^{1 2} 1 Kristu libertanu pa no sedu livri, bo fika firmi, ka bo seta mas miti bo kabesa bas di katiberasku. 2 Bo odja ami Paulu na fala bos si bo seta bo sirkunsidadu, Kristu ka sirbi bos pa nada. ^{3 4} 3 Bo obi na aviza kualker omi ku seta i sirkunsidadu i ta obrigadu kumpri tudu lei. 4 Bo sta siparadu di Kristu, abos ku disdja djustifikason pabia di lei. Bo ka spurmenta fabur di Deus. ^{5 6 7 8} 5 Pabia anos pa Spiritu di fe no na pera speransa di djustisa. 6 Na Kristu nin sirkunsizon, nin insirkunsizon ka tene balur, ma son fe ku ta tarbadja na amor. 7 Bo na kuri ba diritu. Kin ku tudji bos pa obdisi bardadi? 8 E ngondu ka bin di kil ku tchoma bos. ^{9 10} 9 Un bokadu di formentu i ta lantanda masa tudu. 10 Nfia na Sinhor kuma bo na tene utru vison. Kilis ku na purturba bos e na kastigadu, i ka mposta kin ki sedu. ^{11 12} 11 Ermons sin'na fala djintis pa e sirkunsidadu, pa ke kun na pirsigidu? na e manera nkana fala di rus di kristu pa ka ofendi ningin. 12 Ma kilis ku kata disa bos ketu i mindjor pa e kapa se kurpu. ^{13 14 15} 13 Pabia bo tchomadu pa liberdadi; ma ka bo usa liberdadi suma opurtunidadi pa naturesa di pekadu, antis di kila bo sirbi n'utru na amor. 14PBI tudu lei i un mandamentu son: Ama bu kumpanher suma abo propi. 15 Ma abos bo ta murdi n'utru, bo ta kaba ku 'nutru, Bo kuida pa bo ka kaba ku n'utru. ^{16 17 18} 16 Na fala bos bo yanda na Spiritu bo kata fasi disidju di bo naturesa di pekadu. 17 Pabia kil ku naturesa di pekadu misti, i kontra ke ku Spiritu misti, kil ku Spiritu misti i kontra ke ku natusa di pekadu misti, elis e ta geria ku n'utru. Pa bo ka pudi fasi ke ku bo misti. Ma si bo ta giadu pa Spiritu, bo ka sta bas di lei. ^{19 20 21} Ma obras di karni ta manifestadu na pekadu seksual, na vida susu, na puku borgonha, 20 Na adora idulus, na futis, na indimisadi, na djus, na kombosadia, na raiba, na gerias, na djundadjunda, na divison. 21 Na nveja, Na bibidera, na ukesa, na kusas ku parsi ku es. N'nakonta bos suma kuntarda konta bos, kilis ku ta fasi asin ka ta ten patidi na reinu di Deus. ^{22 23 24} 22 Ma frutu di spiritu ta padi di amor, alegria, pas, pasensa, sta pruntu pa djuda, bondadi, fe, 23 Mansesa, ku puder pa domina kurpu, Kontra e kusas i ka ten lei. 24 Kilis ku pertensi Kristu Jesus e krusifika se naturesa di pekadu ku tudu disidju mau. ^{25 26} 25 Si no na vivi na Spiritu, no yanda tambi na Spiritu. 26 No kata ronka, nin pa provoka n'utru, nin pa nveja n'utru.