^{1 2 3} 1 No kumsa na glora utru bias? No ka pirsisa di karta di rukumendasonpa boso di bos, suma ku algun pirsisa di karta di rukumendason, 2 Abos propi i no karta di rukumendason, ku skirbidu na no korson, ku kunsidu ku ta leidu pa tudi djintis. 3 Bo mostra kuma bo sedu karta di Kristu, ku no n'terga, ku ka skirbidu ku tintas, ma pa Spiritu di Deus bibu. Ku ka skirbidu na tabua di pedra, ma tabua di korsons di omis. ^{4 5 6} 4 Es konfiansa ku no ten na Deus pabia di Kristu. 5 Anos no ka kompitenti pa no kabesa, na no n'djata kuma kualker kusa ta bin di nos propi, ma kontrariu no kompitensia i bin di Deus. 6 I el ku danu kapasidadi pa no sedu servu di aliansa nobu, i ka di letras ma di Spiritu, Pabia letra ta mata, ma Spiritu ta da vida. ^{7 8} 7 Ma, si ministeriu di morti, ku skirbidu na pedras, i bin ku gloria garandi tok ku povu di Israel e ka pudi odja na rostu di Moises, pabia di gloria na si rostu, ku na pirdi si briliu. 8 Kuma ku ministeriu di Spiritu kana sedu mas gloriosu? ^{9 10 11} 9 Si ministeriu di kondenason tene ba gloria, ku fadi ministeriu di justifikason na gloria. 10 Na bardadi kil ku un bias son i fasidu gloriosu, nes sintidu, i disa di sedu pabia di gloria di kil ku mas el. 11 Pabia si kil ku na pirdi briliu i tene ba gloria, kil ku na fika pa sempri na tene mas gloria. ^{12 13} 12 Manera ku no tene e konfiansa no aji ku tudu osadia, 13 i ka suma Moises ku pui panu na rostu, pa ka povu di Israel pudi pirsibi fin di gloria ku na pirdi briliu. ^{14 15 16} 14 Ma se sintidu fitcha, pabia te gosi mesmu panu manti na leitura di alinsa antigu. E panu manti pabia, so na Kristu ki pudi tiradu. 15 Mesmu aos si moises na leidu un panu ta pudu na se korson. 16 Ma, ora kun algin riba pa Sinhor, panu ta tiradu. ^{17 18} 17 Pabia Sinhor i Spiritu, nunde ku Spiritu di Sinhoe sta i ten liberdadi. 18 Anos tudu, ku rostu diskubertu, no odja gloria di Sinhor. No na transformadu di gloria, en gloria na mesmu imajen gloriosu suma di parti di Sinhor, ku sedu Spiritu.