^{1 2} 1 Ermons no na roga bos sobri vinda di no Sinhor Jesus Kristu, i no djuntamentu ku el, 2 pa bo ka fika inkietu na bo pensamentu, nin pa spiritu, nin pa karta suma anos ku skirbil suma si dia di Sinhor pertu. ^{3 4} 3 Pa ka ningin n'gana bos, pabia i kana bin sin purmeru djintis disvia di Deus, pa omi di indjustisa manifesta, fidju di pirdison. 4 Kila na firma pa geria ku tudu kil ki di Deus, o ki ki ta adoradu. pa kila i na sinta na Templu di Deus pa i fasi si kabesa suma Deus. ^{5 6 7} 5 Bo ka lembra kuma otcha n'sta ba ku bos n'ta konta ba bos e kusas?6 Gosi bo sibi ke ku tadjal, ma na si tempu propi i na manifestadu. 7 Maldadi di indjustisa i na tarbadja dja i ten ke ku tadjal inda, te ora ki tiradu na metadi. ^{8 9 10} 8 I na manifestadu kil indjustu ku Sinhor na distrui ora ki supral ku si boka, i na kaba ku el ora ki parsi na si vinda. 9 Kil indjustu na bin ku puder di Satanas i na fasi tudu koldadi milagris falsus. 10Ku tudu n'ganu riba di kilis ku na pirdi e na pirdi pabia e nega risibi amor di bardadi pa e pudi salva. ^{11 12} El ku manda Deus manda puder di n'ganu pa e pudi fia na mintida. 12 pa e kondenadu tudu, kilis ku ka fia na bardadi, ma i ten ba prazer na na indjustisa. ^{13 14 15} 13 Ma no dibi di da sempri Deus grasas pa bos, ermons ku Sinhor ama, pabia Deus kudji bos desdi kumsada pa salvason na santifikason di spiritu, ku fe na bardadi. 14 Ki tchoma bos pabia di no bon noba pa orcha gloria di no Sinhor Jesus Kristu. 15 Pa kila ermons bo fika firmi na kusas ku bo n'sinadu, pa palavra o pa no kartas. ^{16 17} 16 El propi, no Sinhor Jesus Kristu , no Deus i pape ku amanu na grasa i danu un konsolasu iternu ku bon spreransa, 17 Pa I konsola bo korsons, i fortalesi bos na tudu bon palavra ku obras.