 17 Tudu kume, e farta e farta e intchi dozi sestus ku mida ku sobra. ^{18 19} 18 Jesus na ora ba el son si disipulus sta ba ku el.I punta elis: E djintis kin ke ta fala n'sedu? 19 E ruspundi: Un djintis ta fala abo i Djon Batista, alguns ta fala abo i Elias i utrus ta fala kuma abo i un di prufeta antigus ku riba pa vida. ^{20 21 22} 20 I fala: Ma kin ku bo fala n'sedu? Pedru ruspundi i fala: Kristu di Deus. 21 Jesus tchomal atenson pa i ka papia ku ningin es, 22 I fala elis: I pirsis pa fidju di omi sufri manga di kusas, pa i negadu pa garandis, pa xefis di sacerdotis, pa skribas, pa i matadu pa i lanta di mortu na terseru dia. ^{23 24 25} 23 Si algin misti bin nha tras, pa i nega si kabesa, i toma krus tudu dia i sigin. 24 Kil ku misti salva si vida i na pirdil, ma kil ku ku pirdi si vida pabia di mi, i na salval. 25 Kal ki n'ganhu pa algin n'ganha mundu n'tidu i pirdi o i kaba ku si kabesa? ^{26 27} 26 Kil ku ta burgunhu di mi, ku nha palavra, fidju di omi na burgunhu el ora ki binna si gloria, ku gloria di si pape ku si santu andjus. 27 Na konta bos bardadi, alguns di bos ku sta lie kana muri tok ke odja reinu di Deus. ^{28 29} 28 I pasa, oitu dias ki fala e palavras, Jesus leba Pedru, Djon, ku Tiagu, djuntu ku el pa ora na monti. 29 Tementi e na ora parsensa di si rostu muda, si ropas torna branku i na lampra. ^{30 31} 30 Dus omi na papia ku el, Moises ku Elias, 31E parsi ku garandi gloria ku briliu. e na paia kuma si partida pertu pa kumpri na Jerusalen. ^{32 33} 32 Pedru ku kilis ku sta ba ku el sonu domina elis, ma otcha e korda e odja gloria di Jesus ku dus omis ku sta ba ku el. 33 Otcha kilas na afasta di Jesus, Pedru fala: Mestri, i bon pa no sta li. no na kumpu tris baraka, un son pa bo, un son pa Moises, utru pa Elias, ma i ka sibi ke ki na papia. ^{34 35 36} 34 Tementi i na fala e kusas, un nuven bin i kubri elis ku si sombra, e panta suma e yentra na nuven. 35 Un vos sai di nuvens, i fala: Es i nha fidju, kun kudji, bo obil. 36 Otcha vos kala, Jesus sta ba el son. elis tudu e kalana ki dias e ka konta ningin nada ke ku e odja. ^{37 38 39 40} Na utru dia manga di djintis e kontra ku elis otcha e na ria di monti. 38 Un omi na metadi di djintis i girta i fala: Mestri na rogau pa bu djubi pa nha fidjupabia el son kun tene. 39 Un spiritu ta yentral di repenti i ta kumsa girta, i na sakudi, sukuma ta sail na boka. E spiritu i difisil pa i sai na el, i molostral tchiu. 40 N'pidi bi disipulus pa e serkal pa e ka pudi. ^{41 42} 41 Jesus ruspundi elis i fala: Djorson ku ka tene fe, ku mau?? te kal tempu kun na sta ku bospa suposta bos? Tisin bu fidju li. 42 Tementi e na tisi mininu, dimoniu botal na tchoni na sakudi. Ma Jesus riprindi spiritu mau, i kura mininu i n'tergal pa si pape. ^{43 44 45} 43Tudu fika dimiradu ku garandesa di Deus. Ma tementi djintis tudu na dimira tudu ku Jesus fasi, I fala si disipulus: 44 Bo pui e palavras na bo oredja: Fidju di omi na n'tergadu na mons di omis.45 Ma e ka n'tindi signifikadu des palavras, E palavra, i sukundidu, pa e ka n'tindi. e medi ba puntal sobri e diklarason. ^{46 47 48} 46 Ma disipulus kumsa duskuti anti delis kin ku na mas garandi. 47 Ma Jesus sibi ke ku e na pensa na se korson, i toma un mininu i pul na si ladu, 48 i fala elis: Si algin risibi e mininu na nha nomi, i na risibin, si algin risibin i risibi tambi kil ku mandan. Pabia kil ku pikininu na bos el ki garandi. ^{49 50} 49 Djon falal: Mestri, no odja algin na serka dimoniu na bu nomi no tudjil, pabia i kata sigiu ku nos. 50 Ma Jesus fala: Ka bo tudjil, pabia kin ki ka kontra nos i sta pa nos. ^{51 52 53} 51 Otcha i na kompleta dia pa i riba pa seu, I toma disison di bai pa Jerusalen 52I manda un mensajeiru si dianti. E yentra na un tabanka di Samariapa purpara si si chegada. 53 Ma djintis di la ka risibil, pabia e tene disidju di bai Jerusalen. ^{54 55 56} 54 Otcha si disipulus Tiagu ku Djon odja ki kusa, e fala: Sinhor bu misti pa no manda pa fugu ria di seu pa i distrui elis. 55 Ma Jesus vira pa elis i riprindi elis. 56 Di la e bai utru tabanka. ^{57 58} 57 Tementi e bai na kaminhu, algin fala elis: Na sigiu Pa nunde ku bu bai. 58 Raposa tene koba , pastrus di seu tene se ninhus, Ma fidju di omi i ka tene kau pa n'kunha kabesa. ^{59 60} 59 I fala utru algin sigin. Mai i ruspundi: Sinhor peran pan n'tera nha pape. 60 Disa mortus pa e n'tera mortus, abo bai konta na tudu lugar reinu di Deus. ^{61 62} 61 Utru djintis tambi fala: Na sigiu, Sinhor, ma pirmitin pan dispidi djintis di nha kau. 62 Ma Jesus falal: Ningin ku, pui mon na radi i i na djubi tras, i ka aptu pa reinu di Deus.