1 2 3 1 Dipus des kusas, Jesus kumsa na yanda pa diferntis sidadi ku tabankas i na prega, i na konta bon noba di reunu di Deus kil dozi bai ku el, 2 utrus mindjeris ku kuradu si spiritus mau ku duensa. Ku sedu: Maria, ku tchomadu Madalena, ku tene ba seti dimonius ku serkadu, 3 Djuana, mindjer di Kuza, administradur di Erodis, Suzana ku manga di mindjeris ku ta tisi ba elis kusas ku se rekursus. 4 5 6 4 E djunta manga di djintis, tudu ku kilis ku bin di utrus sidadis pa kontra ku el, Jesus konta elis un storia: Un simiadur i sai pa simia alguns simenti. Tementi i na simia, alguns simenti kai lungu di kaminhu, e masadu, pastrus di seu kumel tudu. 6 Utru kai na tchon ku tene pedra otcha e kirsi, e seka pa falta di umidadi. 7 8 7 Inda utrus kai na metadi di fidida e kirsi djuntuku fididas ma fidida bafa elis. 8 Ma alguns kai na bon tchon, e kirsi diritu, e pasi na kebur sen bias mas. Dipus ku Jesus fala e kusas, I girta risu: Kin ku tene oredja di obi, pa i obi. 9 10 9 Disipulus puntal Ke ku e storia misti konta. 10 Jesus fala elis: Bo dadu privilejiu di risibi sigridu di reinu di Deus, ma utrus djintis e na n'sinadu atraves di storias, na es manera e ta djubi e kata odja, e ta obi, e kata n'tindi. 11 12 13 11 Es ki signifikadu di storia: Simenti i palavra di Deus. 12 Simenti ku kai lungu di kaminhui kilis ku ta obi, ma diabu ta bin rinka palavra na se korsonpa e ka pudi fia pa e salva. 13 Simenti ku kai na tchon di pedra i kilis ku ta obi palavra, e ta risibil ku kontentamentu, ma e ka kria rais. E ta fia pa un tempu ma na tempu di provason e ta disvia. 14 15 14 Simenti ku kai na fidida i kil djintis ku obi palavra, ma tementi e bai e ta bafadu pa mistidas, rikesa, ku prazer des vida, e kata da fruta. 15 M kili simenti ku kai na bon tchon i kil djintis ku, sinsedidadi di bon korson, e obi palavra, e pega ku forsa e padi frutu ku perseveransa. 16 17 18 Ningin kata sindi kandia i kubril ku vasu o i pul bas di kama. ma i ta pul riba di mesa, pa tudu kin ku yentra i ta odja lus. 17 Pabia tudu ku st sukundidu na mostradu, tudu kil ki sigridu na kunsidu i na tisidu pa lus. 18 Bo sukuta ku kuidadu, pabia pa kil ku tene tchiu i na buridu tchiu, ma pa kil ku ka tene, ate kil ki pensa i tenei na tiradu el. 19 20 21 19 Mame ku ermons di Jesus e bai pa el, ma e ka pudi tchiga pertu pabia di manga di djintis. 20 E falal: Bu mame ku bu ermons e sta la fora e na pera pa odjau. 21 Jesus fala elis: Nha mame ku nha ermons i kilis ku ta obi palavra di Deus e ta pratikal. 22 23 22 I kontis un di kil dias ku Jesus ku si disipulus yentra na un barku, Jesus fala elis no bai pa utru banda di lagua. E sai. 23 Ma, tementi e na bai na yagu, Jesus durmi. Un bentu forti panha elis na lagua barku kumsa intchi ku yagu, e sta ba na pirigu garandi. 24 25 24 Disipulus bai kordal e falal: Mestri, Mestri no pertu muri. I korda, i riprindi ki bentu forti forsa di yagu para, kau bida kalmu. 25 I fala elis nunde bo fe? Manera ke panta e dimira e falan n'utru: Es i kin, ku ta manda na bentu ku yagu pa e obdisil? 26 27 26 E bai pa rijion di jerasenus, ku fika na utru banda di riu di Galileia. 27 Otcha Jesus masa kil tchon un omi di tera bin kontra ku el, e omi i tene dimonius. Manga di tempui kata bisti ropa i kata mora na kasa, ma simiteriu. 28 29 28 Otcha i odja Jesus i m'borka si dianti. I girta risu i fala: Ke kun ten ku bo, Jesus fidju di Deus altisimu? N'na pidiu ka bu turmentan. 29 Pabia Jesus manda ba dja pa e sai na kil omi, manga di bias nin ki e prindil ku korenti, ku kolmu, tambi ku guarda pa bisial, i ta rebenta korentis dimonius ta lebal pa disertu. 30 31 30 Jesus puntal kuma ki bu nomi? I fala: Lejiaun, pabia no tchiu dentru del31 E roga Jesus pa i ka manda elis pa abismu. 32 33 32 Na kil lugar i sta ba li purkus ku na bakiadue rogal pa e yentra na kil purkus. i pirmiti elis pa e fasi asin. 33 Dimonius sai na omi e yentra na purkus, purkus kuri e kai na kobon garandi na lagua e foga. 34 35 34 Otcha omis ku na bakia purkusodja ke ku kontisi, e fusi i e konta n sidadis ku tabankas. 35 Kilia ku obi e noba e bai djubi ke ku kontisi, otcha e tchiga e pertu Jesus, e odja omi ku dimonius sai na el. omi bisti, ku sintidu diritu pertu di Jesus, i panta tudu. 36 37 36 Kilis ku odja ke ku kontisi, e konta pa utrus kuma ku omi ku dimonius ta kontrola salva. 37 Tudu djintis di rijion di Jerasenus ke se vizinhansa e pidi Jesus pa i sai na se metadi, e fika ku garandi medu. Jesus yentra na barku i riba. 38 39 38 Kil omi ku dimonius sai del i roga Jesus pa i disal bai ku el, ma Jesus ribantal, i falal: Riba pa bu kasa bu konta djintis ke ku Deus fai pa bo. Omi kontinua si kaminhu, i na konta pa tudu sidadi ke ku Jesus fasi pa el. 40 41 42 40 Otcha Jesus riba, mutidon risibil ku alegria, e na pera ba dja. 41 i ten ba un omi tchomadu Jairu ki era un di lideris di di sinagoga. Jairu m'borka na pe di Jesus i rogal pa i bai si kasa, 42 pabia si uniku fidju femia, di dozi anus i na muri. ma tementi Jesus na bai djintis na pertal. 43 44 43 Un mindjer ku ten ba imorajia pa dozi anu sta ba nametadi di djintis. I gasta ba tudu si dinheruku medikus, ma nin un son ka pudi kural. 44 I bin pa tras i toka na ponta di manta di Jesus, na kil ora sangi para sai. 45 46 45 Jesus fala kin ku tokan? Otcha tudu djintis nega, Pedru fala: Mestri E djintis ku tchiu sin e na pertau. 46 Ma Jesus fala: Algin tokan, pabia n'sinti puder sai na mi. 47 48 47 otcha mindjer odja kuma i ka pudi sukundi di ke si fasi, i bin i na tirmi, i m'borka na pe di Jesus i diklara dianti di tudu djintis mativu ku manda i toka nel kuma ki kuradu djanan. 48 Jesus falal: NHa fidju bai ku pas. 49 50 49 Tementi Jesus na papia algin di kasa di lider di sinagoga i fala: Ka bu n'komoda Mestri. bu fidju muri. 50 Ma kontra Jesus obi es i fala Jairu: Ka bu medi fia son i na salva. 51 52 53 51 Otcha Jesus tchiga na kasa, i ka pirmiti pa ningin yentra ku el, fora di Pedru, Djon, Tiagu, suma si pape ku mame. 52Tudu djintis na tchora e na miskinha pabia del, ma i fala: Ka bo tchora i ka muri, i na durmi. 53 E ri del pabia e sibi kuma kila muri. 54 55 56 54 Ma i pega mon di badjuda i girta i fala: Badjuda lanta. 55 Si spiritu riba na el i lanta djanan. I manda pa dal kusa di kume. 56 Si papes panta, ma i manda elis pa e ka konta ningin ke ku kontisi.