^{1 2 3} 1 E palavra i di konfiasa: Si algin disdja sedu Bispu, i disdja bon trabadju. 2 Pa kila Bispu dibi di sedu iriprensivel, omi di un mindjer son, korson abertu, ku ta rispita, ku ta gasidjanta, ku ten kondison pa n'sina, 3 ku kata bibi binhu tchiu, ku kata djusia, ma algin mansu, di pas, ku kata faima pa dinheru. ^{4 5} 4 Ku dibi di guverna si kasa diritu, fidjus di obdisil ku rispitu. 5 Pabia si un omi ka pudi guverna di kasa propi, kuma ki na kuida di igreja di Deus? ^{6 7} I ka dibi di sedu novu konvertidu, pa i ka bin orgulia i bin kai na kondenason suma ku diabu kai. 7 I dibi di rispitadu pa djintis di fora, Pa i ka bin kai na disgrasa ku na lastru di diabu. ^{8 9 10} 8 Diakunus, e dibi di sedu algin di rispitu, algin di un palavra. Ku kata toma binhu tchiu, ku kata faima pa dinheru, 9 e dibi di firma na bardadi di fe, ku konsiensia limpu 10 E dibi di aprovadu purmeru pa dipus e sirbi, pabia e otchadu sin kulpa. ^{11 12 13} 11 Mindjeris, na mesmu manera e dibi di sedu respeitosas. Ku kata kalunia, ma moderadus i fiel na tudu kusas. 12 Diakunus e ten ku sedu omi di un mindjer son ku ta guverna si kasa ku si fidjus diritu. 13 Pabia kil ku ta sirbi ben i ta yangasa pa si kabesa bon fama ku garandi konfiansana fe ku sta na Kristu Jesus. ^{14 15} Na skirbiu e kusas na pera bai visitau i kana tarda, 15 ma, sin atrasa, bu na sibi tarbadja na kasa di Deus, ku sedu igreja di Deus bibu, kuluna ku suporta bardadi. ¹⁶ 16 I ka pudi negadu kuma i sigridu fundu di no fe. El ku mostradu na karni, ku djustifikadu na spiritu, ku andjus odjal, ku kontadu del na metadi di nasons, ku mundu gosta del, ku izaltadu na gloria.