^{1 2 3} 1 Na utrus kusas ermons bo ora pa nos pa palavra di Sinhor kuntinua spadjadu pa i baluradu suma ki kontisi na bo metadi. 2 Pa no libradu di omis kuruptus maus, pabia fe i ka di tudus. 3 Ma Sinhor i fiel, ku na fortalesi bos i guarda bos di malvadu. ^{4 5} 4 No fia na Sinhor kuantu abos, bo na fasi ke ku bo kuntinua fasi ke ku no manda bos. 5 Pa sinhor gia bo korson pa amor pa Deus, ku pasensa di Kristu. ^{6 7 8 9} 6 Ma no na manda bos ermons,na nomi di no Sinhor Jesus Kristu pa bo lundjusi di ermons ku kata yanda diritu, na menera ku bo n'sinadu. 7 Pabia abos propi bo sibi manera ku bo dibi di remendanu, pabia no ka yanda saklatadu na bo metadi. 8 Nin no ka kume di fabur pon di kualker un, ma ku tarbadju ku kansera ku no tarbadja di dia ku di noti pa noka n'komoda nin un di bos. 9 I ka pabia no tene otoridadi pa fasil, mas, pabia anos propi no ta da ba isemplupa bos pa bi imitanu. ^{10 11 12} 10 Pabia tambe otcha no sta ba ku bos no manda bos es: Si algin ka misti tarbadja, pa i ka kume tambi. 11 Pabia no obi kuma i ten djintis na bo metadi ku kana yanda diritu e nega tarbadju, ma e ta miti na tarbadju di utru. 12 Ma pa kil djintis no na manda, no izorta pabia di Jesus Kristu pa e tarbadja sin n'komoda utrus, pa e kume se propi pon. ^{13 14 15} 13 abos ermons ka bo kansa di fasi ben. 14 Ma si algin ka misti obdisi no palavras ku sta nes karta, tchomal atenson, ka bo mistura ku el, pa i pudi burgunhu. 15 Ka bo konsideral suma indimigu ma bo alertal suma ermon. ^{16 17 18} 16 Ki mesmu Sinhor di pas, i ta da bos pas na tudu manera. Sinhor ta sta ku bos. 17 Mantenhas ku nha propi mon, Paulu ki nha asinatura na tudu karta, asin ku n'ta skirbi. 18 Pa grasa di no Sinhor Jesus Kristu ta sta ku bos tudu. Amen