^{1 2} 1 Spiritu konta klaramenti kuma na ultimus tempus alguns djintis na abandona fe i e na da atenson pa spiritu di n'ganu, ku n'sinamentus di dimoniu, 2 pabia di mintida ku findjimentu di kilis ku tene konsiensia ku kingiti. ^{3 4 5} 3 E proibi kasamenti e tudji pa kume sertus alimentus, kuntudu Deus ku kumpus elis pa krentis ku kunsi bardadi. 4 Pabia tudu kusas ku kumpudu pa Deus i bon. Nada ku no risibi ku no fala Deus obrigadu dibi di negadu, pabia i konsagradu pa Deus pa orason. ^{6 7 8} 6 Si bu koloka e kusas dianti di ermons, bu ta sedu bon servu di Jesus Kristu, pabia bu ta alimentadu ku palavra di fe ku bon n'sinamentu ku bu na sigi. 7 Libra di storia di mindjer garandi ku ka bali, n'bes des kontinua pratika disiplina na vida spirutual, 8 Pabia trenu fisiku i ka tene tchiu balur, ma trenu spiritual, i tene tchiu balur pabia i tene purmesa na e vida li ku kil ku na bin. ^{9 10} 9 E mensajen I di fiansa i dibi di setadu. 10 El ku manda no ta sforsa no ta tarbadja, pabia no tene fiansa na Deus bibu, ku sedu salvador di tudu djintis, mas inda pa kilis ku fia. ^{11 12 13} 11 Konta i bu n'sina e kusas. 12 Ka bu disa ningin lebsi bu juventudi, ma sedu izemplu pa kilis ku fia, na kobersa, na amor, na fidelidadi, na pureza. 13 Te ora kun riba, pega tesu na leitura, pa izorta pa n'sina. ^{14 15 16} 14 Ka bu diskisi di don ku sta dentru di bo, ku bu dadu atraves di prufesia ku garandis pui mon riba di bo. 15 Kuida ku e kusas pega tesu ku elis, pa bu kirsimentu odjadu pa tudu djintis. 16 Kuida di bu kabesa ku nsinamentu. kuntinua ne kusas pabia si bu fasi sin bu na salva bu kabesa ku kin ku ta obiu.