^{1 2} 1 Ermons si un omi panhadu na fasi pekadu, abos ki spirituais bo dibi di restaura es algin ku spiritu di mansesa; Bo kuira do n' utru pa bo ka bin tentadu tambi. 2 Bo leba kargu di n'utru, asin bo ta kumpri lei di Kristu. ^{3 4 5} 3 Si algin pensa kuma i sedu algun kusa, ma nada i ka sedu, i n'gana si kabesa. 4 kada kin dibi di djubi si manha i ta tene un kusa na el pa i ronka, sin fasi komparason ku utru. 5 Pabia kada kin na karga si kargo. ^{6 7 8} 6 Kin ku nsinadu plavra di Deus i ten ku rapati bons kusas ku kin ku nsinal. 7 Ka bo ngana bo kabesa Deus ka pudi fasidu diskarna. tudu kil ku omi simia i kila ki na kebra. 8 Pabia kil ku simia si natureza di pekadu ke ku na kabra ku el; ma kil ku kudji simia na Spiritu i na kebra vida iterna. ^{9 10} 9 No ka dibi di kansa fasi bem, pabia na tempu sertu no na kebral di no ka disisti. 10 Tementi no tene oportunidadi di fasi bem pa tudu djintis prinsipalmenti pa djintis di familia di fe. ^{11 12 13} 11 Bo odja e letras garandi nskirbil ku nha mon. 12 Kilis ku isti ngana djintis ku bon parsensa na karni pa e ka forsidja bos sirkunsida, so pa kilis ku bin pirsigidu pabia di krus di Kristu. 13 Nin kilis ku sirkunsida ta kumpri lei; ma e misti pa bo sirkunsida pa bo tene motivu di ronka na bo karni. ^{14 15 16} 14 Pa Deus libran di ronka na utru kusa si ka na krus di Kristu, ki pabia del mundu sta krusifikadu pa mi, i ami pa mundu. 15 Sirkunsidadu o nau i ka tene balur, ke ki mportanti pa sedu nobu kriatura. 16 Pa kilis ku ta vivi di akorku ku es es nsinamentu, pa pas, ku mizerikordia ta sta riba delis ku tudu Israel di Deus. ^{17 18} 17 Gosi pa dianti pa ka ningin tisin kansera, pabia nkarga marka di Jesus Kristu na nha kurpu. 18 Pa fabur di no Sinhor Jesus Kristu ta sta ku bo Spiritu ermons. Amen.