^{1 2} N'disidi ami propi pa ka bai dhubi bos ku tristesa. 2 sin pui bos tristesa, kin ku pudi animan si ka kilis kun pui tristesa? ^{3 4} 3 N'skirbi bos des manera, pa ora kun visita bos pan ka n'tristisi na kusas ku bo dibi di pun kontenti. N'fia kuma nha alegria i mesmu ku di bos tudu. 4 Niskirbi bos ku garandi fadiga na korson, ku larmas. N'ka misti pui bos tristesa, ma 'misti pa bo kunsi kuma ku nha amor i prufundu pa bos ^{5 6 7} 5 Si algin tisi tristeza, i ka pa mi son, ma i pa bos tudu, pan ka brabu tchiu. 6 Kastigu des algin pa maioria di bos i djustu. 7 Antis di kastigu, bo dibi di purdal, konfortal, pa i ka karga mas tristesa. ^{8 9} 8 Anta, na n'koraja bos pa bo afirma bo amor publikamenti pa el. 9 Es i motivu ku manda n'skirbi bos pan pudi djubi bos pan n'tindi si bo ta obdisi na tudu. ^{10 11} 10 Si bo purda algin, ami tambi n'ta purda ki algin. Kil kun purda, sin purdal algun kusa. i sta purdadu pabia di bos dianti di Kristu, 11 pa satanas ka n'gananu. Pabia no kunsi si planus. ^{12 13} 12 Sinhoe yabrin un porta otcha kun bai na sidadi di Trodi pa konta bon noba di Kristu. 13 Mesmu asin n'ka tene pas di spiritu pabia n'ka odja nha ermon Titu. Anta n'disa elis la n'riba pa Masedonia. ^{14 15} 14 Ma, no na da Deus grasas, ki na Kristu i konduzinu sempri na vitoria. Ku atraves di nos, i ta spadja bon tcheru di si kunhisimentuna tudu lugar. 15 Pabia anos pa Deus i purfumu dos di Kristu, suma pa kilis ku salvadu, ku pa kilis ku na pirdi. ^{16 17} 16 Pa kilis ku na pirdi i un tcheru di morti pa mori. Pa kilis ku na salva i un tcheru di vida pa vida. Kin ku dignu des kusas? 17 Pabi anos i ka suma utru djintis ku ta bindi palavra di Deus pa lukru. N,bes des, ku motivus purus, no ta fala di Kristu suma kil ku deus manda, dianti di Deus.