^{1 2} 1 Paulu, ku Silvanu, ku Timotiu, Pa igreja di Tesalonisensis, Na Deus pape , i na Sinhor Jesus Kristu . Pa i ten na bo metadi grasa ku Pas di no pape ku di Sinhor Jesus Keistu. ^{3 4 5} 3 No dibi di fala Deus obrigadu, pabia di bos, ermons, suma ki koretu, pabia bo fe na kirsi tchiu, ku amor di kada un son di bos, pa kumpanheri kada bias mas garandi.. 4 Pabia des no ta orgulia di bos na igrejas di Deus, pabia di bo pasensa, ku fe na tudu pirsigison ku bo suporta, 5 Ki prova klaru di djulgamentu di Deus pa bo pudi konsideradu dignu di reinu di Deus, ku pabia di el bo ta sufri. ^{6 7 8} 6 Deus na fasi si djustisa i na torna foronta pa kil ku foronta bos. 7 Pa bos ku na foronta i na sedu aliviu ora ku Sinhor Jesus parsi na seu ku andjus ku si puder. 8 Ku fugu ku na yardi pa vinga kilis ku ka kunsi Deus, ku kilis ku ta obdisi bon noba. di no Sinhor Jesus Kristu, ^{9 10} 9 Ku na kastigadu ku pirdison iternu, lundju di rostu di Sinhor, di si gloria ku si forsa. 10 Ora ki bin pa i glorifikadu na si santus, pa i dimiradu pa tudu kilis ku fia, ( pabia no tustumunhu setadu na bo metadi). ^{11 12} 11 Pa kila ku no ta roga pa bos tambi, pa no Deus fasi bos dignu di tchomada, pa i kumpri tudu bon disidju ku obra di fe ku puder. 12 Pa nomi di no Sinhor Jesus Kristu glorifikadu na bos, i abis nel, sugundu grasa di no Deus, ku Di Sinhor Jesus Kristu.